Parthiv Patel: ధోనీ కారణంగా ఎవరికీ అవకాశం దక్కలేదు: పార్థీవ్ పటేల్ – india wicketkeeper-batsman parthiv patel opens up on competition with ms dhoni


భారత మాజీ కెప్టెన్ మహేంద్రసింగ్ ధోనీ కంటే ముందే పార్థీవ్ పటేల్ అంతర్జాతీయ క్రికెట్‌‌లోకి అరంగేట్రం చేశాడు. కానీ.. కెరీర్ ఆరంభంలోనే పవర్ హిట్టర్‌గా వెలుగులోకి వచ్చిన ధోనీ.. క్రమంగా మూడు ఫార్మాట్లలోనూ ఫస్ట్ ఛాయిస్ వికెట్‌ కీపర్‌.. అనంతరం కెప్టెన్‌గా ఎదిగిపోయాడు. దాంతో.. టీమిండియాలో అతనికి పోటీనే లేకపోయింది. పార్థీవ్ పటేల్‌తో పాటు దినేశ్ కార్తీక్ అప్పుడప్పుడు టీమ్‌లోకి ఎంపికైనా.. అది సెకండ్ వికెట్ కీపర్‌‌గా మాత్రమే. 2014లో టెస్టులకి ధోనీ రిటైర్మెంట్ ప్రకటించినా.. అప్పటికే రేసులో పార్థీవ్, కార్తీక్ చాలా వెనకబడిపోయారు. దాంతో.. సాహాకి అవకాశం దక్కింది. ఇప్పుడు అతనికి పోటీగా రిషబ్ పంత్ ఉన్నాడు.

ధోనీతో అప్పట్లో పోటీపై పార్థీవ్ పటేల్ తాజాగా మాట్లాడుతూ ‘‘టీమిండియా అప్పటి పరిస్థితుల్ని ఒప్పుకోవాలి.. ఇంకా చెప్పాలంటే అంగీకరించాల్సిన వచ్చింది. ధోనీ కెప్టెన్‌గా ఉండటంతో.. మిగిలిన వికెట్ కీపర్లందరూ సెకండ్ వికెట్ కీపర్ స్థానానికి మాత్రమే పోటీపడాల్సి వచ్చింది. అప్పట్లో నాపై వేటు పడగానే.. దేశవాళీలో ఆడుతూ ఆటతీరుని మెరుగుపర్చుకోవడంపై దృష్టి సారించాను’’ అని వెల్లడించాడు.

భారత్ జట్టులోకి 2002లో అరంగేట్రం చేసిన పార్థీవ్ పటేల్ ఇప్పటి వరకూ 25 టెస్టులు, 38 వన్డేలు, 2 టీ20 మ్యాచ్‌లాడాడు. ఆఖరిగా 2018లో దక్షిణాఫ్రికాతో జరిగిన మూడో టెస్టులో ఆడిన పార్థీవ్ పటేల్.. రెండు ఇన్నింగ్స్‌ల్లో 2, 16 పరుగులు మాత్రమే చేశాడు. దాంతో.. అతనిపై వేటు పడగా.. తర్వాత అవకాశం దక్కించుకున్న రిషబ్ పంత్.. ఇంగ్లాండ్, ఆస్ట్రేలియా పర్యటనల్లో సెంచరీతో ఆకట్టుకున్నాడు.



Source link

Leave a Reply

Your email address will not be published. Required fields are marked *