Pawan Kalyan : పవన్ స్పెషల్ రిక్వెస్ట్.. స్పందించిన కేంద్రం.. వాళ్లంతా సేఫ్ – union foreign affairs minister respond on janasena cheif pawan kalyan request to save students who stuck in uk


కరోనా టెన్షన్, లాక్‌డౌన్ వేళ జనసేన అధినేత పవన్ కళ్యాణ్ తన పెద్ద మనసు చాటుకుంటున్నారు. ఇబ్బందులు, కష్టాల్లో ఉన్నవారికి అండగా నిలుస్తున్నారు. తనవంతుగా వారికి సాయం చేసే పనిలో ఉన్నారు. వివిధ రాష్ట్రాల్లో చిక్కుకుపోయిన వందలాదిమందికి సాయం అందేలా చేశారు. తాజాగా యూకేలో చిక్కుకుపోయిన భారత విద్యార్థుల సమస్యని కేంద్రం దృష్టికి తీసుకెళ్లారు.. కేంద్ర విదేశీ వ్యవహారాలశాఖ మంత్రి స్పందించారు.


బ్రిటన్ లో చిక్కుకున్న భారతీయ విద్యార్థులు ఇబ్బందులు పడుతున్నారని పవన్ ట్విట్టర్ ద్వారా తెలియజేశారు. విద్యార్థులు తినడానికి కనీసం తిండి కూడా దొరకడం లేదని.. దాదాపు 300మంది ఎయిర్‌పోర్టుల్లో పడిగాపులు కాస్తున్నారని.. వారి సమస్యల్ని కేంద్రం దృష్టికి తీసుకెళ్లారు. ఈ సమస్యను పరిష్కరించాలని కోరారు. అక్కడ పరిస్థితిని అర్ధం చేసుకోవాలన్నారు.

పవన్ చేసిన విజ్ఞ‌ప్తిపై కేంద్ర విదేశాంగ శాఖా సహాయమంత్రి మురళీధరన్ స్పందించారు. అక్కడి విద్యార్థులకు ఎలాంటి ఇబ్బందులు లేకుండా చూస్తామని.. యూకేలో ఉన్న భారతీయ రాయబార కార్యాలయం విద్యార్థులకు సంబంధించిన సమస్యల పరిష్కారంపై ఫోకస్ పెడతారని తెలియజేశారు. ఇబ్బందులు పడుతున్న విద్యార్థుల వివరాలు అందివ్వాలని పవన్‌ను కోరారు.

పొరుగు రాష్ట్రాలు, విదేశాల్లో ఇరుక్కుపోయినవారిని కాపాడే విషయమే కాదు.. కరోనా వంటి విపత్కర సమయంలో తన పెద్ద మనసు చాటుకున్నారు. కరోనా నివారణ, సాయం కింద రెండు తెలుగు రాష్ట్రాలకు విడిగా భారీ సాయాన్ని ప్రకటించారు. ఒక్కో రాష్ట్రానికి రూ.50లక్షల చొప్పున.. రెండు రాష్ట్రాలు కలిపి రూ.కోటిని ముఖ్యమంత్రి సహాయ నిధికి అందజేస్తానని తెలిపారు. తెలుగు రాష్ట్రాల సీఎం రిలీఫ్ ఫండ్‌కు మాత్రమే కాదు.. పీఎం రిలీఫ్ ఫండ్‌కు సాయం ప్రకటించారు. రూ.కోటి అందిస్తున్నట్లు పవన్ తెలిపారు. అలాగే ఇలాంటి విపత్కర సమయంలో ప్రధాని మోదీకి తన మద్దతు ఉంటుందన్నారు.





Source link

Leave a Reply

Your email address will not be published. Required fields are marked *