Nagababu: చైనా వస్తువులపై పడ్డ నాగబాబు.. ఆ యాప్‌లు కూడా బ్యాన్ చేయాలట.. – actor nagababu request to people that ban china products, mixed response on that tweet


గాంధీ- గాడ్సేపై వివాదాస్పద వ్యాఖ్యలు, నటుడు, టీడీపీ ఎమ్మెల్యే బాలకృష్ణతో వివాదం, కరెన్సీ నోట్ల మీద బొమ్మలపై వ్యాఖ్యలు, భారతీయుల రక్తం చల్లారిపోయిందంటూ హాట్ కామెంట్లతో ట్విట్టర్‌లో కాక రేపుతున్న మెగా బ్రదర్, జనసేన నాయకుడు నాగబాబు.. మరోసారి సంచలన వ్యాఖ్యలు చేశారు. ఈ సారి చైనా, ఆ దేశ వస్తువులపై పడ్డారు. చైనా వస్తువుల నుంచి మొబైల్ యాప్‌ల వరకు అన్నీ బహిష్కరిద్దామంటూ పిలుపునిచ్చారు. ఈ మేరకు బుధవారం నాగబాబు ట్వీట్లు చేశారు.

‘‘బ్యాన్ చైనా ప్రొడక్ట్స్, బ్యాన్ చైనా యాప్స్.. మన దేశాన్ని ఆక్రమించుకోవలని చూస్తున్న చైనా వస్తువుల్ని, సెల్ ఫోన్ యాప్స్‌ను బహిష్కరిద్దాం. మన దేశంలో తయారైన వస్తువులను కొందాం. ప్రపంచంలో మన దేశం పెద్ద మార్కెట్. అన్ని దేశాల వస్తువులు ఇక్కడ అమ్మి సొమ్ము చేసుకొని రూ. లక్షల కోట్లు సంపాదిస్తున్నారు.

అదే మన ప్రొడక్ట్స్‌ను మనమే కొంటే మన దేశమే లాభపడుతుంది. తిరిగి ఆ డబ్బుతో మన దేశం అభివృద్ధి చెందుతుంది. మనందరం బాగుపడతాం. మన డబ్బు మన దేశంలోనే ఉంటుంది, మనమే బాగుపడదాం. అంతే కాని మన డబ్బుతో బాగుపడి మన దేశాన్ని అక్రమించుకోవలని చూసే చైనా వస్తువుల్ని బ్యాన్ చేద్దాం.’’ అంటూ నాగబాబు వ్యాఖ్యానించారు.

అయితే నాగబాబు చేసిన ఈ ట్వీట్‌పై కూడా యధాతథంగా భిన్నస్వరాలు వినిపిస్తున్నాయి. ‘‘ముందు ఒక్కసారి నువ్వు వాడుతున్న ఫోన్, కారు, వాచ్, ఏసీ, మిగతా గృహోపకరణాలు ఎంటో చెప్పు నిజాయితీగా. తర్వాత కబుర్లు చెబుదువు గానీ..’’ అంటూ ఓ నెటిజన్ వ్యాఖ్యానించారు. ‘‘ముందు తెలుగు సినిమాల్లో తెలుగు నటుల్ని, తెలుగు సాంకేతిక నిపుణుల్ని, ఒరిజినల్ కథల్ని వాడండి. ఆ తర్వాత చెబుదువు గాని ఈ కథలు.’’ అంటూ మరో నెటిజన్ కౌంటర్ వేశాడు. ‘‘నీ ఫామిలీ చుట్టాలు అందరూ చక్కగా TikTok వాడుతున్నారు.. నువ్వేమో ఇక్కడ పిట్ట కథలు చెప్తున్నావ్. మొదట నీ కుటుంబ సభ్యులతో ఆ యాప్స్ తీపించు. అభిమానులు ఒకసారి ఆలోచించండి వీళ్ల ద్వంద్వవైఖరి.’’ అని మరో నెటిజన్ విమర్శించాడు. అయితే మెగా బ్రదర్ నాగబాబుకు మాత్రం జనసేన, బీజేపీ కార్యకర్తలు మద్దతుగా నిలుస్తున్నారు.



Source link

Leave a Reply

Your email address will not be published. Required fields are marked *