nepal map 2020: నేపాల్ మ్యాప్‌లో కాలాపానీ.. భారత్ నుంచి స్వాధీనం చేసుకుంటామని ఆ దేశ ప్రధాని ప్రకటన – border row with india worsens, nepal to release new map, nepalese pm says kalapani belonged to me


భారత్‌ అధీనంలో ఉన్న లిపులేఖ్‌, కాలాపానీ, లింపియాధురాలు తమకు చెందినవేనని నేపాల్ ప్రధానమంత్రి కేపీ శర్మ ఓలీ మంగళవారం పార్లమెంట్‌లో ప్రకటించారు. రాజకీయ, దౌత్యపరమైన మార్గాల ద్వారా వీటిని భారత్‌ నుంచి తిరిగి స్వాధీనం చేసుకుంటామని ఆయన స్పష్టం చేశారు. అంతేకాదు, ఈ మూడు ప్రాంతాలను తమ దేశ అంతర్గత భూభాగాలుగా పేర్కొంటూ రూపొందించిన మ్యాప్‌‌ను నేపాల్‌ క్యాబినెట్ మంగళవారం ఆమోదించింది. అనంతరం నేపాల్ ప్రధాని ఓలీ పార్లమెంటులో మాట్లాడుతూ.. ఈ మూడు ప్రాంతాలను స్వాధీనం చేసుకుంటామని వ్యాఖ్యానించారు.

Read Also: దేశంలో కరోనా మరో రికార్డ్: లక్ష దాటేసిన పాజిటివ్ కేసులు.. 109 రోజుల్లో

నేపాల్‌కు చెందిన ఆ భూభాగాల్లో సైనికులను మోహరింపజేయడం ద్వారా భారత్‌ వాటిని వివాదాస్పదం చేసిందని, ఇండియన్ ఆర్మీ అక్కడ అడుగుపెట్టిన తర్వాత తమ పౌరులను అక్కడకు వెళ్లనీయడం లేదని కేపీ శర్మ పేర్కొన్నారు. ‘1962 నుంచి భారత్‌ అక్కడ సైన్యాన్ని మోహరించింది. ఇప్పటివరకు మన పాలకులు ఆ విషయాన్ని లేవనెత్తేందుకే సంకోచించారు. మేం వాటిని తిరిగి స్వాధీనం చేసుకుంటాం. వెనక్కి తెస్తాం’ అని ఆయన ఉద్ఘాటించారు.

అంతేకాదు, 1816 నాటి బ్రిటిష్‌ ఇండియా-నేపాల్‌ ప్రభుత్వాల మధ్య కుదిరిన ‘సుగౌలి ఒప్పందం’ ఆధారంగా కొత్త మ్యాప్ రూపొందినట్లు ఖాఠ్మాండ్ పోస్ట్‌ తెలిపింది. కాళీ నది జన్మస్థానమైన లింపియాధురను నేపాల్‌లో భారత్‌కు సరిహద్దుగా కొత్త పటంలో చేర్చినట్టు వివరించింది.

Read Also: దేశంలో మరింత ఉద్ధృతంగా కోవిడ్.. మంగళవారం రికార్డుస్థాయిలో పాజిటివ్ కేసులు
ఇక, గతేడాది నవంబరు 2న కేంద్రం విడుదల చేసిన ఇండియా మ్యాప్‌లో కాలాపానీ ప్రాంతాన్ని భారత్‌కు చెందినదిగా సూచించారు. దీనిపై నేపాల్‌ తీవ్ర అభ్యంతరం వ్యక్తం చేసింది. కాలాపానీ ప్రాంతం తమదేనని, వివాదాన్ని పెద్దది చేయకుండా పరిష్కారించాల్సిన బాధ్యత కూడా భారత్‌పై ఉందని సూచించింది. తాజాగా, నేపాల్ ప్రధాని వ్యాఖ్యాలపై విదేశాంగ శాఖ ఇంకా స్పందించలేదు.

