Naomi Osaka: వావ్ ఒసాక.. వ‌ర‌ల్డ్ హ‌య్యెస్ట్ ఎర్నింగ్ లేడీ అథ్లెట్.. ఆమె సంపాద‌న ఎంతో తెలుసా..?‌ – japan player naomi osaka becomes the world’s highest-paid female athlete


ఫోర్బ్స్ తాజాగా ప్ర‌క‌టించిన జాబితాలో జ‌పాన్‌కు చెందిన టెన్నిస్ ప్లేయ‌ర్ న‌వోమి ఒసాక.. ప్ర‌పంచంలోనే అత్య‌ధిక సంపాద‌న ఆర్జిస్తున్న మ‌హిళా ప్లేయ‌ర్‌గా నిలిచింది. 12 నెల‌ల‌ కాలానికిగాను ఒసాక 37.4 మిలియ‌న్ డాల‌ర్లు సంపాదించింది. దీంతో గ‌త నాలుగేళ్లుగా అగ్ర‌స్థానంలో నిలుస్తున్న అమెరిక‌న్ ప్లేయ‌ర్ సెరెనా విలియమ్స్‌ను వెనక్కి నెట్టింది. సెరెనా కంటే దాదాపు 1.4 మిలియ‌న్ డాల‌ర్లు అధికంగా సంపాద‌న‌తో ఒసాక టాప్ ప్లేస్‌ను కైవ‌సం చేసుకుంది.


నిజానికి 2018 యూఎస్ ఓపెన్ ఫైన‌ల్లో సెరెనాను ఓడించాక ప్ర‌పంచ టెన్నిస్ రంగంలో ఒసాకా పేరు మార్మోంగి పోయింది. ఆ త‌ర్వాత ఏడాది 2019 ఆస్ట్రేలియ‌న్ ఓపెన్‌ను కూడా సాధించిన ఒసాక‌.. యూఎస్ విజ‌యం గాలివాటం కాద‌ని అందరికీ నిరూపించింది. అయితే ఆ తర్వాత క‌థ అడ్డం తిరిగింది.


క్ర‌మంగా ఫామ్‌ను కోల్పోవ‌డంతో ఒసాకా ప్ర‌పంచ నెం.1 ర్యాంకు నుంచి ప‌దో ర్యాంకుకు ప‌డిపోయింది. అయితే గ‌త ఏడాది కాలంగా ఎంఎన్‌సీ కంపెనీ బ్రాండ్ల‌కు ఎండార్స్ చేస్తున్న ఒసాక‌.. సంపాద‌నలో టాప్ ప్లేస్‌ను కైవ‌సం చేసుకుంది. ఇక 1990లో ఫోర్బ్స్ అత్య‌ధిక సంపాద‌న గ‌ల మ‌హిళా అథ్లెట్ల జాబితాను ప్ర‌క‌టిస్తోంది. అయితే 2004 నుంచి సెరెనా లేదా మ‌రియా ష‌ర‌పోవా (ర‌ష్యా) ఈ జాబితాలో అగ్ర‌స్థానంలో ఉంటూ వ‌స్తున్నారు. తొలిసారిగా వేరే ప్లేయ‌ర్ టాప్ ప్లేస్‌ను ద‌క్కించుకోవడం విశేషం.



Source link

Leave a Reply

Your email address will not be published. Required fields are marked *