pakistan plane crash video: పాక్ విమాన ప్రమాదం సీసీటీవీ దృశ్యాలు – pakistan plane crashes near karachi airport, cctv visuals of tragic accident


ప్రపంచ విమానయాన చరిత్రలో మరో ఘోర విషాదం చోటు చేసుకుంది. పాకిస్థాన్‌లో కరాచీ సమీపంలో ఓ విమానం జనావాసాలపై కుప్పకూలింది. ఈ ప్రమాదంలో 100 మందికి పైగా మరణించినట్లు తెలుస్తోంది. ప్రమాద సమయంలో విమానంలో 99 మంది ప్రయాణికులతో పాటు 8 మంది క్రూ సిబ్బంది ఉన్నట్లు పాక్ అధికారులు తెలిపారు. వీరిలో ఇద్దరు మాత్రమే ప్రమాదం నుంచి బయటపడినట్లు తెలుస్తోంది. విమానం జనావాసాలపై కుప్పకూలడంతో భారీ ప్రాణనష్టం సంభవించింది.

శుక్రవారం (మే 22) మధ్యాహ్నం 2.25 గంటల సమయంలో ఈ ప్రమాదం జరిగింది. విమాన ప్రమాదానికి సంబంధించిన భయానక దృశ్యాలను సోషల్ మీడియా ద్వారా పలువురు షేర్ చేశారు. తాజాగా ఈ ప్రమాదానికి సంబంధించిన సీసీటీవీ దృశ్యాలు వెలుగులోకి వచ్చాయి.

samayam telugu

పాకిస్థాన్ ఇంటర్నేషనల్ ఎయిర్‌లైన్స్‌కు చెందిన ఎయిర్‌బస్ 320 విమానం శుక్రవారం మధ్యాహ్నం లాహోర్ నుంచి కరాచీ వెళ్తుండగా ఈ ప్రమాదానికి గురైంది. కరాచీ ఎయిర్‌పోర్టులో మరో నిమిషంలో ల్యాండింగ్ అవాల్సి ఉండగా ప్రమాదం జరిగింది. ఘటన జరిగిన సమయంలో కరాచీ వస్తున్న మరో విమానం నుంచి ఓ ప్రయాణికుడు ప్రమాద దృశ్యాలను తన సెల్‌ఫోన్లో బంధించాడు.

ప్రమాదానికి కొన్ని సెకన్ల ముందు పైలట్ ఏటీసీకి సమాచారం ఇచ్చారు. విమానానికి సంబంధించిన రెండు ఇంజిన్లు ఫెయిల్ అయ్యాయని తెలిపారు. ల్యాండింగ్‌కు రన్ వే క్లియర్‌గా ఉందని చెప్తుండగానే విమానంతో సంబంధాలు తెగిపోయాయి. ఆ వెంటనే భారీ శబ్దంతో విమానం కుప్పకూలింది.

కరాచీ విమానాశ్రయానికి 4 కి.మీ. దూరంలో ఈ ప్రమాదం జరిగింది. ప్రమాద విషయం తెలియగానే పాక్ సైన్యం, సహాయ సిబ్బంది, పోలీసు సిబ్బంది ఘటనా స్థలికి చేరుకొని సహాయ కార్యక్రమాలు చేపట్టారు. కరాచీ విమానాశ్రయంలో అత్యవసర పరిస్థితి ప్రకటించారు. విమానం జనావాసాలపై కూలడంతో పలువురు మరణించగా.. 30 మంది వరకూ గాయపడ్డారు.

samayam telugu

Karachi Plane crash

దేశమంతా రంజాన్‌ వేడుకలకు సిద్ధమవుతుండగా.. అందులోనూ రంజాన్ మాసం చివరి శుక్రవారం రోజున చోటు చేసుకున్న ఈ ఘటనతో పాకిస్థాన్‌లో విషాదం అలుముకుంది. విమాన ప్రమాదంపై పాక్‌ ప్రధాని ఇమ్రాన్‌ ఖాన్‌ దిగ్భ్రాంతి వ్యక్తం చేశారు. ఘటనా స్థలం నుంచి పైలట్ సహా పలువురి మృతదేహాలను సహాయక సిబ్బంది బయటకు తీశారు. పాకిస్థాన్‌లో లాక్‌డౌన్ నిబంధనలు ఇటీవలే సడలించడంతో విమాన సేవలు తిరిగి ప్రారంభించారు.

samayam telugu

ప్రమాదం జరిగిన ప్రాంతం

Also Read:పెళ్లైన రెండో రోజే వధువుకు కరోనా.. దేవుడా!

Must Read:కరోనా కొత్త షాక్.. కోలుకున్న వారికి హార్ట్ ఎటాక్



Source link

Leave a Reply

Your email address will not be published. Required fields are marked *