pakistan flight accident: కూలిన పాక్ విమానంలో రూ.3 కోట్ల నగదు.. సెక్యూరిటీ కళ్లుగప్పి ఎలా లోపలికి వచ్చింది? – investigators find ₹30 million in wreckage of crashed pakistan flight at karachi


గతవారం పాకిస్థాన్‌లో జరిగిన ఘోర విమాన ప్రమాదంపై దర్యాప్తు కొనసాగుతోంది. కరాచీ విమానాశ్రయానికి కూతవేటు దూరంలో జనావాసాల మధ్య విమానం కూలిపోగా.. విమానంలోని 97 మంది ప్రాణాలు చనిపోయారు. వీరిలో 9 మంది చిన్నారులు కూడా ఉన్నారు. ఈ ప్రమాదంలో ఇద్దరు మాత్రం ప్రాణాలతో బయపడ్డారు. విమాన ప్రమాదం జరిగిన ప్రాంతంలో శిథిలాలను తొలగిస్తుండగా.. రూ.3 కోట్ల నగదు అధికారులు గుర్తించారు. విమానాశ్రయంలో కట్టుదిట్టమైన భద్రత, స్కానర్లు కంటపడకుండా ఇంత పెద్ద మొత్తాన్ని విమానంలోకి ఎలా వచ్చంది అనేది చర్చనీయంగా మారింది. దీనిపై అధికారులు విచారణకు ఆదేశించారు. మొత్తం రెండు బ్యాగుల్లో ఈ నగదును గుర్తించినట్టు అధికారులు పేర్కొన్నారు.

ప్రమాద స్థలిని పాకిస్థాన్ పౌరవిమానయాన అధికారులు, సింధ్ ప్రావిన్సుల గవర్నర్ ఇమ్రాన్ ఇస్మాయిల్, పాక్ విమానయాన శాఖ మంత్రి గులామ్ సర్వార్‌ సందర్శించి, పరిశీలించారు. మృతదేహాలు, వారి లగేజి గుర్తింపు ప్రక్రియ కొనసాగుతోందని, తర్వలో వాటిని కుటుంబసభ్యులకు అందజేస్తామని అధికారులు తెలిపారు. ఇప్పటికే 47 మంది మృతదేహాలను గుర్తించామని, ఇందులో 43 వారి కుటుంబాలకు అప్పగించామని పేర్కొన్నారు.

లాహోర్ నుంచి 99 మంది ప్రయాణికుల సహా 108 మందితో కూడిన పాకిస్థాన్ ఇంటర్నేషనల్ ఎయిర్‌లైన్స్ విమానం కరాచీకి వస్తుండగా.. ల్యాండ్ అవడానికి నాలుగు నిమిషాల ముందే కూలిపోయింది. దీనిని పాక్ చరిత్రలోనే అత్యంత ఘోర విమాన ప్రమాదంగా అధికారులు పేర్కొన్నారు. గతంలో 2016 డిసెంబరు 7న పీఐఏకి చెందిన ఏటీఆర్-42 విమానం ప్రయాణికులతో చిత్రాల్ నుంచి ఇస్లామాబాద్‌కు వస్తుండగా.. గాల్లోనే కూలిపోయింది. ఈ ప్రమాదంలో ప్రయాణికులు, సిబ్బంది సహా 48 మంది ప్రాణాలు కోల్పోయారు. ప్రముఖ పాకిస్థాన్ గాయకుడు, మత ప్రచారకుడు జునైద్ జంషేడ్ మృతిచెందాడు.

కాగా, ప్రమాదానికి ముందు పైలట్ ల్యాండింగ్ గేర్ వినియోగించకుండా విమానాన్ని రన్‌వే దింపడానికి ప్రయత్నించడంపై అనేక సందేహాలు వ్యక్తమవుతున్నాయి. ప్రాథమిక సమాచారం ప్రకారం.. పాకిస్థాన్ ఇంటర్నేషనల్ ఎయిర్‌లైన్స్ విమానం పైలట్లు ల్యాండింగ్ గేర్ లేకుండా రన్‌వేపై దింపే ప్రయత్నం చేశారని, ఆ సమయంలో దాని వేగం 327 కిలోమీటర్ల ( గంటకు 203 మైళ్లు) ఉన్నట్టు తెలిపింది.

ఎయిర్ ట్రాఫిక్ కంట్రోల్ నుంచి క్లియరెన్స్ రాకపోవడంతో తొలుత పైలట్లు ల్యాండింగ్ ప్రయత్నాన్ని విరమించుకుని, విమానాన్ని వెనక్కు మళ్లించారు. కానీ, కొద్దిసేపటి తర్వాత నియంత్రణ కోల్పోతున్నట్టు ఏటీసీకి ఫిర్యాదుచేసిన పైలట్లు.. అదే రన్‌వేకి తిరిగి రావడానికి ప్రయత్నిస్తుండటంతో ఎయిర్‌బస్ ఎస్‌ఈ ఏ320 జనావాసాల్లోకి దూసుకెళ్లింది.



Source link

Leave a Reply

Your email address will not be published. Required fields are marked *