non refrigeration foods: ఈ ఆహారాలను ఫ్రిజ్‌లో పెట్టొద్దు.. అలా చేస్తే ఇక అంతే! – foods you should never store in the fridge


వేసవి కాలంలో బయట ఏ ఆహారాన్ని ఉంచినా త్వరగా పాడైపోతాయి. దీంతో అవన్నీ ఫ్రిజ్‌లో పెట్టేస్తాం. ఫ్రిజ్‌లో ఉంచే వస్తువులు ఎప్పటికీ ఫ్రెష్‌గా ఉంటాయని భావిస్తాం. అయితే, ఫ్రిజ్‌లోని చల్లదనం వల్ల ఆయా ఆహార పదార్థాలు పోషకాలు కోల్పోతాయనే సంగతి మీకు తెలుసా? కొన్ని పదార్థాలైతే తమ స్వభావాన్ని కోల్పోవడమే కాదు.. విషంగా మారతాయి. ఈ నేపథ్యంలో ఫ్రిజ్‌లో ఏయే ఆహార పదార్థాలను ఉంచకూడదో ఇప్పుడు తెలుసుకుందాం.

టమోటా: టమోటాను ఫ్రిజ్‌లో ఉంచితే దానిపై ఉండే పలచని పొర ముడతలు పడుతుంది. విటమిన్-సి తగ్గిపోతుంది. అంతేగాక రుచిని సైతం కోల్పోతుంది. కాబట్టి, టమోటాలను రూమ్ టెంపరేచర్‌లో ఉంచడమే ఉత్తమం.

చిల్లీ, టమోటా సాస్: చిల్లీ, టమోటా సాస్ బాటిళ్లను ఫ్రిజ్‌లో ఉంచినట్లయితే ఫంగస్ ఏర్పడుతుంది. కాబట్టి.. వాటిని బయట ఉంచడమే ఉత్తమం లేకపోతే. సాస్ విషతుల్యం అవుతుంది. సాస్‌లను బయట ఉంచిన పాడవవ్వు. అందులో ఉండే వెనిగార్ సాస్‌ పాడవ్వకుండా రక్షిస్తుంది.

బంగాళదుంపలు: బంగాళ దుంపలను ఫ్రిజ్‌లో పెడితే వాటి తొక్కలోని తేమ ఆవిరవుతుంది. ఫలితంగా బంగాళదుంప గట్టిగా మారుతుంది. వాటిని సులభంగా కట్ చేయలేం. పైగా బంగాళదుంపలో ఉండే పిండి పదార్థం తేమను కోల్పోయి చప్పగా మారుతుంది. ఉడకడానికి చాలా సమయం పడుతుంది. బంగాళాదుంపలు ఎక్కువ రోజులు చెడిపోకుండా ఉండాలంటే పేపర్ బ్యాగ్‌లో పెట్టండి. ఎండ తగలకుండా జాగ్రత్తపడండి. ఎందుకంటే ఎండలో ఉండే క్లోరోఫిల్ కంటెంట్ వల్ల బంగాళదుంప చేదుగా మారుతుంది.

ఉల్లిపాయలు: ఉల్లిపాయలను ఫ్రిజ్‌లో ఉంచకపోవడమే ఉత్తమం. చల్లదనం వల్ల ఉల్లిపొరలు దగ్గరకు చేరుతాయి. ఫలితంగా వాటిని విడదీయడం కష్టమవుతుంది. ఉల్లిపాయలను ఫ్రిజ్‌లో ఉంచడం వల్ల వాసన ఫ్రిజ్ మొత్తం వ్యాపిస్తుంది. ఇతర పదార్థాలు అవే వాసన వస్తాయి. ఉల్లిపాయలను బంగాళదుంపల పక్కన పెట్టకండి. అందులో నుంచి వచ్చే వాయువులు బంగాళదుంపలను పాడుచేస్తాయి.

