nisarga cyclone deaths: నిసర్గ తుఫాన్: విద్యుత్ స్తంభం కూలి వ్యక్తి మృతి – cyclone nisarga: man dies as electric pole falls on him in maharashtra’s alibaug


నిసర్గ తుఫాన్ బీభత్సానికి 58 ఏళ్ల వ్యక్తి బలయ్యాడు. తుఫాన్ తీరం దాటే సమయంలో వీచిన పెను గాలులకు విద్యుత్ స్తంభం కూలిపోయింది. అదే సమయంలో ఇంటికి వెళ్తున్న వ్యక్తిపై ఆ స్తంభం అమాంతం పడటంతో అక్కడికక్కడే మరణించాడు. మహారాష్ట్రలోని అలీబాగ్ సమీపంలోని ఉమతే గ్రామంలో బుధవారం (జూన్ 3) మధ్యాహ్నం ఈ ఘటన చోటు చేసుకుంది. బాధితుడిని దశరథ్ బాబు వాగ్మరేగా గుర్తించారు. తుఫాన్ తీరం దాటుతుండటంతో ఇంటికి పరుగు అందుకున్న దశరథ్‌పై విద్యత్ స్తంభం ఒక్కసారిగా కూలి మీదపడింది.

నిసర్గ తుఫాన్ బీభత్సానికి అటు పుణే జిల్లాలో ఇద్దరు మృతి చెందినట్లు అధికారులు వెల్లడించారు. తీవ్ర తుఫాన్‌గా మారిన నిసర్గ తీరం దాటిన సమయంలో పెను గాలులు వీశాయి. గంటలకు 100 కి.మీ. వేగంతో వీచిన గాలులతో అలీబాగ్‌తో పాటు పుణేలోని పలు ప్రాంతాల్లో ఇళ్లు, నిర్మాణాలు ధ్వంసమయ్యాయి. భారీ వృక్షాలు వేర్లతో పాటు పెకిలించుకొని కూలిపోయాయి. పలు వాహనాలపై భారీ వృక్షాలు పడటంతో అవి ధ్వంసమయ్యాయి.

samayam telugu

ప్రముఖుల ఇళ్లు, బీచ్‌లతో గుర్తింపు పొందిన అలీబాగ్‌లో తుఫాన్ కారణంగా తీర ప్రాంతంలోని నిర్మాణాలు ధ్వంసమయ్యాయి. ముంబై నగరంలో సుమారు 19 వేల మందిని సురక్షిత ప్రాంతాలకు తరలించారు. తుఫాన్ కారణంగా పెద్దగా ఆస్తి నష్టం సంభవించలేదని ముంబై నగరపాలక సంస్థ అధికారులు తెలిపారు. తీరం దాటిన తర్వాత తుఫాన్ బలహీనపడటంతో ముంబై నగరం ఊపిరి పీల్చుకుంది. వందేళ్ల తర్వాత ముంబై నగరం వైపు పెను తుఫాన్ దూసుకురావడంతో ప్రజలు ఆందోళనకు గురయ్యారు. పెద్దగా ప్రభావం చూపకపోవడంతో ఊరట పొందారు.

Also Read:షాక్! భారత్‌లో కరోనా వైరస్ 198 రకాలుగా రూపాంతరం

Must Read:మోదీకి ట్రంప్ ఫోన్.. కీలక అంశాలపై చర్చ



Source link

Leave a Reply

Your email address will not be published. Required fields are marked *