అయితే, గతేడాది భారత్ విడుదల చేసిన రాజకీయ పటం.. దేశ సార్వభౌమ భూభాగాన్ని ఖచ్చితంగా సూచింస్తుందని, నేపాల్‌తో సరిహద్దులను సవరించలేదని అధికార వర్గాలు వ్యాఖ్యానించాయి. కాగా, కరోనా సంక్షోభం ముగిసిన తర్వాత ఈ వివాదంపై విదేశాంగ శాఖ కార్యదర్శుల మధ్య చర్చలు ఉంటాయని భారత్ ఇటీవల స్పష్టం చేసింది.

Read Also: నేటి సాయంత్రం తీరం దాటనున్న సూపర్ సైక్లోన్‌.. ఆ రాష్ట్రాలకు రెడ్ మెసేజ్ జారీ

భారత్‌-నేపాల్ మధ్య కొత్త రహదారి మార్గం అంతరాలు సృష్టిస్తోంది.‌ టిబెట్‌లోని మానస సరోవర్‌‌ను చేరుకోవడానికి వీలుగా భారత్ నిర్మించిన లిపులేఖ్‌ మార్గంపై నేపాల్‌ అభ్యంతరం వ్యక్తం చేస్తోంది. అంతేకాదు, నేపాల్‌‌లో ఏకంగా సాయుధ పోలీసు దళాన్ని కాలాపానీ సమీపంలో మోహరించడం గమనార్హం. టిబెట్‌లోని కైలాస మానసరోవరం యాత్రకు భారత్‌ నుంచి సిక్కిం, ఉత్తరాఖండ్‌, నేపాల్‌ ద్వారా వెళుతారు.

ఉత్తరాఖండ్‌లోని పితోడ్‌గఢ్‌ నుంచి లిపులేఖ్‌ వరకు కొత్త మార్గాన్ని భారత్ నిర్మిస్తోంది. ఇందులో చాలావరకు పాతమార్గం ఉండగా డబుల్‌ లైన్‌ చేయడంతో పాటు చైనా సరిహద్దు వద్ద ఉన్న లిపులేఖ్‌ వరకు కొత్త మార్గాన్ని నిర్మించడం విశేషం. ఈ మార్గంతో మానస సరోవర్‌కు యాత్రికులు త్వరగా చేరుకోగలుగుతారు. దీంతో పాటు భారత రక్షణ అవసరాల దృష్ట్యా ఈ మార్గం కీలకమైనది.

Read Also: చైనా చర్యలతో సరిహద్దుల్లో ఉద్రిక్తతలు.. అదనపు బలగాలు మోహరించిన భారత్

నేపాల్‌తో ఇటీవల అంటకాగుతున్న చైనా.. దానిని మచ్చికచేసుకుని భారత్‌పై ఉసిగొల్పుతోంది. 2019 అక్టోబర్‌లో చైనా అధ్యక్షుడు షీ జిన్‌పింగ్‌ పర్యటన ముగిసిన కొద్ది రోజుల్లోనే భారత్‌-నేపాల్‌ మధ్య కాలాపానీ వివాదం భగ్గుమంది. దీంతో ఇరు దేశాల మధ్య సంబంధాలు క్షీణించడం మొదలుపెట్టాయి. ఈ ఏడాది మే 8న మానససరోవర్‌ యాత్ర కోసం ఉత్తరాఖండ్‌ నుంచి లిపులేక్‌ పాస్‌ వరకు భారత్‌ నిర్మించిన రహదారిని రక్షణ మంత్రి రాజ్‌నాథ్‌ సింగ్‌ ప్రారంభించడంపై నేపాల్‌ అభ్యంతరాలు లేవనెత్తింది. దీని వెనుక డ్రాగన్ హస్తం ఉందనేది స్పష్టమవుతోంది.



Source link

Leave a Reply

Your email address will not be published. Required fields are marked *