Nara Lokesh: జగన్ గారూ.. అమ్మ వయసున్న వారిపై కేసులా: లోకేష్ – ex minister nara lokesh questions ap cm ys on cid case over guntur woman


గుంటూరులో 60 ఏళ్ళ వృద్దురాలిపై సీఐడీ కేసులు పెట్టడంపై మండిపడ్డారు మాజీ మంత్రి నారా లోకేష్. అమ్మ వయస్సు ఉన్న వారిని కూడా కక్షగట్టి,వెంటాడి వేధిస్తున్నారని.. ప్రమాదకరమైన స్టెరీన్ గ్యాస్ లీకేజ్ తో అమాయకుల ప్రాణాలు బలిగొన్న కంపెనీ ప్రతినిధుల్లో ఒక్కరిని కూడా అరెస్ట్ చెయ్యలేదన్నారు. ప్రమాదంలో చిన్నారిని కోల్పోయిన బాధలో ప్రభుత్వాన్ని ప్రశ్నించిన తల్లిదండ్రులను అరెస్ట్ చేసి అదో గొప్ప కంపెనీ అంటూ జగన్ కితాబిచ్చారన్నారు.

అక్కడ గ్రామస్తులు లేవనెత్తిన ప్రశ్నలనే సోషల్ మీడియా లో పోస్ట్ చేసినందుకు రంగనాయకమ్మ గారి పై కేసు పెడతారా అని లోకేష్ ప్రశ్నించారు. 66 ఏళ్ల వృద్ధురాలుపై కేసు పెట్టడం వైఎస్సార్‌సీపీ ప్రభుత్వ దిగజారుడుతనానికి నిదర్శనమన్నారు. ‘మీ లెక్క ప్రకారమే ప్రభుత్వాన్ని ప్రశ్నించినందుకు 5 ఏళ్ల జైలు శిక్ష అయితే.. 43 వేల కోట్ల ప్రజల సొమ్ము కొట్టేసిన జగన్ గారికి ఎన్ని సంవత్సరాలు జైలు శిక్ష వెయ్యాలి?’అంటూ ఘాటు వ్యాఖ్యలు చేశారు.

ఇటు చంద్రబాబు కూడా ఈ కేసు వ్యవహరంపై మండిపడ్డారు. 60 ఏళ్ల మహిళపై కేసులు పెట్టడం దారుణమని.. అధికారంతో సీఎం కళ్లు మూసుకుపోయాయని.. ఏదో ఒక ఒక రోజు విధి మారుతుందని గుర్తు పెట్టుకోవాలన్నారు. ఆమెకు తన మద్దతు ఉంటుందని ఫోటోను ట్వీట్ చేశారు టీడీపీ అధినేత.
ప్రభుత్వానికి వ్యతిరేకంగా పోస్టు పెట్టారనే కారణంతో గుంటూరు లక్ష్మీపురంకు చెందిన రంగనాయకమ్మ అనే 60 ఏళ్ళ వృద్దురాలిపై సీఐడీ అధికారులు కేసు నమోదు చేశారు. విశాఖ ఎల్జీ పాలిమర్స్ ఘటనపై ప్రభుత్వానికి వ్యతిరేకంగా పోస్ట్ పెట్టారని ఆరోపించారు. సీఐడీ అధికారులు ఆమెపై కేసు నమోదు చేసి… 41-A నోటీసును అందజేశారు. ఈ కేసు నేరం రుజువైతే మూడేళ్ళు జైలు శిక్ష, రూ.5 లక్షల జరిమానా విధించే అవకాశం ఉందని తెలుస్తోంది. దీనిపై లోకేష్ స్పందించారు.. జగన్ సర్కార్‌పై మండిపడ్డారు.



Source link

Leave a Reply

Your email address will not be published. Required fields are marked *