new corona cases in telangana : తెలంగాణలో 592కి చేరిన కరోనా కేసులు, ఒక‌రు మృతి – 61 new corona positive cases in telangana, one patient died


తెలంగాణలో కరోనా వైరస్‌ పాజిటివ్ కేసులు సంఖ్య మరింతగా పెరిగింది. సోమవారం భారీ సంఖ్యలో పాజిటివ్ కేసులు నమోదయ్యాయి. ఒక్కరోజే రాష్ట్రంలో 61 పాజిటివ్ కేసులను గుర్తించారు. దీంతో రాష్ట్రంలో మొత్తం కరోనా పాజిటివ్ కేసుల సంఖ్య మొత్తం 592కి చేరింది. ఇందులో యాక్టివ్ కేసుల సంఖ్య 472 ఉన్నట్లు తెలంగాణ రాష్ట్ర వైద్య ఆరోగ్యశాఖ హెల్త్ బులెటిన్ విడుదల చేసింది. సోమవారం కరోనాతో ఒక‌రు మృతి చెందారు. దీంతో మొత్తం మృతుల సంఖ్య 17కి చేరింది. ఇక మొత్తం చికిత్స పొందుతున్న వారిలో సోమ‌వారం ఒక్క‌రు కూడా డిశ్చార్జి కాలేదు.ఇప్ప‌టివ‌ర‌కు క‌రోనా నుంచి కోలుకుని, డిశ్చార్జ్‌ చేసిన అయిన వారి సంఖ్య 103గా ఉంది. ఇక ప్రస్తుతం వివిధ కొవిడ్ ఆస్పత్రుల్లో చికిత్స పొందుతున్నవారు 472 మంది ఉన్నారు.



Must Read:
షాకింగ్‌: కోవిడ్‌-19 మృత‌దేహాన్ని పాతిపెట్ట‌వ‌ద్ద‌ని ఆందోళ‌న‌

మ‌రోవైపు ఎక్కువ కేసులు హైద‌రాబాద్ జీహెచ్ఎంసీ ప‌రిధిలోనే న‌మోదువుతున్నాయని ప్ర‌భుత్వం తెలిపింది. హైద‌రాబాద్ జిల్లాపై ఎక్కువ ఫోకస్ పెడుతున్న‌ట్లు పేర్కొంది. న‌గ‌ర ప‌రిధిలో కంటైన్‌మెంట్ ప్ర‌క్రియ‌ను ప్రారంభిస్తున్న‌ట్లు తెలిపింది. క‌రోనాను అరిక‌ట్టేందుకు ప్ర‌త్యేకంగా దృష్టి సారించి, ప్రణాళిక‌లు రూపొందిస్తున్నట్లు పేర్కొంది. త‌క్ష‌ణ కార్య‌చ‌ర‌ణ‌కు 30 జీహెచ్ఎంసీ స‌ర్కిళ్ల‌లో సీనియ‌ర్ డాక్ట‌ర్ల‌కు డీఎంహెచ్ఓ స్థాయి అధికారాలు క‌ల్పించిన‌ట్లు ప్ర‌భుత్వం తెలిపింది.





Source link

Leave a Reply

Your email address will not be published. Required fields are marked *