Pak pigeon: పాక్ పావురం గుట్టు రట్టు.. విడుదల చేసిన భారత్ – india releases pakistani pigeon


మ్ము కశ్మీర్‌లో పాక్ బోర్డర్‌లో కలకలం రేపిన పావురం గుట్టు వీడింది. పావురాన్ని అన్ని విధాల పరీక్షించిన భారత అధికారులు దాన్ని విడుదల చేశారు. దీంతో అది ఎగురుకుంటూ పాకిస్థాన్ వైపు వెళ్లిపోయింది. ‘అది గూఢచారి పావురం కాదు మొర్రో.. దానిపై ఎలాంటి కోడ్ లేదు’ అంటూ సరిహద్దు సమీపంలోని పాక్ గ్రామానికి చెందిన పావురం యజమాని ఇప్పటికే గోడు వెల్లబోసుకున్నాడు. అతడి విజ్ఞప్తి మేరకు ఆర్మీ అధికారులు శనివారం (మే 30) ఆ పావురాన్ని విడుదల చేశారు.

గత ఆదివారం జమ్మూకశ్మీర్‌లోని కతువా జిల్లాలో హీరా సెక్టార్‌లో ఓ పావురం సరిహద్దు వద్ద ఎగురుతూ గ్రామస్థుల కంటపడింది. దాని కాళ్లకు రింగ్ ఉండటం, దానిపై నంబర్లు ఉండటంతో ఆందోళనకు గురైన గ్రామస్థులు దాన్ని పోలీసులకు అప్పగించారు. పాకిస్థాన్‌కు చెందిన గూఢచార పావురంగా అనుమానించిన పోలీసులు దాన్ని పరీక్షించడానికి ఇండియన్ ఆర్మీకి అప్పగించారు. పావురాన్ని అన్నివిధాల పరీక్షించిన ఆర్మీ అధికారులు దాన్ని ఎలాంటి సీక్రెట్‌ ఆపరేషన్ కోసం ఉపయోగించలేదని నిర్ధారించారు.

ఎక్కడ నుంచి వచ్చింది?
గత ఆదివారం పాకిస్థాన్ నుంచి వచ్చిన పావురం సరిహద్దు సమీపంలోని గీతా దేవి చద్వాల్‌ అనే మహిళ ఇంటిపై వాలింది. ఆ పావురం కాలికి ఒక రింగ్‌ ఉండటాన్ని గమనించిన గీత.. అనుమానం దాన్ని పోలీసులకు అప్పగించింది. గతంలో పావురాల ద్వారా పాకిస్థాన్‌కు సమాచారం చేరవేసిన ఘటనలు ఉండటంతో పోలీసులు ఈ అంశాన్ని తేలిగ్గా తీసుకోకుండా అన్ని విధాల తనిఖీలు చేశారు. ఆ పావురాన్ని ఎలాంటి రహస్య సమాచారం కోసం పంపలేదని నిర్ధారించుకున్న తర్వాత విడుదల చేశారు.

‘ఇది అంతర్జాతీయ సరిహద్దు కావడంతో పాటు చాలా సున్నితమైన ప్రదేశం. రహస్య సమాచారం చేరవేసుకోవడం ఇక్కడ సర్వసాధారణంగా జరుగుతూ ఉంటుంది. అయితే.. మేం సహజంగా పక్షులను అనుమానించం. అవి సరిహద్దు ఆవల నుంచి వస్తుంటాయి, వెళ్తుంటాయి. కానీ, ఈ పావురంపై పలు అనుమానాలు వచ్చిన నేపథ్యంలో తనిఖీలు చేసి ఎలాంటి కుట్ర లేదని నిర్ధారించుకున్న తర్వాత వదిలిపెట్టాం’ అని ఓ అధికారి తెలిపారు.

ఆ నంబర్ గుట్టు ఏమిటి?
పావురం కాలికి ఉన్న రింగ్‌పై ఉన్న నంబర్లు ఉగ్రవాదులు వాడే సీక్రెట్‌ కోడ్‌‌గా అనుమానించారు. అయితే.. అది తన ఫోన్ నంబర్ అని పావురం యజమాని, పాకిస్థానీ హబిబుల్లా తెలిపాడు. దాన్ని వదిలిపెట్టాలని మూడు రోజుల కింద భారత అధికారులకు విజ్ఞప్తి చేశాడు. దాంట్లో ఎలాంటి సీక్రెట్‌ కోడ్‌ లేదని తెలిపాడు. సదరు పావురం పావురాల రేస్‌లో పాల్గొందని వెల్లడించాడు. తన నివాసం సరిహద్దుకు సమీపంలో ఉండటంతో పావురం భారత్‌లోకి వచ్చిందని అతడు వాపోయాడు.

Also Read:అది పాక్ విమానం కూలడానికి ముందు కాదు, బస్సు ప్రమాద దృశ్యాలు

Must Read:మిడతలతో కొత్త ముప్పు.. విమానాలకూ ప్రమాదం



Source link

Leave a Reply

Your email address will not be published. Required fields are marked *