Pawan Kalyan : నేను సైతం అంటున్న పవన్: జనసైనికులు, ఫ్యాన్స్‌కు పిలుపు.. ఈ నెల 3న అందరూ! – janasena party chief pawan kalyan calls people and fans to donate funds for pm cares


కరోనా వైరస్ ప్రపంచాన్ని వణికిస్తోంది. దేశం మొత్తం లాక్‌డౌన్ ప్రకటించాల్సిన పరిస్థితి ఏర్పడింది. మూడు వారాల పాటూ జనాలు ఇళ్లలో నుంచి బయటకు రాకూడదని అధికారులు, పోలీసులు హెచ్చరిస్తున్నారు. లాక్‌డౌన్ దెబ్బకు ఒక్కసారిగా పరిస్థితి పూర్తిగా మారిపోయింది. ఇలాంటి కష్టకాలంలో రాజకీయ, వ్యాపార ప్రముఖులు.. సినిమా సెలబ్రిటీలు అండగా నిలుస్తున్నారు. ప్రభుత్వాలు, ప్రజలకు అండగా ఉన్నామంటూ ముందుకొస్తున్నారు. వారికి తోచిన సాయాన్ని అందిస్తున్నారు.


ఈ విపత్కర సమయంలో ప్రభుత్వాలకు అండగా ఉండాలంటున్నారు జనసేన అధినేత పవన్ కళ్యాణ్. ఈ మేరకు జనసైనికులు, అభిమానులకు ఓ పిలుపును ఇచ్చారు. ‘నేను సైతం’ అంటున్నారు.. కరోనాపై పోరులో భాగంగా ఏప్రిల్‌ ౩న ప్రతి ఒక్క భారతీయుడు దేశం కోసం రూ.100 ఆ పైన.. ఎవరి శక్తి కొద్ది వారు.. PM CARESకు విరాళం ఇచ్చి ప్రధాని మంత్రి మోదీకి నైతిక మద్దతు తెలుపుదాం అన్నారు. అలాగే ఇంకా పది మందిని విరాళాలు ఇచ్చేలాగా ప్రోత్సహిద్దాం అన్నారు.

అంతేకాదు పవన్ కళ్యాణ్ పెద్ద మనసు చాటుకున్నారు. కరోనా నివారణ, సాయం కింద రెండు తెలుగు రాష్ట్రాలకు విడిగా భారీ సాయాన్ని ప్రకటించారు. ఒక్కో రాష్ట్రానికి రూ.50లక్షల చొప్పున.. రెండు రాష్ట్రాలు కలిపి రూ.కోటిని ముఖ్యమంత్రి సహాయ నిధికి అందజేస్తానని తెలిపారు. తెలుగు రాష్ట్రాల సీఎం రిలీఫ్ ఫండ్‌కు మాత్రమే కాదు.. పీఎం రిలీఫ్ ఫండ్‌కు సాయం ప్రకటించారు. రూ.కోటి అందిస్తున్నట్లు పవన్ తెలిపారు. అలాగే ఇలాంటి విపత్కర సమయంలో ప్రధాని మోదీకి తన మద్దతు ఉంటుందన్నారు.





Source link

Leave a Reply

Your email address will not be published. Required fields are marked *