Nitish Rana: మామను కోల్పోయినా బరిలో దిగి.. నితీశ్ రాణా అద్భుత బ్యాటింగ్.. హాఫ్ సెంచరీ అంకితం – sachin tendulkar lauds nitish rana and mandeep singh for playing ipl 2020 despite personal losses


ఐపీఎల్ 2020లో భాగంగా శనివారం జరిగిన డబుల్ హెడ్డర్ మ్యాచ్‌ల్లో… ఢిల్లీపై కోల్‌కతా, సన్‌రైజర్స్‌పై పంజాబ్ గెలుపొందాయి. తమ కుటుంబ సభ్యులను కోల్పోయినా.. ఆ బాధను దిగమింగుతూ ఇద్దరు ఆటగాళ్లు ఈ మ్యాచ్‌ల్లో ఆడిన తీరు అందర్నీ కట్టిపడేసింది. క్యాన్సర్‌తో పోరాడుతూ.. తన మామ మరణించినప్పటికీ.. కోల్‌కతా తరఫున ఓపెనర్‌గా బరిలో దిగిన నితీశ్ రాణా ఢిల్లీపై అద్భుతంగా ఆడాడు. పంజాబ్ క్రికెటర్ మన్‌దీప్ తండ్రి శుక్రవారం మరణించారు. నాన్న లేని బాధను దింగమింగుతూ అతడు సన్‌‌రైజర్స్‌తో మ్యాచ్‌లో బరిలో దిగాడు.

‘‘ఆత్మీయులను కోల్పోవడం తీవ్రంగా బాధిస్తుంది. వారికి కడసారి వీడ్కోలు పలకలేకపోవడం అంత కంటే ఎక్కువ బాధిస్తుంది. మన్‌దీప్ సింగ్, నితీశ్ రాణా కోసం ప్రార్థిస్తున్నా. వారి కుటుంబ సభ్యులు బాధ నుంచి త్వరగా ఉపశమనం పొందాలి. ఈ రోజు మ్యాచ్ ఆడినందుకు హ్యాట్సాఫ్. బాగా ఆడారు’’ అని సచిన్ టెండుల్కర్ ట్వీట్ చేశాడు.

ఢిల్లీతో జరిగిన మ్యాచ్‌లో ఓపెనర్‌గా బరిలో దిగిన నితీశ్ రాణా.. 13 ఫోర్లు, 1 సిక్స్‌తో 53 బంతుల్లోనే 81 పరుగులు చేసి సత్తా చాటాడు. ఐపీఎల్‌లో పదో హాఫ్ సెంచరీ చేసిన రాణా.. అర్ధ శతకాన్ని పూర్తి చేయగానే.. తన మామ ‘సురీందర్’ పేరు రాసిన జెర్సీని ప్రదర్శించి.. అర్ధ శతకాన్ని ఆయనకు అంకితం ఇచ్చాడు.
సన్‌రైజర్స్‌తో జరిగిన మ్యాచ్‌కు ఓపెనర్ మయాంక్ అగర్వాల్ దూరం కావడంతో.. అతడి స్థానంలో మన్‌దీప్ సింగ్ ఓపెనర్‌గా బరిలో దిగాడు. 14 బంతుల్లో 17 పరుగులు చేసిన మన్‌దీప్.. సందీప్ శర్మ బౌలింగ్‌లో ఔటయ్యాడు. శనివారం జరిగిన మ్యాచ్‌ల్లో వీరిద్దరూ ఆడిన జట్లు గెలుపొందడం విశేషం.
1999 వరల్డ్ కప్ సమయంలో సచిన్ టెండుల్కర్ తండ్రి రమేశ్ టెండుల్కర్ మరణించారు. అంత్యక్రియలు పూర్తయిన తర్వాత తిరిగి యూకే వెళ్లి జట్టుతో కలిసిన సచిన్.. తదుపరి మ్యాచ్‌లో కెన్యాపై శతకం బాది తండ్రికి అంకితమిచ్చాడు.



Source link

Leave a Reply

Your email address will not be published. Required fields are marked *