nepal map 2020: కొత్త మ్యాప్‌ను భారత్, ఐరాస సహా అంతర్జాతీయ సమాజానికి పంపుతాం: నేపాల్ – nepal will send updated map to un, international community including india, says minister


భారత్‌కు చెందిన లిపులేఖ్, లింపుయాధురా, కాలాపానీలో తమవిగా పేర్కొంటూ కొత్త మ్యాప్‌ను రూపొందించిన నేపాల్.. దీనికి సంబంధించిన రాజ్యాంగ సవరణను కూడా పూర్తిచేసిన విషయం తెలిసిందే. తాజాగా, ఈ మ్యాప్‌ను ఆగస్టు రెండో వారం తర్వాత భారత్, ఐక్యరాజ్యసమితి సహా గూగుల్ వంటి అంతర్జాతీయ సంస్థలకు పంపనుంది. ఈ మేరకు నేపాల్ పేదరిక నిర్మూలన మంత్రి పద్మా ఆర్యల్ తెలిపారు.

‘కాలాపానీ, లిపులేఖ్, లింపియాధూరాతో సహా కొత్తగా రూపొందించిన మ్యాప్‌ను ఐరాస సంస్థలు, భారతదేశంతో సహా అంతర్జాతీయ సమాజానికి పంపుతాం. ఈ నెల మధ్యలో ఈ ప్రక్రియ పూర్తవుతుంది’ అని పద్మా ఆర్యల్ అన్నారు. అంతర్జాతీయ సంస్థలకు పంపడానికి కొత్త మ్యాప్‌ను 4,000 కాపీలు ఆంగ్లంలో ముద్రించాలని కొలతలు, తూనికలు విభాగాన్ని ఆదేశించినట్టు తెలిపారు.

నేపాల్ వ్యాప్తంగా పంపిణీకి ఇప్పటికే 25వేల కాపీలను ముద్రించినట్టు పేర్కొన్నారు. ప్రభుత్వ కార్యాలయాలు, విభాగాలకు వీటిని ఉచితంగా అందజేస్తామని, ప్రజలు మాత్రం రూ.50 చెల్లించి మ్యాప్‌ను పొందవచ్చని అన్నారు. భారత్‌కు చెందిన ప్రాంతాలను తమవిగా పేర్కొంటూ మే 20న నేపాల్ వివాదాస్పద మ్యాప్‌ను తొలిసారి విడుదల చేసింది. నేపాల్ దుందుడుకు చర్యలపై భారత్ తీవ్రంగానే స్పందించింది. చరిత్రలను, ఆధారాలను వక్రీకరించి, నేపాల్ ఏకపక్షంగా వ్యవహరించిందని అభ్యంతరం వ్యక్తం చేస్తోంది.

అంతేకాదు, సరిహద్దు వివాదాల పరిష్కారానికి అవలంభించే ద్వైపాక్షిక అవగాహనకు ఈ చర్య విరుద్ధమని, ప్రాదేశిక వాదనలను కృత్రిమంగా విస్తరించడాన్ని తాము ఏమాత్రం అంగీకరించబోమని భారత్ స్పష్టం చేసింది.



Source link

Leave a Reply

Your email address will not be published. Required fields are marked *