new york shutdown extension : కరోనా దెబ్బకు న్యూయార్క్ విలవిల.. మే 15 వరకు లాక్‌డౌన్ పొడిగింపు – coronavirus in us: new york extends shutdown till may 15th to contain virus


కరోనా వైరస్ దెబ్బకు అమెరికా అల్లాడిపోతోంది. మిగతా ఏ దేశంలోనూ లేని విధంగా అమెరికాలో 6.7 లక్షల కరోనా కేసులు నమోదు కాగా.. దాదాపు 34 వేల మంది ప్రాణాలు కోల్పోయారు. అమెరికా ఆర్థిక రాజధాని న్యూయార్క్‌పై కరోనా ప్రభావం తీవ్రంగా ఉంది. ఇక్కడ ఐదు లక్షల కరోనా కేసులు నమోదు కావడంతోపాటు దాదాపు 11,500 మందికిపైగా ప్రాణాలు కోల్పోయారు. దీంతో మే 15 వరకు లాక్‌డౌన్‌ను పొడిగిస్తున్నట్లు న్యూయార్క్ గవర్నర్ ఆండ్రూ కువోమో ప్రకటించారు. గడిచిన 24 గంటల్లో న్యూయార్క్‌లో కోవిడ్ కారణంగా 606 మంది ప్రాణాలు కోల్పోయారు. గత పది రోజులతో పోలిస్తే ఇదే తక్కువ ప్రాణ నష్టం కావడం గమనార్హం.


లాక్‌డౌన్‌‌ను నెల రోజుల పాటు విధిస్తున్నట్లు ప్రకటించిన న్యూయార్క్ గవర్నర్ ఆ తర్వాత లాక్‌డౌన్ విధించాల్సి అవసరం ఉండదని అభిప్రాయడ్డారు. న్యూయార్క్ ప్రజలు బయటకు వచ్చినప్పుడు ఆరు అడుగుల దూరం పాటించాలని లేదంటే తప్పనిసరిగా మాస్క్ ధరించాలని ప్రభుత్వం ఆదేశించింది.

న్యూయార్క్‌లో కరోనా వ్యాప్తి కాస్త నెమ్మదించడంతో.. న్యూజెర్సీ, మిచిగాన్ రాష్ట్రాలకు 100 చొప్పున వెంటిలేటర్లు, మేరిల్యాండ్‌కు 50 వెంటిలేటర్లను అందజేయాలని గవర్నర్ కువోమో నిర్ణయించారు.





Source link

Leave a Reply

Your email address will not be published. Required fields are marked *