Nara Lokesh: బాలికపై రేప్ కేసులో సీఎం జగన్ సన్నిహితుడు.. బాధితురాలికి బెదిరింపులు: లోకేష్ – tdp mlc nara lokesh alleged that ys jagan government trying to rescue kurnool rape case accused person


ముఖ్యమంత్రి వైఎస్ జగన్మోహన్ రెడ్డికి సన్నిహితుడైన వ్యక్తి బాలికపై అత్యాచార కేసులో ముద్దాయిగా ఉన్నాడని, అతడిని కాపాడేందుకు కుట్ర చేస్తున్నారని టీడీపీ జాతీయ ప్రధాన కార్యదర్శి, ఎమ్మెల్సీ నారా లోకేష్ ఆరోపించారు. సీఎం జగన్ సన్నిహితుడికి కాపాడటం కోసం సాక్షాత్తూ ప్రభుత్వ పెద్దలే రంగంలోకి దిగి బాధితురాలిని బెదిరిస్తున్నారని మండిపడ్డారు. ఈ మేరకు ఆదివారం ఆయన ట్వీట్ చేశారు. అలాగే ముఖ్యమంత్రి వైఎస్ జగన్మోహన్ రెడ్డి పక్కన నిలబడి ఉన్న వ్యక్తికి రౌండ్ చేసి ఉంది. అలాగే, బాధితురాలితో పోలీసులు మాట్లాడుతున్న ఫొటో, బాధితురాలు మీడియాతో మాట్లాడుతున్నట్టు ఉన్న ఫొటోలను జోడించారు.

‘‘క‌ర్నూలు జిల్లా దేవన‌కొండ మండ‌లం, జి. పాల‌కుర్తిలో రాజ‌కీయ‌ క‌క్షల‌తో జ‌గ‌న్‌రెడ్డికి అత్యంత స‌న్నిహితుడైన హ‌ర్షవ‌ర్దన్‌రెడ్డి బాలిక‌పై లైంగిక‌ దాడికి పాల్పడిన కేసులో A5 ముద్దాయి.

ఆయనను కేసు నుంచి తప్పించేందుకు ప్రభుత్వ పెద్దలే రంగంలోకి దిగి బాధితురాలిని బెదిరించ‌డం జ‌గ‌న్‌రెడ్డి అరాచ‌క‌ పాల‌నకు నిద‌ర్శనం. నిందితుడిని అరెస్టు చేసి క‌ఠినంగా శిక్షించాల‌ని డిమాండ్ చేస్తున్నాను.’’ అని నారా లోకేష్ ట్వీట్ చేశారు.



Source link

Leave a Reply

Your email address will not be published. Required fields are marked *