nisarga cyclone: దూసుకొస్తున్న నిసర్గ.. ముంబయిలో 150 మంది కరోనా రోగులను తరలించిన అధికారులు – ahead of the cyclone nisarga landfall, maharashtra shifts 150 covid patients to better facility


అరేబియా సముద్రంలో ఏర్పడిన అల్పపీడనం మరింత బలపడి మంగళవారం మధ్యాహ్నానికి తుఫానుగా మారినట్టు వాతావరణశాఖ ప్రకటించింది. దీనికి ‘నిసర్గ’ అని పేరును సూచించారు. పులిమీద పుట్రలా కరోనా వైరస్‌ వణికిస్తున్న వేళ.. తుఫాన్లు వెంబడిస్తున్నాయి. పదిహేను రోజుల వ్యవధిలోనే రెండు తుఫాన్లు దేశంపై విరుచుకుపడుతున్నాయి. బంగాళాఖతాంలో ఏర్పడిన అంపన్ తుఫాను ఒడిశా, పశ్చిమ్ బెంగాల్‌లపై విరుచుకుపడి, తీవ్ర నష్టాన్ని కలిగించింది. తాజా, తుఫాను మహారాష్ట్ర, గుజరాత్‌పై ప్రభావం చూపనుంది. దేశంలోనే అత్యధికంగా కరోనా కేసులు మహారాష్ట్రలో నమోదవుతున్నాయి. కరోనాతో వణుకుతున్న మహారాష్ట్రను ఇప్పుడు నిసర్గ కలవరపెడుతోంది.

ముంబయిపై తుఫాను తీవ్ర ప్రభావం చూపుతుందని వాతావరణశాఖ హెచ్చరికల నేపథ్యంలో ఎంఎంఆర్‌డీఏ (ముంబయి మెట్రోపాలిటన్‌ రీజినల్‌ డెవలప్‌మెంట్‌ అథారిటీ)లో చికిత్స పొందుతున్న కరోనా పేషెంట్లను అక్కడి నుంచి తరలించారు. నిసర్గ తుపాను కారణంగా గంటకు 115కి.మీ. వేగంతో ఈదురుగాలులు వీచే అవకాశం ఉండటంతో ఎంఎంఆర్డీఏలో చికిత్స పొందుతున్న కరోనా బాధితులను వర్లీకి పంపారు.

‘ముందస్తు చర్యల్లో భాగంగా కరోనా బాధితులను ఎంఎంఆర్డీఏ నుంచి తరలించాలని రాష్ట్ర ప్రభుత్వం ఆదేశించింది. ఇక్కడి కేంద్రంలో అన్ని చర్యలు తీసుకున్నా, తుఫాను కారణంగా మేము రిస్క్‌ తీసుకోదలచుకోలేదు. జర్మన్‌ టెక్నాలజీతో నిర్మించిన ఈ టెంట్‌లు కేవలం 100కి.మీ. వేగంతో వీచే గాలులను మాత్రమే తట్టుకోగలవు. దీంతో ఇసుక బస్తాల సాయంతో టెంట్‌ స్తంభాలను మరింత బలోపేతం చేస్తున్నాం’ అని ఎంఎంఆర్డీఏ కమిషనర్‌ ఆర్‌ఏ రాజీవ్‌ తెలిపారు.

మహారాష్ట్రకు నిసర్గ తుపాను ముప్పు పొంచి ఉన్న వేళ సోమవారం ఆ రాష్ట్ర ప్రభుత్వం ఉన్నతస్థాయి సమావేశం నిర్వహించింది. తుపాను వల్ల ఎక్కువ నష్టం కలగకుండా తీసుకోవాల్సిన జాగ్రత్తలపై చర్చించారు. తుఫాను హెచ్చరికలతో గోవా, గుజరాత్, మహారాష్ట్రలు మరింత అప్రమత్తమయ్యాయి.



Source link

Leave a Reply

Your email address will not be published. Required fields are marked *