ongole girl raped: ఆడపడుచుని అమ్మేసిన వదిన.. ప్రకాశంలో దారుణం – minor girl forced into prostitution, 9 arrested in prakasam district


మానం కోసం ప్రాణాలైనా ఇచ్చే మహిళలను చూసుంటాం.. కానీ తన ఇంటికి ఆశ్రయం కోసం వచ్చిన ఆడపడుచుని అంగట్లో బొమ్మలా వదిన వ్యభిచార గృహానికి అమ్మేసిన దారుణ ఘటన వెలుగుచూసింది. పద్దెనిమిదేళ్లు నిండని మైనర్ బాలిక అని కూడా చూడకుండా వ్యభిచార కూపంలోకి నెట్టేసింది. తనువంతా పుండైన బాలిక.. ఆ బాధలు భరించలేక తప్పించుకుని పోలీసులను ఆశ్రయించడంతో దారుణం వెలుగులోకి వచ్చింది. కేసును సీరియస్‌గా తీసుకున్న పోలీసులు బాలికపై పశువాంఛలు తీర్చుకున్న మృగాలను గుర్తించి అరెస్టు చేశారు. ఈ షాకింగ్ ఘటన ప్రకాశం జిల్లాలో జరిగింది. దిశ డీఎస్పీ మీడియా సమావేశంలో కేసు వివరాలు వెల్లడించారు.

నెల్లూరు జిల్లా కావలికి చెందిన బాలిక పదో తరగతితో చదువు మాన్పించడంతో ఇంటి వద్దే ఉంటోంది. తల్లిదండ్రుల మధ్య రోజూ గొడవలు జరుగుతుండడంతో ఆమె తన అన్న ఇంటికి చేరింది. ఆశ్రయం కోసం వచ్చిన ఆడబిడ్డపై అభిమానం చూపించాల్సిన వదిన అమానుషానికి తెగబడింది. సాటి మహిళ అనే కనీస కనికరం లేకుండా అంగట్లో వస్తువులా వ్యభిచార కేంద్రానికి అమ్మేసింది. బాలికను కొనుగోలు చేసిన ప్రకాశం జిల్లా కందుకూరుకు చెందిన వ్యభిచార నిర్వాహకురాలు సింగరాయకొండ రోడ్డులో ఓ ఇల్లు తీసుకుని వ్యభిచారం చేయించింది.

Also Read: చిత్తూరులో మహిళా వాలంటీర్ అదృశ్యం.. వైసీపీ నేతపై కిడ్నాప్ కేసు

ఆ నరకం నుంచి ఎలాగో తప్పించుకున్న బాలిక పోలీసులను ఆశ్రయించడంతో షాకింగ్ విషయాలు వెలుగులోకి వచ్చాయి. మైనర్ బాలికతో బలవంతంగా వ్యభిచారం చేయించి కేసును సీరియస్‌గా తీసుకున్న పోలీసులు గతంలో నలుగురిని అరెస్టు చేశారు. నిర్వాహకురాలితో ఫోన్ పే, బ్యాంకు లావాదేవీలు నిర్వహించిన విటులను సైతం గుర్తించి అరెస్టు చేశారు. బాలికపై లైంగిక దాడికి పాల్పడిన తొమ్మిది మందిని అరెస్టు చేసినట్లు డీఎస్పీ తెలిపారు. బాలికను రక్షించి ఐసీడీఎస్ అధికారులకు అప్పగించారు.

Read Also:
మైనర్ బాలికపై గ్యాంగ్ రేప్.. వీడియోలు తీసి.. జగిత్యాలలో దారుణం



Source link

Leave a Reply

Your email address will not be published. Required fields are marked *