operation green scheme: రైతులు ఇక ఎక్కడైనా అమ్ముకోవచ్చు.. గిట్టుబాటు ధరకు కేంద్రం కొత్త చట్టం – new act may give freedom to farmers to sell anywhere: nirmala sitharaman


రైతులకు గిట్టుబాటు ధర కల్పించేందుకు వీలుగా కేంద్ర ప్రభుత్వం సరికొత్త నిర్ణయం ప్రకటించింది. అంతర్‌ రాష్ట్రాల మధ్య వ్యవసాయ ఉత్పత్తుల కొనుగోళ్లు, అమ్మకాలపై పరిమితులను తొలగించనున్నట్లు తెలిపింది. తద్వారా రైతులు తమ ఉత్పత్తులను ఎక్కడ అధిక ధరలు వస్తే అక్కడ విక్రయించుకునేందుకు వీలు కలుగుతుంది. ఈ మేరకు కేంద్ర ఆర్థిక మంత్రి నిర్మలా సీతారామన్‌ శుక్రవారం (మే 15) తెలిపారు. దీని కోసం జాతీయ స్థాయిలో చట్టం తీసుకువస్తామని చెప్పారు.

వ్యవసాయ ఉత్పత్తుల మార్కెట్‌లో లైసెన్స్‌ రాజ్‌ వ్యవస్థకు అడ్డుకట్ట వేస్తున్నామని మంత్రి నిర్మలా సీతారామన్ తెలిపారు. రైతులు ఇకపై లైసెన్స్ పొందిన వ్యాపారులకు తమ ఉత్పత్తులను అమ్మాల్సిన అవసరం లేదని, దేశంలో ఎక్కడ మంచి ధర వస్తే అక్కడే తమ పంటలు అమ్ముకోవచ్చని ఆమె స్పష్టం చేశారు. వ్యవసాయ ఉత్పత్తుల అమ్మకాలకు సంబంధించి ఇ-ట్రేడ్ విధానం బలోపేతం చేస్తామని చెప్పారు.

వ్యవసాయ ఉత్పత్తుల అమ్మకానికి కొత్త పథకం తీసుకొస్తున్నట్లు నిర్మలమ్మ తెలిపారు. ‘ఆపరేషన్‌ గ్రీన్‌’ పథకం కింద పైలెట్‌ ప్రాజెక్టుగా రాయితీ అందించనున్నట్లు వెల్లడించారు. వ్యవసాయ ఉత్పత్తుల సరఫరా వ్యవస్థ పునరుద్ధరణ కోసం ఈ పథకం తీసుకొచ్చినట్లు వివరించారు. ఇందుకోసం రూ.500 కోట్లు కేటాయించినట్లు తెలిపారు. కూరగాయలు, ఉల్లిగడ్డలు, పండ్ల సరఫరాకు ఈ పథకం వర్తిస్తుందని చెప్పారు.

ఆ చట్టంలో మార్పులు..
ఆపరేషన్‌ గ్రీన్‌ పథకం కింద 6 నెలల పాటు కూరగాయలు, పండ్ల రవాణాకు 50 శాతం రాయితీ ఇవ్వనున్నట్లు మంత్రి నిర్మలా సీతారామన్ ప్రకటించారు. కోల్డ్ స్టోరేజీల్లో (శీతల గిడ్డంగులు) నిల్వ ఉంచుకున్నా.. ఆరు నెలల పాటు రవాణాలో రాయితీ ఇవ్వనున్నట్లు తెలిపారు. 1955 నాటి నిత్యావసర వస్తువుల చట్టంలో సమూల మార్పులు చేయనున్నట్లు వెల్లడించారు. నూనె గింజలు, వంట నూనెలు, పప్పులు, ఉల్లిగడ్డలు, ఆలుగడ్డల నిల్వలపై నియంత్రణను ఎత్తివేస్తున్నట్లు మంత్రి తెలిపారు. అత్యవసర సమయాల్లోనే వీటిపై ఆంక్షలు ఉంటాయని వివరించారు.

Also Read:రూ.1.63 లక్షల కోట్ల వ్యవ‘సాయం’.. రైతులకు కేంద్రం బిగ్ న్యూస్



Source link

Leave a Reply

Your email address will not be published. Required fields are marked *