paytm: బిల్‌గేట్స్ మైక్రోసాఫ్ట్‌తో పేటీఎం చర్చలు..! – digital payments firm paytm in funding talks with microsoft to build war chest


ప్రధానాంశాలు:

  • నిధుల వేటలో పేటీఎం
  • మైక్రోసాఫ్ట్‌తో చర్చలు
  • ప్రత్యర్థుల నుంచి గట్టి పోటీ

డిజిటల్ పేమెంట్స్ సంస్థ పేటీఎం తాజాగా అమెరికాకు చెందిన టెక్నాలజీ దిగ్గజం మైక్రోసాఫ్ట్‌తో చర్చలు జరుపుతోంది. నిధుల కోసం ఈ చర్చలు జరుగుతున్నాయి. తీవ్రమైన పోటీ నేపథ్యంలో ముందుకు వెళ్లాలనే ఆలోచనతో పేటీఎం ఈ మేరకు మైక్రోసాఫ్ట్‌తో చర్చలు జరుపుతోంది.

పేటీఎం.. మైక్రోసాఫ్ట్ నుంచి 100 మిలియన్ డాలర్లను సమీకరించాలని యోచిస్తోంది. అంటే మన కరెన్సీలో దాదాపు రూ.760 కోట్లు అని చెప్పుకోవచ్చు. పేటీఎం గత ఏడాదిలోనే 1 బిలియన్ డాలర్లను సమీకరించాలని లక్ష్యంగా నిర్దేశించుకుంది. మన కరెన్సీలో చెప్పాలంటే రూ.7,600 కోట్లు. ఈ నిధుల సమీకరణలో భాగంగానే ఇప్పుడు పేటీఎం మైక్రోసాఫ్ట్‌తో చర్చలు జరుపుతోంది.

Also Read: భారీగా పీఎఫ్ విత్‌డ్రా.. ఎంత మంది డబ్బులు వెనక్కి తీసుకున్నారంటే?

2019 నవంబర్‌లో అమెరికాకు చెందిన అసెట్ మేనేజర్ టీ రోవ్ ప్రైస్ పేటీఎంలోకి కొత్త ఇన్వెస్టర్‌గా వచ్చారు. దాదాపు రూ.1140 కోట్లు ఇన్వెస్ట్ చేశారు. దీంతో పేటీఎం కంపెనీ వ్యాల్యూ 16 బిలియన్ డాలర్లుగా ఉంది. కాగా పేటీఎం.. మైక్రోసాఫ్ట్‌తో చర్చలను గత ఏడాదే ప్రారంభించింది. అయితే మైక్రోసాఫ్ట్ మాత్రం అప్పుడు నిధులు అందించలేదు. ఇప్పుడు మైక్రోసాఫ్ట్ పేటీఎంలో ఇన్వెస్ట్ చేసే ఛాన్స్ ఉందని విశ్వసనీయ వర్గాలు పేర్కొంటున్నాయి.

ఇకపోతే పేటీఎంలో మైక్రోసాఫ్ట్ ఇన్వెస్ట్‌మెంట్ అంశంపై అటు పేటీఎం కానీ, ఇటు మైక్రోసాఫ్ట్ కానీ స్పందించలేదు. పేటీఎం ఫౌండర్ విజయ్ శేఖర్ శర్మ మాత్రం మైక్రోసాఫ్ట్ ఇన్వెస్ట్‌మెంట్ కోసం తీవ్రంగానే ప్రయత్నిస్తున్నట్లు తెలుస్తోంది. డీల్ ఓకే అయితే అప్పుడు పేటీఎంకు కరెక్టివిటీ, కంప్యూటింగ్, స్టోరేజ్ సొల్యూషన్స్ వంటి సేవలు అందుబాటులోకి వస్తాయి. ఇకపోతే పేటీఎంకు గూగుల్ పే, ఫోన్ పే నుంచి గట్టి పోటీ ఎదురవుతోంది.



Source link

Leave a Reply

Your email address will not be published. Required fields are marked *