Paytm Money: గుడ్ న్యూస్.. ఇక రూ.16 ఉంటే ఈక్విటీలో, రూ.44 ఉంటే బంగారంలో ఇన్వెస్ట్ చేయొచ్చు! – paytm money launches etfs to help new investors


ప్రధానాంశాలు:

  • పేటీఎం శుభవార్త
  • కొత్త సర్వీసులు
  • కస్టమర్లకు బెనిఫిట్

దేశీ డిజిటల్ ఫైనాన్షియల్ సర్వీసెస్ ప్లాట్‌ఫామ్ పేటీఎం కొత్త సర్వీసులు అందుబాటులోకి తీసుకువచ్చింది. పేటీఎం మనీ ద్వారా ఎక్స్చేంజ్ ట్రేడెడ్ ఫండ్‌ను ETF ఆవిష్కరించింది. మార్కెట్ రెగ్యులేటర్ సెబీ నుంచి అనుమతి లభించిన తర్వాత పేటీఎం ఈ సర్వీసులను అందుబాటులోకి తెచ్చింది.

ఈటీఎఫ్‌ అనేది స్టాక్ మార్కెట్‌లో లిస్ట్ అవుతుంది. ఎన్ఎస్‌ఈ, బీఎస్‌ఈలో ఇవి ట్రేడ్ అవుతాయి. ఇన్వెస్టర్ల పోర్ట్‌ఫోలియోలో ఈటీఎఫ్ అనేది కచ్చితంగా ఉండాలని పేటీఎం మనీ అభిప్రాయపడింది. అందుకే ఇన్వెస్టర్ల సౌలభ్యం కోసం కొత్త సర్వీసులు తీసుకువచ్చామని పేర్కొంది.

Also Read: Credit Cardకు అప్లై చేస్తున్నారా? ఈ చార్జీల గురించి తెలిస్తే కార్డ్ వద్దనుకుంటారు!

ఈక్విటీలో రూ.16 నుంచి ఇన్వెస్ట్ చేయొచ్చని పేటీఎం మనీ తెలిపింది. అలాగే బంగారంలో అయితే రూ.44 నుంచి ఇన్వెస్ట్ చేయొచ్చని పేర్కొంది. అదే నిఫ్టీ‌లో డబ్బులు పెట్టాలంటే చేతిలో కనీసం రూ.120 ఉంటే సరిపోతుంది. ఈటీఎఫ్ లైవ్ ప్రైస్ అప్‌డేట్, ప్రైస్ అలర్ట్ వంటివి వస్తుంటాయి. అంతేకాకుండా వీటిని విక్రయించడం ద్వారా వచ్చే డబ్బులు నేరుగా బ్యాంక్ ఖాతాలోనే జమవుతాయి.

అడ్వాన్స్‌డ్ ఇన్వెస్టర్లు ఈటీఎఫ్‌లో ఇంట్రాడే ట్రేడ్ కూడా నిర్వహించుకోవచ్చు. స్టాప్ లాస్, టార్గెట్ ప్రైస్ వంటివి సెట్ చేసుకోవచ్చు. దీర్ఘకాల ఇన్వెస్టర్లకు కూడా ఈ పేటీఎం మనీ సర్వీసు అనుగుణంగా ఉంటాయని కంపెనీ తెలిపింది. వచ్చే 18 నెలల కాలంలో లక్ష మంది ఈటీఎఫ్ ఇన్వెస్టర్లను ఆకర్షించడమే లక్ష్యంగా నిర్దేశించుకున్నామని తెలిపింది. ఈక్విటీ, గోల్డ్, డెట్, ఇండెక్స్ వంటి కేటగిరిల్లో 69 రకాల ఈటీఎఫ్‌లు ఉన్నాయి.



Source link

Leave a Reply

Your email address will not be published. Required fields are marked *