Nara Lokesh: బిల్డ్ ఏపీ కాదు, సోల్డ్ ఏపీ.. జే గ్యాంగ్ ఆ భూములపై కన్నేసింది: లోకేష్ – ex minister nara lokesh hot comments on ysrcp government and cm jagan in mahanadu


జగన్ సర్కార్‌పై మండిపడ్డారు టీడీపీ జాతీయ ప్రధాన కార్యదర్శి నారా లోకేష్. మద్యం ద్వారా రూ. కోట్ల జే ట్యాక్స్ రాబట్టారని.. అవినీతి అనేది జగన్‌ డీఎన్ఏలోనే ఉందన్నారు. పేదల ప్రజల నెత్తురును మద్యం రూపంలో తాగుతున్నారని విరుచుకుపడ్డారు. విద్యుత్‌ ధరల పెంపు వెనుక పెద్ద కుంభకోణమే ఉందని.. యూనిట్‌ విద్యుత్‌ను అధిక ధరకు కొనుగోలు చేస్తున్నారని ఆరోపించారు. రెండో రోజు మహానాడులో జే ట్యాక్స్‌ వసూళ్ల పేరుతో లోకేష్ తీర్మానం ప్రవేశపెట్టగా.. ఎమ్మెల్యే దీపక్ రెడ్డి బలపరిచారు.

జే గ్యాంగ్‌ రాష్ట్రవ్యాప్తంగా భూములన్నీ కొట్టేస్తోందని లోకేష్‌ మండిపడ్డారు. విశాఖలోని విలువైన భూములు కొట్టేసేందుకు ఎంపీ విజయసాయిరెడ్డి కుట్ర చేస్తున్నారని ఆరోపించారు. రూ.1000కోట్లు విలువైన వాల్తేరు భూములు.. దసపల్లా భూములను కొట్టేయాలని కుట్ర చేస్తున్నారని ఆరోపించారు. ప్రశాంతంగా ఉండే విశాఖలో ఏకంగా 500 భూ కబ్జా కేసులు నమోదయ్యాయి అన్నారు.

రాష్ట్రంలో పేదలకు ఇళ్ల స్థలాల పేరుతో భూములు లాక్కుంటున్నారని.. దీని వెనుక కుట్ర ఉందన్నారు. ప్రభుత్వ భూములన్నీ జగన్ తన అనుచరులకు ఇప్పించే కుట్ర చేస్తున్నారని.. శ్రీవారి ఆస్తులు అమ్మకానికి పెట్టారంటే జగన్‌ ధనదాహానికి పరాకాష్ట అని ఘాటు వ్యాఖ్యలు చేశారు. బిల్డ్‌ ఏపీ పేరుతో రాష్ట్రాన్ని సోల్డ్‌ ఏపీగా మార్చారన్నారు. కరోనా కిట్లు, బ్లీచింగ్‌ పౌడర్, భూ కొనుగోళ్లు.. ఇలా ఎక్కడా చూసినా అవినీతి ఉందన్నారు. టీడీపీ హయాంలో రాష్ట్రానికి ఎన్నో కంపెనీలు తెచ్చేందుకు కృషి చేస్తే.. జగన్‌ వచ్చాక కొత్త మద్యం బ్రాండ్లు తప్ప ఏం లేదన్నారు. రాష్ట్రంలో ఉపాధి లేక యువత అనేక ఇబ్బందులు పడుతున్నారన్నారు.



Source link

Leave a Reply

Your email address will not be published. Required fields are marked *