nimmagadda ramesh kumar: అర్ధరాత్రి హైడ్రామా: నిమ్మగడ్డ రమేష్‌కు పదవి లేనట్లే.. ఆ ఉత్తర్వులు వెనక్కు..! – apsec withdrawal circular on resumed charge as sec of nimmagadda ramesh kumar


నిమ్మగడ్డ రమేష్ కుమార్‌ వ్యవహారం మరో కీలక మలుపు తీసుకుంది. ఏపీ రాష్ట్ర ఎన్నికల కమిషనర్‌ (ఎస్‌ఈసీ)గా ఆయన బాధ్యతల స్వీకరణకు సంబంధించి ఇచ్చిన ఉత్వర్వులను వెనక్కి తీసుకుంటున్నట్లు ఎస్‌ఈసీ కార్యదర్శి ప్రకటించారు. ఆయన పునర్‌ నియామకానికి సంబంధించి శనివారం రాత్రి అడ్వొకేట్‌ జనరల్‌ శ్రీరామ్‌ అభ్యంతరాలు లేవనెత్తిన కాసేపటికే ఈ ప్రకటన వెలువడడం గమనార్హం.

Must Read: నిమ్మగడ్డ రమేష్ కేసులో ట్విస్ట్, ఆయనకు ఆ అధికారమే లేదు.. తొలిసారి ఏజీ ప్రెస్‌మీట్!

అంతకుముందు ఏజీ సుబ్రహ్మణ్యం శ్రీరామ్ మీడియాతో మాట్లాడుతూ.. ఎస్‌ఈసీగా నిమ్మగడ్డ రమేష్ కుమార్‌ను ఎప్పటిలోగా నియమించాలనే విషయంలో హైకోర్టు నిర్దిష్ట గడువేమీ విధించలేదని స్పష్టం చేశారు. తీర్పు అమలుకు కోర్టు కాలపరిమితి విధించకపోతే రెండు నెలలు గడువు ఉంటుందని చెప్పారు. అయితే ఈలోపే నిమ్మగడ్డ రమేష్ కుమార్‌ తనకు తానుగా బాధ్యతలు స్వీకరించినట్లు ప్రకటన విడుదల చేశారని, బాధ్యతలు చేపట్టినట్లు వివిధ శాఖల ఉన్నతాధికారులకు సర్క్యులర్‌ పంపారని చెప్పారు.

ఆయనను ఎస్‌ఈసీగా కొనసాగించాలని హైకోర్టు ప్రభుత్వాన్ని ఆదేశించిందే తప్ప.. బాధ్యతలు తీసుకోవాలని రమేష్ కుమార్‌కు చెప్పలేదని ఏజీ వెల్లడించారు. హైకోర్టు తీర్పు ప్రకారం రమేష్ కుమార్‌ను తిరిగి నియమించాలంటే చట్టపరమైన చిక్కులున్నాయని, కొన్ని అంశాల్లో సందిగ్ధత ఉన్నందునే సుప్రీంకోర్టుకు వెళ్లాలని భావించినట్లు ఏజీ శ్రీరాం స్పష్టం చేశారు. ఈ ప్రెస్‌మీట్ పెట్టిన కొద్దిసేపటికే శుక్రవారం ఇచ్చిన జీవోను వెనక్కు తీసుకుంటున్నట్లు ఎస్ఈసీ ఉత్తర్వులు వెలువరించడం గమనార్హం.

Must Read: ఏపీ చరిత్రలోనే తొలిసారి ఏజీ ప్రెస్‌మీట్, ఇది కోర్టు ధిక్కారమే..



Source link

Leave a Reply

Your email address will not be published. Required fields are marked *