olive oil benefits: ఆలివ్ ఆయిల్‌తో రోజూ వంట చేయొచ్చా.. – what are the benefits of using olive oil for cooking


ఆలివ్ ఆయిల్ లో అనేకరకాల ఆరోగ్య ప్రయోజనాలున్నాయి. ఎక్స్ట్రా వర్జిన్ ఆలివ్ ఆయిల్ ని ఏ విధంగా వాడినా కూడా దాని వల్ల ఎన్నో హెల్త్ బెనిఫిట్స్. రుచి మాత్రం కాస్తా వేరుగా ఉంటుంది.

ఆలివ్ ఆయిల్ చాలా ఆరోగ్యకరం. ఇందులో శరీరానికి మేలు చేసే ఫ్యాటీ ఆసిడ్స్ తో పాటూ ప్రభావవంతమైన యాంటీ ఆక్సిడెంట్స్ కూడా ఉన్నాయి. ప్రపంచంలో చాలా ఆరోగ్యవంతంగా జీవించే ప్రజల భోజనంలో ఆలివ్ ఆయిల్ పాత్ర ఉంటుంది.

అయితే, కొంతమంది అభిప్రాయం ప్రకారం ఆలివ్ ఆయిల్ లో ఉండే అన్ శాచురేటెడ్ కొవ్వుల మూలంగా దాంతో వంట చేయలేం అని చెబుతారు. కొంతమంది మాత్రం అలాంటిదేం లేదు, హాయిగా వండుకోవచ్చు అంటారు.

ఆలివ్ ఆయిల్ తో వంట చేయొచ్చో.. లేదో తెలుసుకోండి..

ఆలివ్ ఆయిల్ తో వంట చేయడానికి వెనుకాడతారంటే..

కొంతమంది ఆలివ్ ఆయిల్‌తో వంట చేసేందుకు ఆలోచిస్తారు. ఎందుకంటే ఇందులో ఉండే కొవ్వులు, నూనెలూ ఎక్కువ వేడిని తట్టుకోలేవు. అవి హానికరంగా మారతాయి. సోయాబీన్, కనోలా లాగా పాలీ అన్ శాచురేటెడ్ కొవ్వులు ఎక్కువుగా ఉన్న నూనెలన్నింటితో కూడా ఇదే సమస్య. వీటిని ఎక్కువగా వేడి చేస్తే కాన్సర్ కారకాలైన లిపిడ్ పెరాక్సైడ్స్, అల్డిహైడ్స్ లాగా మారతాయి.

వీటితో వంట చేసినప్పుడు అవి కొన్ని కాన్సర్ కారకాలను గాలిలోకి విడుదల చేస్తాయి. వాటిని పీల్చడం వల్ల లంగ్ కాన్సర్ వచ్చే ప్రమాదం ఉంది. ఈ నూనెలు వాడుతున్నప్పుడు వంటగదిలో నించోడం కూడా ప్రమాదమే. హానికరమైన, కాన్సర్ కారకాలైన వాటినించి మిమ్మల్ని మీరు రక్షించుకోవాలంటే అధిక ఉష్ణోగ్రత వద్ద కూడా స్థిరంగా ఉండే నూనెలు వాడాలి.

Also Read : కర్పూరం రాస్తే జుట్టు పెరుగుతుందా..

వంటనూనెలు ఎంచుకునేటప్పుడు..

వంట కోసం ఏ నూనె వాడాలి అన్న రెండు విషయాల్లో జాగ్రత్త వహించాలి. ఒకటి స్మోక్ పాయింట్. అంటే ఏ ఉష్ణోగ్రత వద్ద కొవ్వులు పొగగా మారతాయి. రెండొది..ఆక్సిడేటివ్ స్టెబిలిటీ. ఆక్సిజెన్ తో ప్రతిచర్యను ఎంతవరకూ అడ్డుకుంటాయి. ఆలివ్ ఆయిల్ ఈ రెండు విషయాల్లోనూ ఎలాంటి సమస్య తీసుకురాదు.. అధిక ఉష్ణోగ్రత వద్ద స్థిరంగా ఉండే వంట నూనెలను ఎంచుకోవడం చాలా అవసరం ఎందుకంటే కొన్ని నూనెలు వేడి చేసినప్పుడు కాన్సర్ కారకాలను విడుదల చేస్తాయి.

