open pores minimise tips: ఇలా చేస్తే ఓపెన్ పోర్స్ పూర్తిగా తగ్గిపోతాయి.. – home remedies to minimise open pores on the face


ఓపెన్ పోర్స్ అంటే ఏమిటి?
కాంబినేషన్ స్కిన్ నించి ఆయిల్ స్కిన్ ఉన్న వారి వరకు ఈ సమస్య సుపరిచితమే. వీరికి చర్మం మీద స్వేద గ్రంధులు తెరుచుకుని ఉంటాయి. వీటిలో, చెమటా, మురికీ ఎక్కువగా చేరతాయి. అందుకని వీరు పింపుల్స్ తోనూ, బ్లాక్ హెడ్స్‌తోనూ బాధపడుతూ ఉంటారు. స్వేద గ్రంధులలోనించే బాడీ లోని టాక్సిన్స్ బయటికి వెళ్ళిపోతాయి. కానీ, ఇవి బాగా తెరుచుకుని ఉండడమే చికాకు కలిగించే విషయం.

ఈ సమస్య అసలు ఎందుకు వస్తుంది?

సన్ స్క్రీన్ లేకుండా ఎండలో తిరగడం, వయసు, మేకప్, హార్మోనల్ ఛేంజెస్, చెమట ఎక్కువగా రావడం, జంక్ ఫుడ్ ఎక్కువగా తీసుకోవడం ఇవన్నీ ఈ సమస్యకి కారణాలే. ఈ ప్రాబ్లమ్‌ని నేచురల్ గా ఎలా కంట్రోల్ చేసుకోవాలో చూద్దాం.

1. అలోవెరా

అలోవెరా జెల్ ని ఓపెన్ పోర్స్ మీద అప్లై చేసి నెమ్మదిగా కొన్ని నిమిషాలు మసాజ్ చెయ్యండి. తరవాత ఒక పది నిమిషాలు వదిలేయండి. చల్లని నీటితో కడిగేయండి. ఇలా రోజుకోసారి చేయొచ్చు.

Also Read : జొన్న రొట్టె తింటే షుగర్ వ్యాధి కంట్రోల్‌ అవుతుందా..

2. ఆపిల్ సిడర్ వెనిగర్

అర కప్పు నీటిలో అర కప్పు యాపిల్ సిడార్ వెనిగర్ కలపండి. ఈ మిశ్రమంలో దూదిని ముంచి ముఖం మీద అద్దుకోండి. అలా ఆరనివ్వండి. ముఖం కడుక్కున్న ప్రతిసారీ ఈ స్కిన్ టోనర్ ని వాడచ్చు.

3. ఎగ్ వైట్ మాస్క్

ఒక కోడిగుడ్డు తెల్ల సొన, రెండు టేబుల్ స్పూన్ల ఓట్స్ పౌడర్, రెండు టేబుల్ స్పూన్ల నిమ్మరసం కలపండి. ఈ మిశ్రమాన్ని ముఖం అంతా రాయండి. అర గంట వదిలేసి మామూలు నీళ్ళతో కడిగేయండి.. ఇలా వారానికి రెండు సార్లు చెయ్యచ్చు.

4. బొప్పాయి గుజ్జు

పండిన బొప్పాయి పండు ముక్కల్ని మెత్తటి గుజ్జులా చెయ్యండి. దీన్ని ముఖానికి పట్టించండి. ఇరవై నిమిషాల తరవాత కడిగేయండి. ఇలా వారానికి రెండు సార్లు చెయ్యచ్చు.

5. అరటి పండు

బాగా ముగ్గిన అరటి పండు తొక్క తీసుకుని దాని లోపలి భాగం తో ముఖం మీద నెమ్మదిగా మసాజ్ చెయ్యండి. పదిహేను నిమిషాల తరవాత కడిగెయ్యండి. రోజు విడిచి రోజు ఇలా చేయొచ్చు.

6. ఆర్గాన్ ఆయిల్

రెండు, మూడు చుక్కల ఆర్గాన్ ఆయిల్‌ని వేళ్ళ మీద వేసుకుని దాని వేడిచేయండి. ఇప్పుడు దాన్ని ముఖానికి పట్టించి వేళ్ళ చివరలతో మృదువుగా మసాజ్ చెయ్యండి. ఒక అర గంట తరవాత గోరు వెచ్చటి నీటితో కడగండిడి. దీన్ని ప్రతి రోజూ నిద్రపోబోయే ముందు చేయండి.

Also Read : చెమటకాయలని తగ్గించే ఇంటి చిట్కాలు..

7. జొజోబా ఆయిల్

రెండు మూడు చుక్కల జొజోబా ఆయిల్ ని ముఖం మీద అప్లై చేసి గుండ్రం గా మసాజ్ చెయ్యండి. దీన్ని రాత్రంతా అలాగే ఉంచెయ్యండి. ఇలా వారానికి రెండు సార్లు చెయ్యచ్చు.

8. కుకుంబర్

నాలుగైదు ముక్కల కుకుంబర్ లో రెండు టేబుల్ స్పూన్ల నిమ్మ రసం వేసి దాన్ని మెత్తటి గుజ్జులా చేయండి. ఈ మిశ్రమాన్ని ముఖానికి రాసి పదిహేను నిమిషాల పాటూ అలా వదిలెయ్యండి. చల్లని నీటితో కడిగెయ్యండి. ఇలా వారానికి రెండు సార్లు చెయ్యచ్చు.

