paytm bus ticket offer : లాక్ డౌన్ తర్వాత ఊరెళ్లాలా? బస్ టికెట్ ఇప్పుడే బుక్ చేస్తే పేటీఎం బంపరాఫర్! – good news! paytm travel to offer free cancellation on bus ticket bookings post lockdown


దిగ్గజ డిజిటల్ పేమెంట్, ఈ-వాలెట్ కంపెనీ పేటీఎం తాజాగా తన కస్టమర్లకు శుభవార్త అందించింది. ప్రత్యేకమైన ఆఫర్ అందుబాటులోకి తీసుకువచ్చింది. ఇందులో భాగంగా పేటీఎం ద్వారా బస్ టికెట్లు బుక్ చేసుకున్న వారు ఉచితంగానే టికెట్లను క్యాన్సల్ చేసుకోవచ్చు. ఎలాంటి క్యాన్సలేషన్ చార్జీలు పడవు. ఏ బస్‌ టికెట్ బుకింగ్‌కు అయినా కూడా ఇదే వర్తిస్తుంది.


అయితే పేటీఎంలో బస్ టికెట్ బుకింగ్‌పై ఫ్రీ క్యాన్సలేషన్ ఫెసిలిటీ పొందాలంటే మాత్రం.. లాక్ డౌన్ తర్వాత బుక్ చేసుకున్న టికెట్లకే ఇది వర్తిస్తుంది. అంటే మే 3 తర్వాత జర్నీ చేయాలంటే ఇప్పుడు టికెట్లు బుక్ చేసుకోవచ్చు. ఒకవేళ జర్నీలో ఏమైనా మార్పులు ఉంటే అప్పుడు టికెట్‌ను ఉచితంగానే క్యాన్సల్ చేసుకోవచ్చు.

Also Read: గుడ్ న్యూస్.. దిగొచ్చిన వెండి.. బంగారం ధర పైపైకి!

యూజర్లు బస్ టికెట్లను ముందుగానే ప్రి బుకింగ్ చేసుకోని, కరోనా వైరస్ లాక్‌డౌన్ ముగిసిన తర్వాత జర్నీ చేయొచ్చని పేటీఎం తెలిపింది. జర్నీ ప్లాన్‌లో ఒకవేళ ఏమైనా మార్పులు ఉంటే.. అప్పుడు బస్ టికెట్లను బస్సు బయలుదేరడానికి కొన్ని గంటల ముందు కూడా క్యాన్సల్ చేసుకోవచ్చని వివరించింది. అయితే ఇక్కడ క్యాన్సలేసన్ పీరియడ్ అనేది బస్ ట్రావెల్ ప్రాతిపదికన మారుతుందని పేటీఎం తెలిపింది.

Also Read: SBI గుడ్ న్యూస్.. ఏటీఎం కార్డు ఉన్న వారికి అదిరిపోయే శుభవార్త!

‘ఇది అతిపెద్ద సంక్షోభంగా చెప్పుకోవచ్చు. కరోనా వైరస్ వ్యాప్తిని ఎదుర్కోవాలంటే దేశవ్యాప్తంగా లాక్ డౌన్ తప్పదు. అయితే లక్షల మంది సొంతూర్లకు వెళ్లలేక కుటుంబాలకు దూరంగా పట్టణాలు, నగరాల్లో చిక్కుకున్నారు. లాక్ డౌన్ ఎత్తివేసిన వెంటనే వారు వారి ఊళ్లకు వెళ్లాలని భావిస్తారు. వారికి ముందుగానే బస్ టికెట్లు బుక్ చేసుకునే ఆప్షన్ కల్పిస్తున్నాం. జర్నీ మారినా కూడా డబ్బులు పోగొట్టుకోకుండా ఉండేలా ఫ్రీ క్యాన్సలేషన్ సదుపాయం కల్పిస్తున్నాం’ అని పేటీఎం ట్రావెల్ వైస్ ప్రెసిడెంట్ అభిషేక్ రాజన్ వివరించారు.

కాగా పేటీఎం తన యాప్ యూఐని కూడా మార్చేసింది. స్టే ఎట్ హోమ్ ఎసెన్సియల్ పేమెంట్స్ ఆప్షన్‌ కింద పలు సర్వీసులు అందుబాటులో ఉంచింది. మొబైల్ అండ్ డీటీహెచ్ రీచార్జ్, ఎలక్ట్రిసిటీ, వాటర్, గ్యాస్, క్రెడిట్ కార్డు, ఇన్సూరెన్స్ ప్రీమియం చెల్లింపు వంటి హైలెట్ చేసింది. అంతేకాకుండా ఇన్ఫర్మేషన్ అండ్ హెల్ప్ సెంటర్ ఆప్షన్‌ను కూడా తీసుకుచ్చింది. ఇండియా ఫైట్స్ కరోనా సెక్షన్ కింద ఆరోగ్య సేతు, పీఎం కేర్స్ ఫండ్, కోవిడ్ 19 రిస్క్ స్కాన్ వంటి సేవలు అందిస్తోంది.





Source link

Leave a Reply

Your email address will not be published. Required fields are marked *