Novak Djokovic : కరోనా వైరస్ వ్యాక్సిన్‌కి జకోవిచ్ నిరాకరణ – serbian tennis player novak djokovic opposes compulsory coronavirus vaccination


క్రీడాకారులు కరోనా వైరస్ వ్యాక్సిన్‌ని తప్పనిసరిగా తీసుకోవాలన్న ప్రతిపాదనని సెర్బియా టెన్నిస్ దిగ్గజం నొవాక్ జకోవిచ్ తిరస్కరించాడు. ఇప్పటికే కరోనా వైరస్ కారణంగా క్రీడా టోర్నీలన్నీ రద్దవగా.. ఒలింపిక్స్, వింబుల్డన్ లాంటి ప్రతిష్ఠాత్మక టోర్నీలు వాయిదాపడ్డాయి. దీంతో.. నిత్యం విదేశాల్లో టోర్నీలు ఆడే క్రీడాకారులు తప్పని సరిగా కరోనా వైరస్ వ్యాక్సిన్‌ని వేసుకోవాలనే ప్రతిపాదనలు వినిపిస్తున్నాయి. అయితే.. ఇప్పటి వరకూ వ్యాక్సిన్‌ని ఎవరూ కనిపెట్టలేదు.


Read More:
కరోనా ఎఫెక్ట్‌తో వింబుల్డన్ టోర్నీ రద్దు

‘‘వ్యాక్సిన్‌ని తీసుకోవడాన్ని వ్యక్తిగతంగా నేను వ్యతిరేకిస్తున్నాను. విదేశాల్లో ప్రయాణించాలంటే కచ్చితంగా వ్యాక్సిన్‌ తీసుకోవాలనడం సమంజసం కాదు. ఒకవేళ తప్పనిసరి చేస్తే మాత్రం..? అప్పుడు నిర్ణయం తీసుకుంటా. ఆ విషయంలో నా ఆలోచనలు నాకు ఉన్నాయి. అవి మారే అవకాశాలు లేకపోలేదు. ఇక జులై లేదా సెప్టెంబరు నాటికి మళ్లీ టోర్నీలు ఆరంభమయ్యే సూచనలు కనిపిస్తున్నాయి. క్వారంటైన్ తర్వాత కూడా ఆ వ్యాక్సిన్ అవసరమంటే నేను అర్థం చేసుకోగలను’’ అని జకోవిచ్ వెల్లడించాడు.

Read More:
టోక్యో ఒలింపిక్స్ 2021 కొత్త తేదీల ఖరారు

రోజర్ ఫెదరర్, రఫెల్ నాదల్‌తో కలిసి తక్కువ ర్యాంక్‌‌లో ఉన్న టెన్నిస్ ఆటగాళ్లని ఆదుకునేందుకు నొవాక్ జకోవిచ్ ముందుకు వచ్చాడు. కరోనా వైరస్ కారణంగా టోర్నీలన్నీ రద్దవగా.. స్పాన్సర్లు, సంఘాల నుంచి సపోర్ట్ లేదని యువ ఆటగాళ్లు ఆవేదన వ్యక్తం చేస్తుండటంతో.. వారిని ఆదుకునేందుకు ‘‘బిగ్-3’’ ముందుకొచ్చారు. ఏటీపీ ఏర్పాటు చేసే సహాయనిధికి గ్రాండ్‌స్లామ్ ద్వారా వచ్చే ఆదాయంలో కొంత కేటాయిస్తామని ఈ ‘‘బిగ్-3’’ ప్రకటించారు.





Source link

Leave a Reply

Your email address will not be published. Required fields are marked *