old city flood videos: Hyd: దడ పుట్టించేలా వరద నీరు ఇళ్లలోకి.. సీసీటీవీ దృశ్యాలు లీక్ – flood water occupies various colonies in chandrayangutta, cctv videos out


హైదరాబాద్‌లో భారీ వర్షాల ప్రభావంతో నగరంలోని చెరువులు, కుంటలు ఉప్పొంగుతున్నాయి. మూసీ నది ఉగ్రరూపం దాల్చింది. ఈ క్రమంలో లోతట్టు ప్రాంతాల్లో ముంపునకు గురయ్యాయి. వీధుల్లోకి తోసుకుంటూ వచ్చిన వరద నీరు వస్తువులను తనలో కలిపేసుకు పోయింది. దీనికి సంబంధించి చాంద్రాయణగుట్టలోని బాబానగర్‌లో శనివారం రాత్రి వెలుగుచూసిన సీసీటీవీ దృశ్యాలు అత్యంత భయంకరంగా ఉన్నాయి. సినిమాల్లో చూపించినట్లుగా చూస్తుండగానే వరదనీరు వీధులను ముంచెత్తింది. మరో వీడియోలో అయితే ఏకంగా ఇంట్లోకే నీరు చేరింది. లోపల ఉన్న రిఫ్రిజిరేటర్, వాషింగ్ మెషిన్ వంటి వస్తువులన్నీ మునిగిపోయాయి.

ఒకవైపు కుండపోత వర్షం, మరోవైపు కరెంటు లేకపోవడంతో బాబానగర్‌ వాసులు బిక్కుబిక్కుమంటూ రోడ్లపై ఉండగా తెల్లవారుజాము మూడు గంటలకు ఒక్కసారిగా ఆ ప్రాంతంలోకి వరద నీరు దూసుకొచ్చింది.

గుర్రం చెరువు కట్ట తెగిపోవడంతో బాబానగర్‌లోని చాలా ఇళ్లల్లో చూస్తుండగానే 10 అడుగుల మేర నీరు చేరింది. ఏకంగా ఇంటి ముందు ఉండే పెద్ద గేట్లు ముప్పావువంతు నీట మునిగాయి. మరింత లోతట్టు ప్రాంతంలో ఉన్న ఇళ్లల్లో మొదటి అంతస్తు కూడా నీట మునిగింది. అయితే, చెరువు కట్ట తెగిందనే సమాచారం ముందుగానే రావడంతో స్థానికులు మృత్యువులా దూసుకొచ్చిన వరదల నుంచి అందరూ తప్పించుకోగలిగారు. దీనికి సంబంధించిన రెండు సీసీటీవీ వీడియోలను కింద చూడవచ్చు.

వీడియో: దడ పుట్టించేలా వరద నీరు ఇళ్లలోకి.. సీసీటీవీ దృశ్యాలు లీక్

వీడియో: Hyd కాలనీల్లోకి వరద పోటెత్తిందిలా.. భయానక సీసీటీవీ వీడియో



Source link

Leave a Reply

Your email address will not be published. Required fields are marked *