ఆలివ్ ఆయిల్ లో అధిక ఉష్ణోగ్రత వద్ద స్థిరంగా ఉండే మోనో అన్ శాచురేటెడ్ కొవ్వులు ఎక్కువ. కొవ్వులని శాచురేటెడ్, మోనో అన్ శాచురేటెడ్, పాలీ అన్ శాచురేటెడ్ గా విభజిస్తారు. కొబ్బరినూనె లాంటి శాచురేటెడ్ కొవ్వులు వేడిని బాగా అడ్డుకుంటాయి. చాలా వరకూ వెజిటబుల్ ఆయిల్స్ లో పాలీ అన్ శాచురేటెడ్ కొవ్వులు ఎక్కువగా ఉంటాయి. ఆలివ్ ఆయిల్ లో ఎక్కువ అన్ శాచురేటెడ్ కొవ్వులు ఉన్నాయి.

సోయాబీన్, కనోలా లాంటి వాటిలో ఉండే పాలీ అన్ శాచురేటెడ్ కొవ్వులు మాత్రమే అధిక ఉష్ణోగ్రతను తట్టుకోలేవు. ఏ నూనెలో అయినా అన్ని రకాల కొవ్వులూ ఉంటాయని మర్చిపోవద్దు. ఉదాహరణకి ఆలివ్ ఆయిల్ లో 73% మోనో అన్ శాచురేటెడ్, 11% పాలీ అన్ శాచురేటెడ్, 14% శాచురేటెడ్ కొవ్వులు కలిసి ఉంటాయి. అంటే ఆలివ్ ఆయిల్ లో అధిక ఉష్ణోగ్రతని తట్టుకునే మోనో అన్ శాచురేటెడ్ మరియు శాచురేటెడ్ కొవ్వులు కలిసి 87% ఉన్నాయి. ఆలివ్ ఆయిల్ లో అధిక ఉష్ణోగ్రతని తట్టుకునే మోనో అన్ శాచురేటెడ్ కొవ్వులు ఎక్కువగా ఉన్నాయి. అదే విధంగా..ఆలివ్ ఆయిల్ లో విటమిన్ ఇ, యాంటీ ఆక్సిడెంట్స్ ఎక్కువగా ఉంటాయి.

ఆలివ్స్ నించి మొదటిసారి తీసిన నూనెని ఎక్స్ట్రా వర్జిన్ ఆలివ్ ఆయిల్ అంటారు. ఇందులో ప్రభావవంతమైన యాంటీ ఆక్సిడెంట్స్ మరియు విటమిన్ ఇ ఉంటాయి. విటమిన్ ఇ చాలా మంచి యాంటీ ఆక్సిడెంట్. ఇది కణజాలాన్ని ధ్వంసం చేసే, అనారోగ్యానికి గురి చేసే ఫ్రీ రాడికల్స్ తో పోరాడుతుంది. ఆలివ్ ఆయిల్ లో యాంటీ ఆక్సిడెంట్స్ మరియు విటమిన్ ఇ పుష్కలంగా ఉన్నందువలన అది ఫ్రీ రాడికల్స్ వల్ల జరిగే నష్టాన్నించి సహజ రక్షణను అందిస్తుంది. అలివ్ ఆయిల్ లో ఉన్న విటమిన్ ఇ మరియు యాంటీ ఆక్సిడెంట్స్ ఆరోగ్యానికి మేలు చేస్తాయి.

Also Read : బంగాళదుంపని ముఖానికి రాస్తే నిజంగానే తెల్లగా అవుతారా..

