Penguin Teaser: ‘పెంగ్విన్’ టీజర్: కీర్తి సురేష్‌కు నలుగురు స్టార్ హీరోయిన్ల సపోర్ట్ – trisha krishnan, samantha, taapsee pannu and manju warrier going to launch the keerthy suresh’s penguin teaser


‘మహాన‌టి’ సినిమాతో ఆల్ ఇండియా లెవెల్‌లో గుర్తింపు తెచ్చుకున్న నటి కీర్తి సురేష్ ప్రధాన పాత్రలో నటించిన చిత్రం ‘పెంగ్విన్’. లాక్‌డౌన్ కారణంగా ఈ సినిమాను థియేటర్‌లో విడుదల చేయకుండా నేరుగా ఓటీటీ ప్లాట్‌ఫాంలో రిలీజ్ చేసేస్తున్నారు. థ్రిల్లర్ మూవీగా తెరకెక్కిన ‘పెంగ్విన్’.. జూన్ 19న అమెజాన్ ప్రైమ్ వీడియోలో విడుదలకానుంది. ఈ నేపథ్యంలో ఈ చిత్ర టీజర్‌ను జూన్ 8న విడుదల చేస్తున్నారు. ఈ సినిమా తమిళం, తెలుగు భాషల్లో ఒకేసారి రూపొందించారు. మలయాళంలోకి అనువాదం చేసి విడుదల చేస్తున్నారు. ఇప్పుడు ఈ మూడు టీజర్లను ఒకేసారి విడుదల చేస్తున్నారు.

స్టార్ హీరోయిన్లు తాప్సీ ప‌న్ను, స‌మంత‌, మంజు వారియ‌ర్, త్రిష ‘పెంగ్విన్’ టీజ‌ర్‌ని జూన్ 8న త‌మ ట్విట్టర్ ఖాతాల ద్వారా విడుద‌ల చేస్తున్నట్లు అమెజాన్ ప్రైమ్ వీడియో అధికారికంగా ప్రక‌టించింది. సమంత తెలుగు టీజర్‌ను, త్రిష తమిళ టీజర్‌ను, మంజు వారియర్ మలయాళ టీజర్‌ను లాంచ్ చేయనున్నారు. వీటన్నిటినీ తాప్సీ కూడా ట్విట్టర్ ద్వారా విడుదల చేస్తారు.

samayam telugu

‘పెంగ్విన్’ టీజర్‌ను విడుదల చేయనున్న త్రిష, తాప్సి, మంజు వారియర్

కాగా, ‘పేట’ దర్శకుడు కార్తీక్ సుబ్బరాజ్ ఈ సినిమాను సమర్పిస్తున్నారు. ఈశ్వర్ కార్తిక్ దర్శకత్వం వహించారు. కార్తికేయన్ సంతానం, కాల్ రామన్, ఎస్.సోమసేగెర్, కళ్యాణ్ సుబ్రమణియన్ సంయుక్తంగా ఈ చిత్రాన్ని నిర్మించారు. సంతోష్ నారాయణన్ సంగీతం సమకూర్చారు. ఈ వేసవికి ‘పెంగ్విన్’ విడుదల కావాల్సి ఉంది. కానీ, లాక్‌డౌన్ కారణంగా కుదరలేదు. అందుకే, ఇప్పుడు నేరుగా అమెజాన్ ప్రైమ్ వీడియోలో విడుదల చేసేస్తున్నారు.

Also Read:దుమ్ముదులుపుతోన్న ‘క్లైమాక్స్’: వెల్‌కమ్ మియా.. బైబై కరోనా అంటోన్న వర్మ

ఇదిలా ఉంటే, కీర్తి సురేష్ ప్రస్తుతం మంచి ఫామ్‌లో ఉన్నారు. వరుసపెట్టి సినిమాలను అంగీకరిస్తున్నారు. వీటిలో మూడు లేడీ ఓరియెంటెడ్ సినిమాలు కావడం విశేషం. ‘పెంగ్విన్’ ఇప్పుడు విడుదలవుతోంది. ఈ సినిమాతో పాటు మహేష్ ఎస్. కోనేరు నిర్మిస్తోన్న ‘మిస్ ఇండియా’, నగేష్ కుకునూర్ దర్శకత్వంలో తెరకెక్కుతోన్న సినిమాలోనూ కీర్తి సురేష్ ప్రధాన పాత్రలు పోషిస్తున్నారు. ఇవి కాకుండా హీరోయిన్‌గానూ ఆమె పలు చిత్రాలను అంగీకరించారు.



Source link

Leave a Reply

Your email address will not be published. Required fields are marked *