Nagababu: ఏపీలో టీడీపీ ఇక జీరో..ఆ ఒక్క పార్టీకే భవిష్యత్: నాగబాబు ఆసక్తికర వ్యాఖ్యలు – janasena party leader nagababu interesting comments on tdp future


ఏపీలో టీడీపీకి భవిష్యత్ లేదంటున్నారు జనసేన పార్టీ నేత, మెగా బ్రదర్ నాగబాబు. తనకు తెలిసినంత వరకు టీడీపీ జీరో అయిపోయినట్లేనని.. జనసేన నేతగా కాదు.. తన వ్యక్తిగత అభిప్రాయంగా చెబుతున్నాను అన్నారు. ఓ న్యూస్ ఛానల్‌కు ఇచ్చిన ఇంటర్వ్యూలో ఆసక్తికర వ్యాఖ్యలు చేశారు. టీడీపీలో జరిగిన తప్పుల వల్లే చంద్రబాబును ప్రజలు దూరం పెట్టారని.. టీడీపీకి భవిష్యత్ లేదన్నారు. జనసేన-బీజేపీకే మాత్రమే భవిష్యత్ ఉందని తన అభిప్రాయం అన్నారు.

తనకు ఎప్పుడూ ప్రత్యక్ష రాజకీయాల్లోకి రావాలనే ఇంట్రెస్ట్ లేదన్నారు నాగబాబు. ఎంపీ, ఎమ్మెల్యే కావాలనే కోరిక లేదని.. ప్రజారాజ్యం ముందు అనుకునేవాడిని కానీ.. ఇంట్రెస్ట్ లేక పోటీచేయలేదన్నారు. గత ఎన్నికల్లో కూడా పవన్ కళ్యాణ్ పోటీచేయమని అడిగారని.. అందుకే ఎన్నికల బరిలోకి దిగా అన్నారు. రాజకీయాల్లో ఉంటానని.. జనసేనకు సేవలు చేస్తాను అన్నారు. పార్టీని ప్రజల్లోకి తీసుకెళ్లడానికి పనిచేస్తానని చెప్పుకొచ్చారు.

నాగబాబు గతంలో కూడా టీడీపీని టార్గెట్ చేశారు. ట్విట్టర్ వేదికగా విమర్శలు చేశారు. ఏపీలో వైఎస్సార్ కాంగ్రెస్ పార్టీ తర్వాత అధికారంలోకి ఆ పార్టీనే వస్తుందా, జనసేన పార్టీ వస్తుందా.. బీజేపీ వస్తుందా అన్న విషయం కాలమే నిర్ణయించాలి. ఒక్కటి మాత్రం నిజం టీడీపీ రాదని తన గట్టి నమ్మకం అన్నారు. టీడీపీ ప్రభుత్వ హయాంలో ఏపీ ప్రజలకి ఊడబోడిచింది ఏమీ లేదన్నారు. డెవలప్‌మెంట్ అంత అనుకూల టీవీల్లోను, పత్రికల్లోనే కనబడేది అని విమర్శించారు.

గ్రౌండ్ లో కనిపించింది తక్కువ.. అలాగే అవినీతి, ఇసుక మాఫియా, కాల్ మనీ అబ్బో ఇంకా చాలా ఉన్నాయి అన్నారు నాగబాబు. ఈ ట్విట్టర్ ఏం సరిపోతుందిది.. లక్ష పేజీల గ్రంథాలే రాయొచ్చని.. అందుకే ఎన్నికల్లో ఘోరంగా ఓడిపోయింది అన్న విషయం టీడీపీ వాళ్ళు గుర్తించాలి అన్నారు. ‘ఇక తర్వాత మేం వస్తాం మాదే రాజ్యం లాంటి కలల్లో నుంచి బయటకి రావాలి.. లేదు మేము ఇలాంటి పగటి కలల్లోనే జీవిస్తాం అనుకొంటే వాళ్లకు స్వాగతం అన్నారు.



Source link

Leave a Reply

Your email address will not be published. Required fields are marked *