Novak Djokovic : కరోనాపై పోరుకు టెన్నిస్ స్టార్ జొకోవిచ్ భూరీ విరాళం – serbina tennis star novak djokovic donates 1 million euros to fight against coronavirus


కరోనా వైరస్‌పై పోరాటానికి టెన్నిస్ స్టార్ నొవాక్ జొకోవిచ్ ముందుకొచ్చాడు. 10 లక్షల యూరోలు విరాళమిచ్చిన నోవాక్‌..వైర‌స్‌పై పోరాటానికి నిధులను వాడాలని సూచించాడు.

Subani Shaik |
Samayam Telugu | Updated:

Serbia’s Novak Djokovic

క‌రోనా వైర‌స్‌ ప్రపంచవ్యాప్తంగా వణికిస్తున్నవేళ సెర్బియ‌న్ టెన్నిస్ స్టార్ నోవాక్ జొకోవిచ్‌ భారీ విరాళం ప్రకటించాడు. కరోనా పాజిటివ్ రోగులను ఆదుకునేందుకుగాను ప‌ది ల‌క్ష‌ల యూరోలు (సుమారు 8.30 కోట్ల రూపాయ‌లు) విరాళ‌మిచ్చాడు. వెంటిలేట‌ర్ల కొనుగోలుతోపాటు, వైద్య సౌక‌ర్యాల కోసం నిధులను వాడాల‌ని సూచించాడు. కరోనా వైరస్ రోజురోజుకూ విస్తరిస్తుండ‌టంపై ఈ ప్ర‌పంచ నెం.1 ఆందోళన వ్యక్తం చేశాడు. మ‌రోవైపు సెర్బియాలో కరోనా వైరస్ రోజురోజుకి విస్త‌రిస్తోంది. ఇప్ప‌టికే ఈ వైర‌స్‌ ప్రభావం కారణంగా 450 మంది పాజిటివ్‌గా తేలారు. ఇప్పటికే ఏడుగురు మరణించారు.


Read Also: ఐసీసీ అత్యవసర సమావేశం.. హాజరైన గంగూలీ


మరోవైపు ఈ వైర‌స్‌పై పోరాటంలో అథ్లెట్లు అందరూ కలిసి ముందుకు రావాలని త‌ను సూచించాడు. ఇప్పటికే దిగ్గజ టెన్నిస్ ప్లేయర్ రోజర్ ఫెదరర్ వన్ మిలియన్ స్విస్ ఫ్రాంకుల‌ను .. తన సొంత‌ దేశం స్విట్జ‌ర్లాండ్‌కు విరాళం ఇచ్చాడు. అలాగే కరోనా పై పోరాటానికి 11 మిలియన్ యూరోలు నిధుల సేక‌ర‌ణ లక్ష్యంగా ముందుకురావాల‌ని, మరో స్టార్ ప్లేయర్ రఫెల్ నాదల్ (స్పెయిన్‌) పిలుపునిచ్చాడు.

Read Also: ధోనీ విరాళం రూ. 1లక్ష.. ట్విట్టర్‌లో దుమారం


ఇక కరణ పాజిటివ్ రోగులకు సేవ చేస్తున్న వైద్య సిబ్బంది, డాక్టర్లకు జొకోవిచ్‌ కృతజ్ఞతలు తెలిపాడు. మరోవైపు క‌రోనా వైరస్ ప్ర‌భావం ప్రపంచ వ్యాప్తంగా అన్ని రంగాలపై పడింది. అన్ని రకాల టెన్నిస్ మ్యాచ్‌ల‌ను జూన్ 7 వరకు వాయిదా వేస్తున్నట్లు టెన్నిస్ వ‌ర్గాలు ప్రకటించాయి. ప్రపంచవ్యాప్తంగా క‌రోనా కారణంగా ఇప్పటికే నాలుగు లక్షల మందికి పైగా పాజిటివ్‌గా తేలారు. సుమారు 22 వేల మందికి పైగా మరణించినట్లు తెలుస్తోంది.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title serbina tennis star novak djokovic donates 1 million euros to fight against coronavirus

(Telugu News from Samayam Telugu , TIL Network)





Source link

Leave a Reply

Your email address will not be published. Required fields are marked *