penis facts: పురుషాంగం వంకరగా ఉంటే ప్రమాదమా.. – top male health problems know here all details


చాలా మంది పురుషులకి కొన్ని సమస్యలు ఉంటాయి. ఇవి బయటికి చెప్పుకోవడానికి కూడా వారు కాస్తా బాధపడతారు. వక్షోజాలు పెరగడం, వృషణాల్లో గడ్డలు, మూత్ర విసర్జన ఎక్కువగా ఉండడం ఇలా అనేక సమస్యలు ఉంటాయి. అందులో 8 ముఖ్యమైనవి.. అవేంటో ఆ సమస్యకి పరిష్కారాలు ఏంటో తెలుసుకోండి.

​వక్షోజాలు పెరగడం

samayam telugu

మగవారికి ఆడవారిలా వక్షోజాలు పెరగడం మూడు కారణాల వల్ల జరుగుతుంది. మొదటిది, వారు అధికబరువుతో ఉన్నప్పుడు, లేదా బీర్ చాలా ఎక్కువగా తాగుతారు. దీనితో పెద్ద సమస్య లేదు. బరువు తగ్గడం ద్వారా, బీర్ తగ్గించడం ద్వారా ఇది అదుపులోకి వచ్చేస్తుంది. రెండోవది, గైనెకోమాస్టియా. మీ సమస్య గైనెకోమాస్టియా వల్ల అయితే మీకు చికిత్స తప్పనిసరి. మీ శరీరంలో ఈస్ట్రోజెన్, టెస్టోస్టిరాన్ హార్మోన్ల మధ్య సమతూకం లేకపొతే గైనెకొమాస్టియా అంటారు. ఈస్ట్రోజెన్ హార్మోన్ వల్ల వక్షోజాలు పెరుగుతాయి. కానీ మగవారిలో ఉండే టెస్టోస్టిరాన్ హార్మోన్ చాలా ఎక్కువగా ఉండి ఈస్ట్రోజెన్ హార్మోన్ ప్రభావాన్ని తగ్గిస్తుంది. ఈ హార్మోన్ల స్థాయిల్లో ఉండే తేడాల వల్ల మగవారిలో వక్షోజాలు పెరుగుతాయి. మూడోది, కాలేయానికి సంబంధించిన సమస్య. కాలేయం సరిగ్గా పనిచేయకపోతే అది హార్మోన్ల స్థాయిల్లో తేడాని కలుగచేసి వక్షోజాలు పెరిగేలా చేయొచ్చు. అయితే కొంచెం పెద్దవారైన మగవారిలో ఈ సమస్య వృషణాలు పనితీరుని దెబ్బ తీస్తుంది.

​పురుషాంగం సరిగ్గా లేకపోవడం

samayam telugu

స్తంభించిన పురుషాంగం కొద్దిగా వంకరంగా ఉండడం సహజమే అయినా, సహజం కంటే తేడా గా ఉన్నా, నొప్పిగా ఉన్నా అది పేరోనీ వ్యాధికి సంబంధించింది కావచ్చు. అంటే కొలాజెన్ పేరుకుపోవడం వల్ల పురుషాంగం అసహజంగా వంగిపోయి రతిక్రియ ని బాధాకరంగా చేస్తుంది. కొన్నిసార్లు ఈ సమస్య దానంతటదే తగ్గిపోతుంది. తగ్గకుండా నొప్పిగా ఉంటే డాక్టర్స్‌ని సంప్రదించాల్సిందే.

Also Read : గోరువెచ్చని నీటిలో ఇవి కలిపి తాగితే.. ఇమ్యూనిటీ పెరిగి కరోనా వచ్చే ఛాన్స్ తగ్గుతుందట..

​ఎక్కువ సార్లు మూత్ర విసర్జన..

samayam telugu

చాలా సార్లు మూత్రవిసర్జన చేస్తున్నా, ఆపుకోలేకపోతున్నా, బాత్రూంకి వెళ్ళేలోపే కొంచెం బయటికి వచ్చేస్తున్నా అది ప్రోస్ట్రేట్ కి సంబంధించిన సమస్య కావచ్చు. ప్రోస్ట్రేట్ కాన్సర్ కానీ ప్రోస్ట్రేట్ వాపు కానీ అయ్యే అవకాశాలున్నాయి. మీకు ఈ సమస్యలు ఏవైనా ఉంటే వైద్యుని సంప్రదించండి. వారు తగిన పరీక్షలు చేసి అవసరమైన చికిత్సా విధానాన్ని సూచిస్తారు. తప్పనిసరి పరిస్థితి వస్తే తప్ప పురుషులు వైద్య సలహా కోసం వెళ్ళరు. శరీరం ఇచ్చే కొన్ని సంకేతాలని వారు పక్కన పెట్టేస్తారు ఒక్క క్షణం కూడా ఆలోచించకుండా. చాలా సందర్భాలలో సహజంగానే, అంటే ఏ చికిత్సా లేకుండానే, వారి శరీరమే తనని తాను బాగు చేస్కుంటుంది. కానీ, అన్ని సందర్భాలలోనూ ఇలా జరుగదు. కొన్ని సార్లు వైద్య సలహా తీసుకోవడం తప్పనిసరి అవుతుంది.