కాఫీ బీన్ పౌడర్: కాఫీ బీన్ పౌడర్‌ను ఫ్రిజ్‌లో పెట్టకూడదు. ఫ్రిజ్‌లో ఉండే తేమ కాఫీ పౌడర్‌ గట్టిగా మారుతుంది. రుచి కూడా కోల్పోతుంది. మీరు కాఫీ గింజలను నిల్వ చేయాలంనుకుంటే ఒక కంటైనర్లో పెట్టి గది ఉష్ణోగ్రతలో ఉంచండి.

వెల్లులి: వెల్లులి, ఏలకులను 15 నుంచి 18 డిగ్రీల ఉష్ణోగ్రతలో మాత్రమే ఉంచాలి. ఫ్రిజ్‌లో పెట్టడం మంచిది కాదు. వెల్లులిని గాలి చొరబడి కంటైనర్లో ఉంచడం మంచిది.

Also Read: మిడతల పొడితో బ్రెడ్.. ప్రోటీన్లు పుష్కలం!

పుచ్చకాయ: పుచ్చకాయలను గానీ, పుచ్చకాయ ముక్కలనుగానీ ఫ్రిజ్‌లో ఉంచకూడదు. అలా చేస్తే పుచ్చకాయ రుచి కోల్పోతుంది. అందులో ఉండే యాంటీ ఆక్సిడెంట్లు సైతం తగ్గిపోతాయి.

అరటి పండ్లు: వీటికి 15 నుంచి 20 డిగ్రీల సెల్సియస్ ఉష్ణోగ్రత ఉంటే సరిపోతుంది. ఈ ఉష్ణోగ్రతల్లోనే అరటి పండ్లు మగ్గుతాయి. వాటిని ఫ్రిజ్‌లో పెట్టడం వల్ల ఆ ప్రక్రియ ఆగిపోతుంది. వాటికి సరిపడని ఉష్ణోగ్రతలో ఉండటం వల్ల వాటి తొక్క క్రమేనా నల్ల రంగులో మారుతుంది. కాబట్టి అరటి పండ్లను బయట వాతావరణంలో ఉండచడమే మంచిది.

Also Read: టమోటాలు తింటే కిడ్నీల్లో రాళ్లు ఏర్పడతాయా? ఇందులో నిజమెంతా?

తేనె, నెయ్యి: వీటిని ఫ్రిజ్‌లో ఉంచకూడదు. వీటిని రూమ్ టెంపరేచర్‌లోనే ఉంచాలి. తెనెను ఫ్రిజ్‌లో పెడితే స్పటికాలుగా మారుతుంది. అందులో ఉండే సహజ రుచిని కోల్పోతుంది. బ్రెడ్, రొట్టెలను కూడా ఫ్రిజ్‌లో పెట్టకూడదు. దీనివల్ల ఫంగస్ ఏర్పడే ప్రమాదం ఉంది.

నట్స్: వీటిని ఫ్రిజ్‌లో పెడితే.. ఇతర ఆహార పదార్థాల వాసనను గ్రహిస్తాయి. రుచి కూడా తగ్గిపోతుంది. ద

కారం, మసాలాలు: వీటిని కూడా ఫ్రిజ్‌లో పెట్టకండి. చల్లదనం వల్ల రుచి కోల్పోతాయి. అలాగే, ఊరగాయలు.. పచ్చళ్లను సైతం ఫ్రిజ్‌లో ఎక్కువ రోజులు ఉంచకూడదు.

వీటిని ఫ్రిజ్‌లో పెట్టవచ్చు: పండ్లు, ఆకుకూరలు, కొబ్బరి చిప్పలను, క్రీమ్ బిస్కట్లు, చాకోలెట్స్, పాలు, పెరుగు, కొబ్బరి నీళ్లు, శీతల పానీయాలను ఫ్రిజ్‌లో పెట్టవచ్చు.



Source link

Leave a Reply

Your email address will not be published. Required fields are marked *