ఆక్సిజన్ తో ప్రతిచర్యను అడ్డుకుంటుంది. నూనెలు ఆక్సిజన్ తో ప్రతిచర్య జరిపినప్పుదు రకరకాల హానికారకాలను విడుదల చేస్తాయి.
ఇది సాధారణ ఉష్ణోగ్రత వద్ద కూడా జరగచ్చుగానీ ఎక్కువగా నూనెలని వేడి చేసినప్పుడు జరుగుతుంది. యాంటీ ఆక్సిడెంట్స్ ఎక్కువగా, పాలీ అన్ శాచురేటెడ్ కొవ్వులు తక్కువగా ఉన్నందువలన ఆలివ్ ఆయిల్ వేడి చేసినప్పుడు కూడా స్థిరంగా ఉంటుంది.

ఒక పరిశోధనలో రకరకాల ఆలివ్ ఆయిల్స్ ని వేపుళ్ళు చెయ్యడానికి ఉపయోగించినప్పుడు ఎక్స్ట్రా వర్జిన్ ఆలివ్ ఆయిల్ అధిక ఉష్ణోగ్రత వద్ద కూడా స్థిరంగానే ఉంది. మరికొన్ని పరిశోధనల వల్ల అధిక ఉష్ణోగ్రత వద్ద పొద్దుతిరుగుదు నూనె లాంటివి హానికరంగా మారతాయి కానీ ఆలివ్ ఆయిల్ మారదని తెలుస్తోంది.

కానీ ఒక పరిశోధనలో వేడి చేసిన ఆలివ్ ఆయిల్ కంటే వేడి చేయని ఆలివ్ ఆయిల్ ఆరోగ్యానికి మంచిదని తెలుస్తోంది. కానీ, ఈ పరిశోధన లో ఉపయోగించిన ఆలివ్ ఆయిల్ ఎక్స్ట్రా వర్జిన్ ఆలివ్ ఆయిల్ కాదు, మరియు దాన్ని ఎనిమిదిగంటల పాటూ వేడి చేశారు.

ఆలివ్ ఆయిల్ ని వేడి చెయ్యడం వల్ల ట్రాన్స్ ఫాట్స్ పెరుగుతాయి అన్నది కూడా ఒక అపోహే. ఒక పరిశోధనలో ఆలివ్ ఆయిల్ తో ఎనిమిదిగంటల పాటూ వంట చేసినా సరే అందులో ఉన్న ట్రాన్స్ ఫాట్ విలువ 0.045% నించి 0.082% వరకూ మాత్రమే పెరిగింది.

వేపుళ్ళకి వాడినా కూడా ఆలివ్ ఆయిల్ హానికారకాలను విడుదల చేయదు. కాబట్టి..చాలా పరిశోధనల్లో ఆలివ్ ఆయిల్ ని అధిక ఉష్ణోగ్రత వద్ద చాలా సేపు ఉంచి చూశాయి. అయినా కూడా ఆలివ్ ఆయిల్ లో చెప్పుకోదగ్గ పరిమాణంలో హానికారకాలు ఏర్పడలేదు.

మధ్యస్తమైన స్మోక్ పాయింట్

ఏ ఉష్ణోగ్రత వద్ద నూనె పొగ గా మారుతుందో ఆ ఉష్ణోగ్రతని ఆ నూనె యొక్క స్మోక్ పాయింట్ అంటారు. ఇది జరిగినప్పుడు వివిధ హానికారకాలు ఏర్పడతాయి. ఒక్కొక్కసారి విటమిన్స్, యాంటీ ఆక్సిడెంట్స్ పొగని విడుదల చేస్తాయి, నూనె కంటే తక్కువ ఉష్ణోగ్రత వద్ద కూడా.

నునెలలో కొన్ని కొవ్వులని ఫ్రీ ఫ్యాటీ ఆసిడ్స్ అంటారు. ఈ ఫ్రీ ఫ్యాటీ ఆసిడ్స్ ఎంత ఎక్కువగా ఉంటే ఆ నూనె యొక్క స్మోకింగ్ పాయింట్ అంత తక్కువగా ఉంటుంది. రిఫైండ్ నూనెలలో ఇవి తక్కువగా ఉంటాయి కాబట్టి, వాటి స్మోక్ పాయింట్ ఎక్కువగా ఉంటుంది. అంతే కాకుండా వేడి వల్ల మరిన్ని ఫ్యాటీ ఆసిడ్స్ ఏర్పడతాయి. కాబట్టి ఎక్కువ వేడి చేస్తున్న కొద్దీ స్మోకింగ్ పాయింట్ తగ్గిపోతుంది.

