Nara Lokesh: మహిళా డాక్టర్‌పై వైసీపీ నేతల దాష్టీకం.. షాకింగ్ వీడియో విడుదల చేసిన లోకేష్ – tdp leader nara lokesh criticise ysrcp government over women safety


వైసీపీ ప్రభుత్వంపై టీడీపీ జాతీయ ప్రధాన కార్యదర్శి, మాజీ మంత్రి నారా లోకేష్ మరోసారి విమర్శలు గుప్పించారు. ఈ మేరకు శనివారం నారా లోకేష్ వరుస ట్వీట్లు చేశారు. గోల్డ్ మెడల్ సాధించి డాక్టర్ అయిన ఓ దళిత బిడ్డపై వైసీపీ గుండాల దాష్టీకానికి పాల్పడ్డారని లోకేష్ ఆరోపించారు. జగన్ అమలు చేస్తున్న రాజారెడ్డి రాజ్యాంగంలో దళిత బిడ్డలకు రక్షణ లేకుండా పోయిందని మండిపడ్డారు.

వైసీపీ నేతల అవినీతికి సహకరించలేదని దళిత మహిళా డాక్టర్ అనితా రాణిని వేధించడం దారుణమని లోకేష్ అన్నారు. ‘‘మీ దిశ చట్టం దిశ తప్పిందా? అన్యాయం జరిగింది అంటూ ఒక దళిత చెల్లెలు పోలీస్ స్టేషన్‌కు వెళ్తే దిశ చట్టం నిందితులకు కొమ్ముకాయడం ఘోరం.’’ అని నారా లోకేష్ ఆవేదన వ్యక్తం చేశారు.

చిత్తూరు జిల్లా పెనుమూరు ఆరోగ్య కేంద్రంలో జరిగిన ఈ ఘటన పై సమగ్ర విచారణ జరపాలని లోకేష్ డిమాండ్ చేశారు. నిజాయితీగా వృత్తి ధర్మానికి కట్టుబడినందుకు బూతులు తిడుతూ, ఫోటోలు తీసిన వారిని కఠినంగా శిక్షించాలని లోకేష్ డిమాండ్ చేశారు. ఈ మేరకు లోకేష్ ట్వీట్‌లో వీడియోను పొందుపరిచారు. ఈ వీడియోలో బాధిత మహిళ ఉప ముఖ్యమంత్రి నారాయణస్వామికి చెందిన మనుషులు తన పట్ల దారుణంగా ప్రవర్తించారని వాపోయారు. తాను వాష్ రూంకి వెళ్తే అక్కడ కూడా ఫొటోలు, వీడియోలు తీస్తూ భయబ్రాంతులకు గురిచేశారని ఆవేదన వ్యక్తం చేశారు. దీనిపై పోలీసులకు ఫిర్యాదు చేస్తే అక్కడ కూడా నిందితులకే కొమ్ముకాశారని ఆరోపించారు.



Source link

Leave a Reply

Your email address will not be published. Required fields are marked *