Naseem Shah: విరాట్ కోహ్లీ అంటే నాకేం భయం లేదు: పాకిస్థాన్ పేసర్ – i respect virat kohli but don’t fear him: naseem shah


భారత కెప్టెన్ విరాట్ కోహ్లీని ఎదుర్కొనేందుకు తనకి ఎలాంటి భయంలేదని పాకిస్థాన్ యువ ఫాస్ట్ బౌలర్ నషీమ్ షా ధీమా వ్యక్తం చేశాడు. 16 ఏళ్ల వయసులోనే టెస్టు క్రికెట్‌లోకి అరంగేట్రం చేసిన నషీమ్.. బంగ్లాదేశ్‌తో జరిగిన టెస్టు మ్యాచ్‌లో హ్యాట్రిక్ వికెట్లతో అందర్నీ ఆశ్చర్యపరిచాడు. అంతేకాకుండా ఆస్ట్రేలియాతో జరిగిన టెస్టు మ్యాచ్‌లో ఒకే ఇన్నింగ్స్‌లో ఐదు వికెట్లు పడగొట్టిన నషీమ్.. ఈ ఘనత సాధించిన అత్యంత పిన్న వయస్కుడిగా నిలిచాడు.

Read More: ధోనీపై రూమర్స్‌ ఎక్కడ నుంచి వస్తున్నాయో..?: సాక్షి

పాక్‌ఫ్యాషన్.నెట్‌ వెబ్‌సైట్‌కి ఇచ్చిన ఇంటర్వ్యూలో తాజాగా విరాట్ కోహ్లీ గురించి మాట్లాడిన నషీమ్.. అతనికి బౌలింగ్ చేసేందుకు ఆసక్తిగా ఎదురుచూస్తున్నట్లు వెల్లడించాడు. ‘‘భారత్, పాకిస్థాన్ మధ్య మ్యాచ్ అంటే చాలా స్పెషల్. ఒక్క మ్యాచ్‌తోనే ఆటగాళ్లు హీరోలు లేదా విలన్లు అవ్వొచ్చు. టీమిండియాపై ఆడే అవకాశం వస్తే.. పాకిస్థాన్ అభిమానులు నిరాశ చెందేలా మాత్రం బౌలింగ్ చేయను. ఇక విరాట్ కోహ్లీ అంటే నాకు గౌరవం. కానీ.. అతనికి బౌలింగ్ చేసేందుకు నేను ఏమాత్రం భయపడను’’ అని నషీమ్ చెప్పుకొచ్చాడు.

Read More: మంకీ‌గేట్ వివాదాన్ని కుంబ్లే బాగా హ్యాండిల్ చేశాడు: ఇర్ఫాన్ పఠాన్
2003, ఫిబ్రవరి 15న జన్మించిన నషీమ్ షా.. గత ఏడాది నవంబరులో ఆస్ట్రేలియాతో జరిగిన టెస్టు సిరీస్‌తో అంతర్జాతీయ క్రికెట్‌‌లోకి అరంగేట్రం చేశాడు. ఈ క్రమంలో ఇప్పటి వరకూ 4 టెస్టులాడిన ఈ యువ పేసర్ 13 వికెట్లు పడగొట్టాడు. ఇందులో ఐదు వికెట్ల హాల్ కూడా ఉంది.



Source link

Leave a Reply

Your email address will not be published. Required fields are marked *