Pakistan plane crash: పాక్ విమాన ప్రమాదం: పైలట్ల చర్యలపై విస్మయం.. ప్రాథమిక నివేదికలో సంచలన విషయాలు – pakistan flight crashed shortly after bizarre landing attempt at 327 kph


పాకిస్థాన్‌లో గతవారం జరిగిన ఘోర విమాన ప్రమాదంలో దాదాపు 100 మంది ప్రాణాలు కోల్పోయిన విషయం తెలిసిందే. ఈ ప్రమాదానికి గల కారణాలపై దర్యాప్తు కొనసాగుతోంది. పైలట్ ల్యాండింగ్ గేర్ వినియోగించకుండా విమానాన్ని రన్‌వే దింపడానికి ప్రయత్నించడంపై అనేక సందేహాలు వ్యక్తమవుతున్నాయి. ప్రాథమిక సమాచారం ప్రకారం.. పాకిస్థాన్ ఇంటర్నేషనల్ ఎయిర్‌లైన్స్ విమానం పైలట్లు ల్యాండింగ్ గేర్ లేకుండా రన్‌వేపై దింపే ప్రయత్నం చేశారని, ఆ సమయంలో దాని వేగం 327 కిలోమీటర్ల ( గంటకు 203 మైళ్లు) ఉన్నట్టు తెలిపింది.

ఎయిర్ ట్రాఫిక్ కంట్రోల్ నుంచి క్లియరెన్స్ రాకపోవడంతో తొలుత పైలట్లు ల్యాండింగ్ ప్రయత్నాన్ని విరమించుకుని, విమానాన్ని వెనక్కు మళ్లించారు. కానీ, కొద్దిసేపటి తర్వాత నియంత్రణ కోల్పోతున్నట్టు ఏటీసీకి ఫిర్యాదుచేసిన పైలట్లు.. అదే రన్‌వేకి తిరిగి రావడానికి ప్రయత్నిస్తుండటంతో ఎయిర్‌బస్ ఎస్‌ఈ ఏ320 జనావాసాల్లోకి దూసుకెళ్లింది.

అన్ని హెచ్చరిక వ్యవస్థలతో కూడిన ఎయిర్‌బస్ వంటి జెట్‌లో ఉన్న సిబ్బంది గేర్ వాడకుండా విమానం ల్యాండ్ చేయడానికి ప్రయత్నించడ తనకు నమ్మశక్యంగా లేదని అమెరికాకు చెందిన ఏవియేషన్ సేఫ్టీ కన్సల్టెంట్ జాన్ కాక్స్ వ్యాఖ్యానించారు. గతంలో ఆయనకు ఏ320 ఎయిర్‌బస్సును నడిపిన అనుభవం కూడా ఉంది.

ల్యాండింగ్ గేర్ లేకుండా విమానం రన్‌వేపై దింపడానికి పైలట్లు ప్రయత్నించరాదని తెలిపే చెక్‌లిస్టులతో పాటు, సిబ్బంది మరచిపోయినా, గేర్ పనిచేయకపోయినా వారిని అప్రమత్తం చేయడానికి బహుళ హెచ్చరిక వ్యవస్థలు కూడా ఇందులో ఉన్నాయి.

‘గేర్ వాడకుండా రన్‌వేకు దగ్గర ఉన్నందు విమానం దింపడానికి ప్రయత్నించడం సరికాదని కాక్స్ పేర్కొన్నారు. విమానంలోని రెండు ఇంజన్లు రన్‌వేపై నుంచి 3,000 అడుగుల (915 మీటర్లు) ఎత్తుకు ఎగరడానికి రెండు నిమిషాల పాటు బాగా పనిచేసిన తరువాత ఎందుకు ఆగిపోయాయో ఇంకా స్పష్టంగా తెలియలేదు. రన్‌వేను ఢీకొట్టడం, ఇంధన సరఫరాలో సమస్య లాంటి అసాధారణ పరిస్థితుల్లో తప్ప రెండు ఇంజిన్లూ ఒకేసారి ఆగిపోవడం నమ్మశక్యంగా లేదన్నారు.

ప్రమాదానికి గురైన విమానం లాహోర్ నుంచి గత శుక్రవారం మధ్యాహ్నం కరాచీలోని జిన్నా అంతర్జాతీయ విమానాశ్రయానికి చేరుకున్నప్పుడు, ఎయిర్ ట్రాఫిక్ కంట్రోలర్లు ఇది సరైన మార్గంలో దిగడం లేదని ఆందోళన చెందుతున్నారని స్కై న్యూస్ నివేదిక పేర్కొంది. ప్రాథమిక నివేదిక ప్రకారం.. ఒక కంట్రోలర్ పైలట్లను హెచ్చరించిగా.. వారు సర్దుబాటు చేయమని కోరినట్టు వెల్లడయ్యింది.



Source link

Leave a Reply

Your email address will not be published. Required fields are marked *