noida tiktok suicide : టిక్ టాక్‌ పిచ్చ.. లైక్‌లు రావట్లేదని ఉరేసుకొని ఆత్మహత్య – teenager hangs him self for not getting likes in tiktok


సోషల్ మీడియాపై ఉన్న పిచ్చి ఓ యువకుడి ప్రాణం తీసింది. వీడియో క్రియేటింగ్ యాప్ అయిన టిక్ టాక్‌కు బాగా బానిసైన ఆ వ్యక్తి.. తాను చేసిన వీడియోలకు లైక్‌లు రావడం లేదని ఆత్మహత్య చేసుకున్నాడు. 18 ఏళ్ల యువకుడు తీవ్రమైన మనస్తాపంతో ఉరి వేసుకున్నాడు. ఈ సంఘటన గురువారం నోయిడాలో జరిగింది.


నోయిడాలోని సాలార్పూర్‌కు చెందిన యువకుడు టిక్ టాక్‌కు బాగా అలవాటు పడ్డాడు. పోలీసులు, స్థానికులు తెలిపిన వివరాల ప్రకారం.. అందులో రకరకాల వీడియోలు చేయడం, స్టంట్లు చేయడం, వీక్షకులు మెచ్చేలా పాటలు పాడటం వంటివి చేసి వీడియోలు తయారు చేసేవాడు. అయితే, లైకుల కోసం ఎంత క్రియేటివిటీ ఉపయోగించి వీడియోలు చేసినా అతనికి వీక్షకుల నుంచి ఆదరణ దక్కేది కాదు. ఇటీవల ఎంతో ఆశతో చేసిన వీడియోలకు కూడా లైకులు రాలేదు. దీంతో తీవ్ర మనస్తాపానికి గురై తన ఇంట్లోనే ఫ్యాన్‌కు ఉరేసుకున్నాడు.

Must Read:
నెలతప్పినట్లు బిడ్డ పుట్టేదాక తెలీదు.. బాత్రూంకు వెళ్లి వృద్ధురాలు ప్రసవం

కుటుంబ సభ్యులు పోలీసులకు సమాచారం అందించగా, వెంటనే స్థానిక పోలీసులు సంఘటనా స్థలానికి చేరుకున్నారు. గత కొద్ది రోజులుగా టిక్ టాక్‌లో లైకులు రావట్లేదని మనస్తాపంతో ఆత్మహత్య చేసుకున్నాడని విచారణలో తేలినట్లు నోయిడా అదనపు డిప్యూటీ కమిషనర్ వెల్లడించారు. కేసు దర్యాప్తు చేస్తున్నట్లుగా ఆయన వెల్లడించారు. అయితే, యువకుడు ఆత్మహత్య చేసుకొనే ముందు ఎలాంటి సూసైడ్ నోట్ రాయలేదని చెప్పారు.

Also Read:
KTR: ఆకలితో అల్లాడుతున్న 5 నెలల పాప.. అర్ధరాత్రి కేటీఆర్ సాయం





Source link

Leave a Reply

Your email address will not be published. Required fields are marked *