Oil price: భగ్గుమంటున్న వంట నూనె ధర.. సామాన్యులకు చుక్కలు! – edible oil prices rise by up to 30 percent cooking oil prices rise in india know details inside


ప్రధానాంశాలు:

  • పెరిగిపోతున్న నూనె ధర
  • ఇప్పటికే 30 శాతం పైకి
  • ప్రజలపై ప్రభావం

చికెన్ ధర పెరిగింది.. ఉల్లిపాయల ధరలు పెరిగాయి.. బంగాళాదుంప రేటు పైకి కదిలింది.. ఇలా ధరలు పెరిగాయనే వార్తలు అప్పుడప్పుడు చదువుతూ ఉంటాం. అయితే ఇప్పుడు వీటి జాబితాలోకి మరొకటి వచ్చి చేరింది. అదే వంట నూనె. ఇది లేకుండా దాదాపు ఏ కూర చేసుకోలేం.

వంట నూనె ధర పెరిగిపోవడంతో సామాన్యులకు చుక్కలు కనిపిస్తున్నాయి. శనగకాయ నూనె, సన్‌ ఫ్లవర్ నూనె ఇలా పలు రకాల వంట నూనెల ధరలు పైకి కదిలాయి. ఏకంగా 20 నుంచి 30 శాతం మేర పెరిగాయి. వంట నూనె ధరలు పెరిగిపోతుండటంతో ప్రభుత్వం కూడా ఈ అంశాన్ని పరిశీలిస్తోంది.

Also Read: బ్యాంకింగ్ రంగంలో విప్లవాత్మక మార్పులు! ఇక అంబానీ, టాటా బ్యాంకులు?

దేశంలోకి పామ్ ఆయిల్ దిగుమతులు పెరుగుతున్నాయి. అయితే లాక్ డౌన్ కారణంగా మలేసియా వంటి పలు దేశాల్లో పామ్ ఆయిల్ తయారీ మాత్రం తగ్గింది. దీంతో ఆ దేశాలు ధరలు పెంచేశాయి. ఈ ప్రభావం ఇప్పుడు మనపై పడుతోంది. కేంద్ర ప్రభుత్వం మాత్రం ధరల పెరుగుదలను నియంత్రించడానికి ప్రయత్నిస్తోంది.

వినియోగదారుల మంత్రిత్వ శాఖ ప్రైస్ మానిటరింగ్ సెల్ డేటా ప్రకారం.. మస్టర్డ్ ఆయిల్ ధర గురువారం లీటరుకు రూ.120 ఉంది. ఇది గతేడాది రూ.100గా ఉండేది. వెజిటబుల్ ఆయిల్ ధర ఏడాది కిందట లీటరుకు రూ.75 వద్ద ఉండేది. ఇదే రేటు ఇప్పుడు రూ.102కు చేరింది. సోయాబిన్ ఆయిల్ ధర లీటరుకు ఇప్పుడు రూ.110గా ఉంది. గతేడాదిలో దీని ధర రూ.90గా ఉండేది. సన్ ఫ్లవర్, పామ్ ఆయిల్ ధరలు కూడా పెరిగాయి. నూనె ధర పెరిగిపోవడంతో సామాన్యులపై తీవ్ర ప్రతికూల ప్రభావం పడుతోంది.



Source link

Leave a Reply

Your email address will not be published. Required fields are marked *