ఒక నూనె యొక్క స్మోక్ పాయింట్ ని సరిగ్గా చెప్పలేకపోయినా కొంతవరకూ మనం అంచనా వేయొచ్చు. కొన్ని అంచనాల ప్రకారం ఆలివ్ ఆయిల్ స్మోక్ పాయింట్ 374-405 డిగ్రీ ఫారెన్ హీట్ వరకూ ఉండచ్చు. కాబట్టి, వేపుళ్ళతో సహా ఏ రకమైన వంటకైనా దీన్ని వాడుకోవచ్చు.

ఎక్స్ట్రా వర్జిన్ ఆలివ్ ఆయిల్ స్మోక్ పాయింట్ 374-405 డిగ్రీ ఫారెన్ హీట్ వరకూ ఉండచ్చు. కాబట్టి, చాలా రకాల వంటలకు ఈ నూనెని వాడుకోవచ్చు. వంట వల్ల కొన్ని యాంటీ ఆక్సిడెంట్స్ ని నష్టపోతాం..సాధారణ వంట వల్ల ఆలివ్ ఆయిల్ కు పెద్దగా నష్టం జరగకపోవచ్చు. కానీ, విటమిన్ ఇ, యాంటీ ఆక్సిడెంట్స్ వంటివి అధిక ఉష్ణోగ్రత వద్ద నాశనమవ్వచ్చు.

Also Read : కృత్రిమంగా పిల్లలు కనాలంటే ఇలా చేయాల్సిందే..

ఒక పరిశోధనలో ఆలివ్ ఆయిల్ ని 356 డిగ్రీ ఫారెన్ హీట్ వరకు వేడి చేస్తే కొంత విటమిన్ ఇ, యాంటీ ఆక్సిడెంట్స్ లో క్షీణత కనిపించింది. ఎక్స్ట్రా వర్జిన్ ఆలివ్ ఆయిల్ లో ఒలియోకాంథాల్ అనే ఒక పదార్ధం ఉంటుంది. ఆలివ్ ఆయిల్ లో ఉండే శీతలగుణానికి ఇదే కారణం. తొంభై నిమిషాలా పాటూ ఆలివ్ ఆయిల్ ని 464 డిగ్రీల ఫారెన్ హీట్ వద్ద వేడి చేస్తే ఒలెయోకాంథాల్ 19% తగ్గిందని ఒక కెమికల్ టెస్ట్ ద్వారా తెలిస్తే 31% తగ్గిందని రుచి ద్వారా తెలిసింది.

ఇంకో పరిశోధనలో 24 గంటల పాటూ వేడి ఉపయోగరమైన లక్షణాలు కొంచెం తగ్గితే, మైక్రోవేవ్ లో పదినిమిషాలుంచినా, నీళ్ళలో మరిగించినా అంత తేడా కనబడలేదు.ఆలివ్ ఆయిల్ ని వేడి చేస్తే దాని రుచి లో మార్పు వస్తుందన్నది మాత్రం నిజం. సారాంశం. కొన్ని పరిశోధనల్లో వేడి వల్ల ఆలివ్ ఆయిల్ లోని కొన్ని ప్రయెజనాలను నష్టపోతామని అని చెబుతున్నప్పటికీ ఇదే కచ్చితమని చెప్పలేకపోతున్నారు.

అసలు విషయం ఏంటంటే.. నాణ్యమైన ఎక్స్ట్రా వర్జిన్ ఆలివ్ ఆయిల్ వంటలో వాడినా కూడా దాని ప్రయోజనాలను కోల్పోదు. అయితే దాని రుచి మాత్రం మారవచ్చు. ఆలివ్ ఆయిల్ అధిక ఉష్ణోగ్రత వద్ద కూడా స్థిరం గానే ఉంటుంది. ఆలివ్ ఆయిల్ వంట చెయ్యడానికి చాలా మంచి, ఆరోగ్యకరమైన నూనె.



Source link

Leave a Reply

Your email address will not be published. Required fields are marked *