​వృషణాలలో గడ్డలు

samayam telugu

వృషణాలలో వాపు కానీ, చిన్న గడ్డ గానీ ఉండడం మగవారిలో సాధారణమైన విషయమే. అది కాన్సర్ అని భయపడాల్సిన అవసరం లేదు. అసలు ఎలాంటి చికిత్సా లేకుండా దానంతటదే తగ్గిపోవచ్చు కూడా. మీకు ఉన్న గడ్డ గానీ, వాపు కానీ దానంతట అదే తగ్గకపోయినా, నొప్పిగా ఉన్నా, అసహజంగా అనిపిస్తున్నా, ఇంతకు ముందు వాటి కంటే తేడాగా ఉన్నా వెంటనే డాక్టర్స్‌ని కలవడం మంచిది.

​వాసన తెలియకపోవడం

samayam telugu

మగవారికి వాసన తెలియకపోవడం వారి సంతానోత్పత్తి సరిగా లేదనే దానికి కారణం. వృషణాలు సరిగా పని చేయడం లేదని, హార్మోన్స్ సరిగ్గా ఉత్పత్తి కాకపోయినా ఇలాంటి సమస్య ఎదురవుతుంది. ఈ పరిస్థితిని వైద్య పరిభాషలో అనోస్మియా అంటారు. ఇది కాల్మన్స్ సిండ్రోమ్‌తో కలిసి ఉండవచ్చు. కాల్మన్స్ సిండ్రోం అంటే పురుషుల శరీరాల్లో పురుష హార్మోన్స్ లేకపోవడమనే ఒక జన్యు పరమైన జబ్బు.

Also Read : పచ్చళ్ళు ఇష్టమా.. రోజుకి ఎంత తినాలో తెలుసుకోండి..

​​సెక్స్ కోరిక తగ్గడం

samayam telugu

వయసు వస్తున్న కొద్దీ ముందులా ఎవ్వరూ ఉండలేరు. వయసులో ఉన్నప్పుడు ఉవ్వెత్తుగా ఉన్న కోరికలు రాను రానూ తగ్గిపోతాయి. కానీ, ఇది ఏ సమస్య వల్ల కాదని తేల్చుకోవాలి. జర్నల్ ఆఫ్ సెక్సువల్ మెడిసిన్ పరిశోధనల ప్రకారం ప్రతి నలుగురిలో ఒకరు అంగస్తంభన సమస్యతో బాధపడుతున్నారు. దీనికి కారణం వయసు ఒక్కటే కాదు, ఒత్తిడి, ఆందోళన కూడా కావచ్చు. మధుమేహం, గుండెజబ్బు లాంటి వైద్య పరమైన కారణాలు కూడా ఉండొచ్చు. కాబట్టి, పడకగదిలో మీరు ఏమైనా సమస్యలు ఉంటే మీ వైద్యుడిని సంప్రదించండి.

​కాలి బొటనవేలు నొప్పి..

samayam telugu

కాలి బొటనవేలు నొప్పి గా ఉండడం గౌటు వ్యాధికి సంకేతం కావచ్చు. స్త్రీలకీ, పురుషులకీ ఇద్దరికీ ఈ పరిస్థితి వచ్చే అవకాశమున్నా పురుషులకి ఈ వ్యాధి వచ్చే అవకాశం మూడురెట్లు ఎక్కువగా ఉంటుంది. వృద్ధులలో ప్రతి పదహారు మంది మహిళల్లో ఒకరు ఈ వ్యాధికి గురవుతుంటే, పురుషులలో ప్రతి ఏడుగురిలో ఒకరు దీని బారిన పడుతున్నారు. గౌటు కూడా ఒక రకమైన కీళ్ళ నొప్పులే. అయితే ఇది ప్రధానంగా కాలి బొటనవేలి దగ్గర కనపడుతుంది. శరీరంలో యూరిచ్క్ ఆసిడ్ నిల్వలు పెరిగినప్పుడు ఈ వ్యాధి వస్తుంది. దీని వల్ల సోడియం యూరేట్ రక్తంలోనూ, కీళ్ళ వద్దా పేరుకుంటుంది. దీనివల్ల కీళ్ళనొప్పులు ఏర్పడవచ్చు. ఈ పరిస్థితి మరీ తీవ్రమైతే నష్టం ఎక్కువగా ఉంటుంది. కాబట్టి , కాలి బొటనవేలు నొప్పిగా ఉంటే వైద్యుని సంప్రదించడి.

Also Read : ఈ లక్షణాలు కనిపిస్తే మీకు మధుమేహం ఉన్నట్లే!

​బట్టతల

samayam telugu

చాలామంది పురుషులకి వయసు పెరుగుతున్న కొద్దీ బట్టతల వస్తుంది. కానీ, ఒక్కొక్కసారి అది ఇంకేదైనా సమస్య వల్ల కూడా కావచ్చు. జర్నల్ ఆఫ్ క్లినికల్ ఆంకాలజీ పరిశోధనల ప్రకారం బట్టతల లేనివారిలో కంటే, బట్టతల ఉన్నవారిలొ ప్రోస్ట్రేట్ లో ట్యూమర్ పెరిగే అవకాశం నలభై శాతం ఎక్కువగా ఉంది. బట్టతల, ప్రోస్ట్రేట్ కాన్సర్ – రెండూ అత్యధిక స్థాయిలో ఉన్న సెక్స్ హార్మోన్స్ ఉనికి వల్ల వస్తాయి. కాబట్టి, జుట్టు ఎక్కువగా ఊడిపోతుంటే ఒకసారి డాక్టర్‌ని సంప్రదించి ట్యూమర్ వంటి సమస్యలు ఉన్నాయా.. లేదా అని తెలుసుకోండి.



Source link

Leave a Reply

Your email address will not be published. Required fields are marked *