nalgonda girl rape: బాలికపై ఏడాదిగా నలుగురు అఘాయిత్యం… తెలంగాణలో దారుణం – minor girl raped by 4 men in nalgonda district


మైనర్ బాలికపై నలుగురు కామాంధులు ఏడాదిగా సామూహిక అత్యాచారానికి పాల్పడుతున్న ఘటన నల్గొండ జిల్లాలో ఆలస్యంగా వెలుగులోకి వచ్చింది. తిప్పర్తి మండల పరిధిలోని ఓ గ్రామానికి చెందిన బాలికను అదే గ్రామానికి చెందిన బొబ్బలి నవీన్‌ ప్రేమ పేరుతో లోబరుచుకుని శారీరక వాంఛలు తీర్చుకుంటున్నాడు. ఈ విషయం తెలుసుకున్న నవీన్ స్నేహితుడు గజ్జి రమేశ్ సైతం ఆమెపై కన్నేశాడు. ప్రేమ వ్యవహారం పెద్దవాళ్లకు చెప్పేస్తానని బెదిరించ బాలికపై లైంగిక దాడికి పాల్పడ్డాడు. ఈ సంగతి తెలుసుకున్న అదే గ్రామానికి చెందిన శంకర్, సింగం అనిల్‌ కూడా ఆ బాలికను బెదిరించి లోబర్చుకున్నారు. ఇలా ఏడాది కాలంగా ఆ నలుగురు ఆమెపై సామూహిక అత్యాచారానికి పాల్పడుతూ వస్తున్నారు.

Also Read: స్నేహితుడి భార్యపైనే కామం.. గదిలో బంధించి రేప్.. ఏలూరులో దారుణం

ఇటీవల బాలిక అనారోగ్యానికి గురికావడంతో తల్లిదండ్రులు ఆస్పత్రికి తీసుకెళ్లారు. ఆమెను పరీక్షించిన డాక్టర్లు గర్భంతో ఉందని చెప్పడంతో వారు షాకయ్యారు. ఏం జరిగిందని తల్లిదండ్రులు బాలికను నిలదీయగా తనపై జరుగుతున్న అఘాయిత్యం గురించి చెప్పింది. దీంతో వారు ఏప్రిల్ 21న తిప్పర్తి పోలీసులకు ఫిర్యాదు చేశారు. దీనిపై పోలీసులు కేసు నమోదు చేసిన సమాచారం తెలుసుకున్న నిందితులు పరారయ్యారు. గురువారం ఉదయం సోమోరిగూడెంలోని ఎల్లెంల నాగిరెడ్డి రేకుల షెడ్డు వద్ద నలుగురు యువకులు ఉన్నట్లు సమాచారం రావడంతో పోలీసులు చుట్టుముట్టి వారిని అరెస్ట్‌ చేశారు.

Also Read: భార్యతో గొడవపడి ఆరుబయట పడుకున్న భర్త.. తెల్లారేసరికి శవమై



Source link

Leave a Reply

Your email address will not be published. Required fields are marked *