niloufer hospital : నిలోఫర్ ఆస్పత్రి సిబ్బంది క్వారంటైన్‌కి వెళ్లాలని ఆదేశం – niloufer hospital orders quarantine to staff as 2 months old boy tested positive for coronavirus


నిలోఫర్ ఆస్పత్రిలో వివిధ విభాగాల్లో పనిచేస్తు్న్న సిబ్బంది క్వారంటైన్‌కు వెళ్లాలని ఆదేశిస్తూ సూపరింటెండెంట్ ఉత్తర్వులు జారీ చేశారు. ఏప్రిల్ 15, 16, 17 తేదీల్లో నిలోఫర్ ఆసుపత్రిలో పని చేసిన అన్ని విభాగాల సిబ్బందిని క్వారంటైన్‌‌కి వెళ్లాలని ఆదివారం (ఏప్రిల్ 19) ఆదేశాలు జారీ చేశారు. మొత్తం 200 మంది సిబ్బంది ఉన్నట్లు తెలుస్తోంది. వీరిలో ప్రొఫెసర్లు, అసిస్టెంట్ ప్రొఫెసర్లు, నర్సులు సహా ఇతర సిబ్బంది ఉన్నారు. ఆస్పత్రిలో చికిత్స పొందిన రెండు నెలల చిన్నారికి కరోనా పాజిటివ్ రావడమే ఇందుక్కారణం. ముందస్తు సమాచారం ఇవ్వకుండా క్వారంటైన్‌కి వెళ్లాలని ఆదేశించడం పట్ల సిబ్బంది ఆగ్రహం వ్యక్తం చేస్తున్నారు.


నారాయణపేట్ జిల్లాలోని అభంగాపూర్‌‌కు చెందిన రెండు నెలల శిశువుకు ఇటీవల కరోనా పాజిటివ్‌గా నిర్ధారణ అయిన సంగతి తెలిసిందే. బాలుడికి కరోనా సోకినట్లు నీలోఫర్ ఆస్పత్రి వైద్యులు నిర్ధారించారు. నారాయణపేట ప్రభుత్వ ఆస్పత్రిలో రెండు నెలల కిందట ఈ బాలుడు జన్మించాడు. ఇటీవల అస్వస్థతకు గురవడంతో తల్లిదండ్రులు నిలోఫర్ ఆస్పత్రికి తీసుకువచ్చారు. శిశువుకు కరోనా పాజిటివ్ రావడంతో కుటుంబంలోని ఆరుగురు వ్యక్తులను క్వారంటైన్‌ను తరలించారు. ఆ చిన్నారికి కరోనా ఎలా సోకిందనేది ప్రశ్నార్థకంగా మారింది.

ఇప్పటిదాకా ప్రశాంతంగా ఉన్న నారాయణపేట జిల్లాలో ఈ ఘటనతో ఒక్కసారిగా అలజడి రేగింది. ఎలాంటి పాజిటివ్‌ కేసులు లేవని, గ్రీన్‌జోన్లో ఉన్నామని భావిస్తూ వస్తున్న ప్రజలను, అధికారులను ఈ ఘటన నిర్ఘాంతపరిచింది. రెండు నెలల బాలుడికి కరోనా పాజిటివ్‌‌గా నమోదైనట్లు శుక్రవారం రాత్రే జిల్లా అధికారులకు సమాచారం అందింది. దీంతో యంత్రాంగం అప్రమత్తమైంది. నారాయణపేట మండలంలోని అభంగాపూర్‌ను కంటైన్‌మెంట్ జోనుగా ప్రకటించారు.

Must Read:
హైదరాబాద్ ఐటీ కంపెనీల్లో కార్యకలాపాలు డౌటే!

కరోనా పాజిటివ్‌ సోకిన బాలుడి తల్లి పుట్టిల్లు ఉండేది అభంగాపూర్‌ కాగా.. మెట్టినిల్లు మద్దూరు మండలం రెనివట్లలో ఉంది. దీంతో రెనివట్ల, అభంగాపూర్‌తో పాటు నారాయణపేట మండలంలోని కోటకొండ గ్రామాల్లోనూ అధికారులు చర్యలకు ఉపక్రమించారు. కాన్పు తర్వాత మహిళ అభంగాపూర్‌లోనే ఉంది. చిన్నారికి అనారోగ్య సమస్య తలెత్తడంతో తొలుత కోటకొండలోని ఓ వైద్యుడి వద్ద చికిత్స అందించారు. దీంతో మూడు గ్రామాలపై అధికారులు గట్టి నిఘా పెట్టారు. ప్రజలు ఎవరినీ బయటకు రానివ్వడంలేదు. నిత్యావసరాలను ఇళ్లకే పంపిస్తున్నారు.

రెండు నెలల చిన్నారికి కరోనా పాజిటివ్‌ రావడానికి గల కారణాలను అధికారులు ఆరా తీస్తున్నారు. కరోనా పాజిటివ్‌ సోకిన చిన్నారికి సంబంధించిన 18 మంది కుటుంబసభ్యులు, బంధువులు, ఓ వైద్యుడిని ఐసొలేషన్‌కు తరలించారు. వారి నమూనాలను పరీక్షల నిమిత్తం పంపించారు.

Also Read:
బాబోయ్! చైనా అమ్మాయిలు.. ఎర్రగడ్డలో కలకలం





Source link

Leave a Reply

Your email address will not be published. Required fields are marked *