Pawan Kalyan : కేంద్ర నిధుల ఖర్చుపై కన్నేసి ఉంచండి.. జనసైనికులకు పవన్ కీలక సూచనలు – pawan kalyan teleconference with janasena leaders amid of coronavirus crisis


దేశవ్యాప్తంగా కరోనా వైరస్ (కోవిడ్ 19) విజృంభిస్తున్న వేళ ప్రజలకు అండగా నిలవాలని జనసేన కార్యకర్తలకు ఆ పార్టీ అధినేత పవన్ కళ్యాణ్ పిలుపునిచ్చారు. జనసేన రాజకయ వ్యవహారాల కమిటీ సభ్యులు, సమన్వయ కమిటీ సభ్యులు, పార్టీ నాయకులతో శనివారం పవన్ కళ్యాణ్ టెలీకాన్ఫరెన్స్ నిర్వహించారు. ఈ సందర్భంగా పవన్ కళ్యాణ్ మాట్లాడుతూ.. లాక్ డౌన్ విధించిన క్రమంలో క్షేత్రస్థాయిలో ఎదురవుతున్న సమస్యలపై దృష్టి సారించాలని సూచించారు. రైతులు, కార్మికులు, పేదలు ఎలాంటి ఇబ్బందులు పడుతున్నారో తెలుసుకోవాలన్నారు.


అలాగే స్థానికంగా ప్రజారోగ్యం విషయంలో ప్రభుత్వం చేపడుతున్న పనులను పరిశీలించాలని పవన్ కళ్యాణ్ సూచించారు. అలాగే రాష్ట్రాలకు కేంద్ర ప్రభుత్వం నిధులు విడుదల చేసిందని, అవి ఏవిధంగా వ్యవం అవుతున్నాయో దృష్టి పెట్టాలని కోరారు.

ప్రధాన సమస్యలపై ఎప్పటికప్పుడు స్పందిద్దామని పవన్ పిలుపునిచ్చారు. రాష్ట్రంలో మామిడి రైతుల సమస్య తన దృష్టికి వచ్చిందని చెప్పారు. వెంటనే ఆ రైతుల్లో నెలకొన్న ఆందోళనపై సామాజిక మాధ్యమం ద్వారా ప్రభుత్వానికి తెలియజేశానని వెల్లడించారు. అలాగే మీ దృష్టికి వచ్చిన ప్రధాన సమస్యలను పార్టీ కార్యాలయానికి నివేదిక ఇస్తే ప్రజల పక్షాన మాట్లాడుదామని పిలుపునిచ్చారు.





Source link

Leave a Reply

Your email address will not be published. Required fields are marked *