Pakistan parliament: పాక్ పార్లమెంట్‌లో మోదీ నినాదాలు – pakistan parliament reverberates with ‘modi, modi’ chants, foreign minister qureshi lashes out in anger


పాకిస్థాన్ పార్లమెంట్‌లో ‘నరేంద్ర మోదీ’ పేరు మార్మోగిపోయింది. మీరు చదివింది కరెక్టే. ప్రతిపక్ష పార్టీల ఎంపీలు భారత ప్రధానిని కీర్తిస్తూ అక్కడ పెద్ద పెట్టున నినాదాలు చేశారు. బెలూచిస్థాన్‌కు స్వాతంత్య్రం కోరుతూ తమ నిరసన వ్యక్తం చేశారు. దీంతో అధికార పీటీఐ (Pakistan Tehreek-e-Insaf) నేతలు తీవ్ర అసహనానికి గురయ్యారు. గురువారం (అక్టోబర్ 29) వాడివేడిగా జరిగిన పార్లమెంట్‌ సమావేశంలో ప్రతిపక్ష ఎంపీలు ఇమ్రాన్‌ ఖాన్ ప్రభుత్వంపై తమ వ్యతిరేకత తెలుపుతూ భారత ప్రధానిని కీర్తిస్తూ నినాదాలు చేశారు.

పాకిస్థాన్ జాతీయ అసెంబ్లీలో ఫ్రెంచ్ ఉత్పత్తులను బహిష్కరించడంపై చర్చ జరిగింది. ఈ అంశంపై పాక్ విదేశాంగ మంత్రి షా మొహమ్మద్ ఖురేషి ప్రసంగిస్తున్న సమయంలో.. బెలూచిస్థాన్ ప్రాంతానికి చెందిన ఎంపీలు ఒక్కసారిగా లేచి నిలబడి, భారత ప్రధాని మోదీని ప్రశంసిస్తూ నినాదాలు చేశారు. పార్లమెంటులో ఆజాదీ (స్వాతంత్య్రం) నినాదాలు కూడా చేశారు.

ఫ్రెంచ్ ఉత్పత్తులను బహిష్కరించే తీర్మానంపై మాట్లాడిన ఖురేషీ.. ఆ తర్వాత బెలూచిస్థాన్ ఉద్యమం గురించి ప్రస్తావించగా.. ఆ ప్రాంత ఎంపీలు ఆజాదీ నినాదాలు చేశారు. ఆయన ప్రసంగానికి పదే పదే అడ్డుతగిలారు. దీంతో ఖురేషి తీవ్ర ఆగ్రహం వ్యక్తం చేశారు. ‘బెలూచిస్థాన్ స్వాతంత్య్రం కోసం ఇక్కడి నుంచి నినాదాలు లేవనెత్తినందుకు సిగ్గుపడాలి..’ అంటూ ప్రతిపక్ష సభ్యులను ఉద్దేశించి వ్యాఖ్యానించారు.

ఇండియన్ ఎయిర్ ఫోర్స్ వింగ్ కమాండర్ అభినందన్ వర్ధమాన్‌ను భారత్‌కు అప్పగించిన అంశంపై పాకిస్థాన్ పార్లమెంట్ అట్టుడుకింది. ప్రభుత్వ తీరును తప్పుబడుతూ ప్రతిపక్షాలు తీవ్ర స్థాయిలో ధ్వజమెత్తాయి. ఈ అంశంపై వివరిస్తూ పుల్వామా ఉగ్రదాడి తామే చేశామని, అది ఇమ్రాన్ ఖాన్ ప్రభుత్వం సాధించిన గొప్ప విజయమని పాక్ మంత్రి ఫవాద్ చౌదురి వ్యాఖ్యానించడం హాట్ టాపిక్‌గా మారింది.

Must Read:పుల్వామా ఘటనపై పాక్ సంచలన వ్యాఖ్యలు.. ఇక తల దించుకోవాల్సిందే

Also Read:యూరప్ దేశాల్లో మళ్లీ కరోనా.. అంతర్జాతీయ విమాన సేవలు ఇప్పట్లో లేనట్టే!



Source link

Leave a Reply

Your email address will not be published. Required fields are marked *