owaisi on babri masjid judgement: బాబ్రీ మసీదు దానికదే కూలిందా? కోర్టు తీర్పుపై ఒవైసీ అసహనం – mp asaduddin owaisi criticizes cbi court verdict over babri masjid judgement


బాబ్రీ మసీదు కూల్చివేత కేసులో సీబీఐ కోర్టు తీర్పు తమకు బాధ కలిగించిందని హైదరాబాద్ ఎంపీ, ఏఐఎంఐఎం అధినేత అసదుద్దీన్ ఒవైసీ అన్నారు. హైదరాబాద్‌ దారుస్సాలాంలోని పార్టీ కార్యాలయంలో ఆయన మీడియా సమావేశం నిర్వహించారు. ఈ సందర్భంగా ఒవైసీ మాట్లాడుతూ.. ‘‘బాబ్రీ మసీదు కూల్చివేత కేసులో నిందితులందరిపై అభియోగాలు కొట్టివేస్తూ ఈ రోజు తీర్పు వెలువరించడం చీకటి రోజుగా భావిస్తున్నాం. బాబ్రీ మసీదు కేసులో నిందితులందరినీ నిర్దోషులుగా తేల్చిన లక్నో సీబీఐ ప్రత్యేక కోర్టు ఎలా తీర్పు ఇచ్చిందో అర్థం కాని విషయం. సరైన ఆధారాలు లేవని అందరిపై అభియోగాలు కొట్టివేయడం ఎంత వరకు సరైన నిర్ణయం?’’ అని ప్రశ్నించారు.

‘‘నేరపూరిత కుట్రకు పాల్పడ్డారనేందుకు ఆధారాలు లేవన్న కోర్టు మరి బాబ్రీ మసీదు ఎవరు కూల్చేశారో తేల్చాలి? బాబ్రీ మసీదు కూల్చివేత కేసులో 28 ఏళ్ల తర్వాత తీర్పు వెలువడింది. ఈ ఘటనలో ఎంతో మందికి గాయాలయ్యాయి. ప్రాణాల మీదకు తెచ్చుకున్నారు. ఉమా భారతి, అద్వానీ బాబ్రీ మసీదు కూల్చివేత తీర్పు అనంతరం వీరు అందరూ కలిసి స్వీట్లు పంచుకుని పండుగ చేసుకుంటున్నారు. సీబీఐ ఛార్జ్‌లో అనేక విషయాలు దాచి పెట్టింది. కేంద్రంలో అద్వానీ కళ్యాణ్ సింగ్‌తో ఎందుకు రాజీనామా చేయించలేదు. బాబ్రీ మజీద్‌పై సీబీఐ కోర్టు తీర్పు ఓ వర్గం వారికి అనుకూలంగా ఉంది.’’

‘‘సిగ్గుతో తలదించుకోవాల్సిన పరిస్థితి నెలకొంది. బాబ్రీ మసీదును మేము సంరక్షించుకోలేకపోయాం. బాబ్రీ మసీదు కూల్చివేత కేసులో అద్వానీ ఓ ముద్దాయిలా ఉన్నాడు కానీ కేంద్రం ఇతనికి సివిలైజేషన్ అవార్డు ఇచ్చింది. ఇంకా బాబ్రీ మజీద్ విషయంలో సరైన న్యాయం జరగలేదు. సీబీఐ కోర్టు తీర్పును మేం తీవ్రంగా వ్యతిరేకిస్తున్నాం. కాంగ్రెస్ హయాంలోనే బాబ్రీ మసీదు కూల్చివేత జరిగింది. సుప్రీంకోర్టు తీర్పుపై మేమంతా ఎదురుచూస్తున్నాం. ఈ కేసు విషయంలో సీబీఐ కోర్టు తీర్పు ఇచ్చినంత మాత్రాన ఈ తీర్పు ఫైనల్ కాదు.’’

‘‘ కేంద్రంలో ఉమాభారతి బాబ్రీ మసీదును తీవ్రస్థాయిలో వ్యతిరేకించినందుకే ఆమెకు కేంద్ర మంత్రి పదవులు వరించాయి. బాబ్రీ మజీద్ అంశంపై ముస్లిం లా బోర్డు నుంచి మేము పోరాడతాం. బాబ్రీ మసీదు కూల్చివేత విషయంలో సీబీఐ కోర్టు తీర్పు అంతా ఏక పక్షంగా ఉంది. ఆరోజు బాబ్రీ మసీదు ఎవరు కూల్చివేశారు ఏమైనా మ్యాజిక్ జరిగిందా బాబ్రీ మజీద్ విషయంలో మాకు న్యాయం కావాలి’’ అని ఒవైసీ డిమాండ్ చేశారు.



Source link

Leave a Reply

Your email address will not be published. Required fields are marked *