9. శనగపిండి

ఒక టేబుల్ స్పూన్ శనగపిండి లో ఒక టేబుల్ స్పూన్ పెరుగూ, ఒక టీ స్పూన్ పసుపూ, రెండు మూడు చుక్కల వర్జిన్ ఆలివ్ ఆయిల్ వేసి కలపండి. దీన్ని ముఖానికి అప్లై చేసి ఒక అరగంట పాటూ ఉంచెయ్యండి. చల్లని నీటితో కడిగేసి టవల్ తో ముఖాన్ని నెమ్మదిగా ఒత్తండి. వెంటనే మాయిస్చరైజర్ అప్లై చేసుకోండి. ఇలా వారానికి రెండు సార్లు చెయ్యచ్చు.

10. పండ్ల గుజ్జు

మీ ఇంట్లో ఉన్న పళ్ళని తీసుకుని వాటిని మెత్తటి గుజ్జులా చెయ్యండి. దీన్ని ముఖానికి అప్లై చేసి నెమ్మదిగా మసాజ్ చెయ్యండి. పదిహేను నిమిషాల తరవాత కడిగెయ్యండి. ఇలా వారానికి రెండు సార్లు చెయ్యచ్చు.

11. బేకింగ్ సోడా

రెండు టేబుల్ స్పూన్ల బేకింగ్ సోడా లో రెండు టేబుల్ స్పూన్ల గోరువెచ్చటి నీరు పోసి కలపండి. దీన్ని ముఖానికి అప్లై చేసి ముప్ఫై సెకన్ల తరవాత కడిగెయ్యండి. ఇలా వారానికి రెండు సార్లు చెయ్యచ్చు.

12. ముల్తానీ మిట్టి

రెండు టేబుల్ స్పూన్ల ముల్తానీ మిట్టి లో రెండు టేబుల్ స్పూన్ల పాలు కానీ, రోజ్ వాటర్ కానీ వేసి కలపండి. దీన్ని ఫేస్ మాస్క్ లాగా వేసుకోండి. ఆరిపోయిన తరవాత చల్లని నీటితో కడిగెయ్యండి. ఇలా వారానికి రెండు సార్లు చెయ్యచ్చు.

13. తేనె

ఒక టేబుల్ స్పూన్ తేనె తీసుకుని ముఖానికి అప్లై చేసి గుండ్రంగా మసాజ్ చెయ్యండి. పదిహేను నిమిషాల పాటూ వదిలెయ్యండి. గోరు వెచ్చటి నీటితో కడిగి వెంటనే చల్లని నీటితో కడగండి. దీన్ని రోజూ అయినా, రోజు విడిచి రోజు అయినా చెయ్యచ్చు.

14. ఓట్స్, టమాట

ఒక పండిన టమాటా గుజ్జు లో ఒక టేబుల్ స్పూన్ ఓట్స్ పౌడర్ ని కలపండి. దీన్ని ముఖానికి అప్లై చేసి మసాజ్ చెయ్యండి. ఆరిపోయాక చల్లని నీటితో కడిగెయ్యండి. ఇలా వారానికొకసారి చెయ్యచ్చు.

15. షుగర్ స్క్రబ్

ఒక టేబుల్ స్పూన్ బ్రౌన్ షుగర్ లో ఒక టేబుల్ స్పూన్ తేనె, ఒక టీ స్పూన్ నిమ్మ రసం వేసి కలపండి. దీన్ని ముఖానికి అప్లై చేసి మెల్లగా స్క్రబ్ చెయ్యండి. తరవాత గోరువెచ్చని నీటితో కడిగెయ్యండి. ఇలా వారానికొకసారి చెయ్యచ్చు.

Also Read : నాన్ వెజ్ కొంటున్నారా.. ఇక్కడే తీసుకోండి..

ఈ ఓపెన్ పోర్స్ సమస్య రాకుండా ఏం చెయ్యాలి?

1. రోజుకి రెండు సార్లు క్లెన్స్ చేసుకోవాలి.
2. రెగ్యులర్ గా ఎక్స్ఫోలియేట్ చేసుకోవాలి.
3. నెలకి ఒక సారి డీప్ పోర్ క్లెన్సింగ్ చెయ్యాలి.
4. నిద్రపోబోయే ముందు తప్పనిసరిగా మేకప్ రిమూవ్ చెయ్యాలి.
5. ముఖం కడుక్కోవడానికి వేడి నీటి కంటే కూడా గోరు వెచ్చటి నీరు ఉపయోగించాలి.
6. పింపుల్స్, బ్లాక్ హెడ్స్ ని స్క్వీజ్ చేయొద్దు
7. కూరలూ, పళ్ళూ ఎక్కువ తీసుకోవాలి.
8. మంచి నీరు బాగా తాగాలి.

ఓపెన్ పోర్స్ సమస్య ఉన్నప్పుడు..

1. సన్ స్క్రీన్ తప్పనిసరిగా వాడాలి.
2. నెలకి ఒక సారి మించి ఎక్స్ఫోలియేట్ చెయ్యకూడదు.
3. ఐస్ డైరెక్ట్ గా ముఖానికి అప్లై చెయ్యకూడదు.



Source link

Leave a Reply

Your email address will not be published. Required fields are marked *