news News : టీ20 వ‌ర‌ల్డ్‌క‌ప్‌: టోర్నీ నిర్వ‌హ‌ణ‌పై ఆ ఐడియాకు డుప్లెసిస్‌ మ‌ద్దతు – south africa former captain faf du plessis says ok to quarantining players for 2 weeks before, after the t20 world cup


ఐసీసీ టీ20 ప్ర‌పంచ‌క‌ప్‌న‌కు సంబంధించిన తాజా ఐడియాకు సౌతాఫ్రికా మాజీ కెప్టెన్ ఫాఫ్ డుప్లెసిస్ మ‌ద్ద‌తు తెలిపాడు. క‌రోనా వైర‌స్ ముప్పు నేప‌థ్యంలో టోర్నీకి ముందు, త‌ర్వాత రెండు వారాల‌పాటు క్వారంటైన్‌లో అన్ని దేశాల ఆట‌గాళ్ల‌ను ఉంచాల్సిన అవ‌స‌ర‌ముంద‌ని సూచించాడు. ఈ టోర్నీ ఈ ఏడాది అక్టోబ‌ర్‌లో షెడ్యూలై ఉంది. గ‌త‌నెల‌లో ఈ టోర్నీ గురించి ఐసీసీ మాట్లాడుతూ.. షెడ్యూల్ ప్ర‌కారమే టోర్నీ జ‌రుగుతుంద‌ని వ్యాఖ్యానించింది.


మ‌రోవైపు ఆస్ట్రేలియాలో క‌రోనా వైర‌స్ ప్రభావం అంత‌గా లేద‌ని డుప్లెసిస్ గుర్తు చేశాడు. అయితే భార‌త్‌, బంగ్లాదేశ్‌, సౌతాఫ్రికా త‌దిత‌ర దేశాల నుంచి వైరస్ ముప్పు పొంచి ఉంద‌ని తెలిపాడు. ఈక్ర‌మంలో టోర్నీకి ముందు, త‌ర్వాత ఆట‌గాళ్ల‌ను క్వారంటైన్‌లో ఉంచ‌డం స‌రైన నిర్ణ‌య‌మ‌ని వ్యాఖ్యానించాడు.


మ‌రోవైపు 2015 వ‌న్డే ప్ర‌పంచ‌క‌ప్ సెమీస్‌లో న్యూజిలాండ్ చేతిలో ఓడిపోవ‌డం త‌న జీవితంలో అత్యంత బాధ‌క‌ర‌మైన సంఘ‌ట‌న అని డుప్లెసిస్ వ్యాఖ్యానించాడు. ఆ మ్యాచ్ అనంత‌రం ప్లేయ‌ర్ల‌తోపాటు చాలామంది సౌతాఫ్రికన్లు స్టేడియంలో వ‌లవ‌లా ఏడ్చేశార‌ని గుర్తు చేశాడు. సాధార‌ణంగా చూడ‌టానికి క‌ఠినంగా క‌నిపించే తాము, ఆ మ్యాచ్ అనంతరం ప‌సిపిల్ల‌ల్లా మారిపోయామ‌ని డుప్లెసిస్ అభివ‌ర్ణించాడు.



Source link

Leave a Reply

Your email address will not be published. Required fields are marked *