nimmagadda ramesh kumar: ఎస్ఈసీగా బాధ్యతలు చేపట్టిన నిమ్మగడ్డ రమేష్.. స్థానిక ఎన్నికలపై కీలక వ్యాఖ్యలు – nimmagadda ramesh kumar takes charge of ap sec after high court verdict


ఆంధ్రప్రదేశ్‌ రాష్ట్ర ఎన్నికల కమిషనర్‌ (ఎస్ఈసీ)గా నిమ్మగడ్డ రమేష్‌ కుమార్‌ పదవీ బాధ్యతలు స్వీకరించారు. ఎన్నికల కమిషనర్‌ పదవీ కుదిస్తూ తీసుకొచ్చిన ఆర్డినెన్స్‌ను హైకోర్టు కొట్టివేయడంతో నిమ్మగడ్డ రమేష్ కుమార్‌కు లైన్ క్లియర్ అయింది. ఈ నేపథ్యంలో శుక్రవారం రాత్రి నిమ్మగడ్డ రమేష్ కుమార్ ఎస్ఈసీగా పదవి బాధ్యతలు స్వీకరించినట్లు రాష్ట్ర ఎన్నికల కమిషనర్‌ కార్యాలయం నుంచి ప్రకటన వెలువడింది.

ప్రస్తుతం హైదరాబాద్‌లో ఉన్న నిమ్మగడ్డ రమేష్ కుమార్ రెండ్రోజుల్లో విజయవాడ వెళ్లనున్నారు. అలాగే గత కొన్ని రోజులుగా మూతపడ్డ ఎస్‌ఈసీ కార్యాలయం తెరుచుకోనుంది. నిమ్మగడ్డ రమేష్‌ కుమార్‌ను తొలగించిన తర్వాత ఏపీ ఎస్‌ఈసీ కార్యాలయానికి జీఏడీ సీల్‌ వేసింది. అయితే సోమవారం ఆఫీస్ తెరుచుకోనుంది.

Must Read: సుప్రీం కోర్టుకు నిమ్మగడ్డ రమేష్ కేసు.. జగన్ సర్కార్ సంచలన నిర్ణయం!

హైకోర్టు తీర్పు అనంతరం నిమ్మగడ్డ రమేష్ కుమార్ మాట్లాడుతూ.. గతంలో మాదిరిగానే నిష్పక్షపాతంగా బాధ్యతలు నిర్వర్తిస్తానని వెల్లడించారు. త్వరలోనే అన్ని రాజకీయ పార్టీల అభిప్రాయాలు తీసుకొని.. స్థానిక సంస్థల ఎన్నికల ప్రక్రియను ప్రారంభిస్తామన్నారు. వ్యక్తులు కాదు.. రాజ్యాంగ సంస్థలు, విలువలే శాశ్వతమని రమేశ్ వ్యాఖ్యానించారు. రాజ్యాంగ సంస్థ విలువల పరిరక్షణకు కట్టుబడి ఉన్నానని ఆయన స్పష్టం చేశారు.



Source link

Leave a Reply

Your email address will not be published. Required fields are marked *