petrol home delivery: ఇక పెట్రోల్ హోమ్ డెలివరీ… కేంద్రం కీలక నిర్ణయం – union minister dharmendra pradhan envisages home delivery of petrol, cng


పెట్రోల్, సీఎన్‌జీలను హోమ్ డెలివరీ విషయమై కేంద్రం కీలక నిర్ణయం తీసుకుంది. కరోనా కారణంగా దేశంలో విధించిన లాక్‌డౌన్ సమయంలో పెట్రోల్, సీఎన్‌జీలను ఇంటివద్దకే తీసుకువెళ్లి అందించేలా ఆయిల్ కంపెనీలు నిర్ణయం తీసుకున్నాయని కేంద్ర పెట్రోలియం శాఖ మంత్రి ధర్మేంద్ర ప్రధాన్ వెల్లడించారు. ఇప్పటికే డీజిల్‌ను హోం డెలివరీ చేస్తున్నామని, అలాగే పెట్రోల్, సీఎన్‌జీలను కూడా ఇంటివద్దనే ప్రజలకు అందించేలా ఆయిల్ కంపెనీలు చేసిన ప్రతిపాదనకు కేంద్రం పచ్చజెండా ఊపిందని మంత్రి పేర్కొన్నారు.

ఇప్పటికే దేశంలోని ఎంపిక చేసిన నగరాల్లో డీజిల్ ను 2018 నుంచి పెట్రోల్, సీఎన్జీ హోం డెలివరీ చేస్తున్నామని మంత్రి చెప్పారు. దేశవ్యాప్త లాక్ డౌన్ వల్ల ఇంధన డిమాండ్, వినియోగం గణనీయంగా తగ్గిందని మంత్రి చెప్పారు. రతన్ టాటా ఆధ్వర్యంలోని ఇండియన్ స్టార్టప్ కంపెనీ రిపోస్ ఎనర్జీ కంపెనీ మొబైల్ పెట్రోల్ పంపుల ద్వార ఇంటివద్దనే పెట్రోలు డెలివరీ చేస్తాయని మంత్రి వివరించారు.
భారతదేశం ప్రపంచంలో మూడవ అతిపెద్ద చమురు కొనుగోలుదారుగా ఉంది. అయితే ప్రపంచ వ్యాప్తంగా పలు దేశాల్లో విధించిన లాక్ డౌన్ కారణంగా డిమాండ్ భారీగా పడిపోయింది. భారతదేశంలో ఇంధన వినియోగం ఏప్రిల్‌లో దాదాపు 70% తగ్గింది. పెట్రోల్ డిమాండ్ గత ఏడాదితో పోల్చితే ప్రస్తుతం సమయంలో 47% కన్నా తక్కువగా ఉంది, డీజిల్ వినియోగం 35% తక్కువగా ఉంది.

ఇటీవల, రతన్ టాటా నేతృత్వంలోని టాటా గ్రూప్ మద్దతుతో ఇండియన్ స్టార్టప్ రెపోస్ ఎనర్జీ, ఇంట్లో ఇంధనాన్ని అందించడానికి మొబైల్ పెట్రోల్ పంపులతో ముందుకు రావాలని యోచిస్తున్నట్లు ప్రకటించింది. ప్రస్తుత ఆర్థిక సంవత్సరంలో ఇలాంటి 3,200 మొబైల్ పెట్రోల్ పంపులను ఉత్పత్తి చేయాలని లక్ష్యంగా పెట్టుకున్నట్లు పూణేకు చెందిన సంస్థ ఒక ప్రకటన విడుదల చేసింది. సిఎన్‌జి, ఎల్‌ఎన్‌జి, పిఎన్‌జిలతో సహా అన్ని రకాల ఇంధనాలను ఒకే చోట అందించడానికి త్వరలో ఇంధన కేంద్రాలను పునరుద్ధరించనున్నట్లు పెట్రోలియం శాఖ మంత్రి తెలిపారు.

మరోవైపు ఇప్పటికే 56 సీఎన్‌జీ స్టేషన్లను శుక్రవారం ఆన్‌లైన్‌ ద్వారా కేంద్ర పెట్రోలియం, సహజవాయువుల శాఖ మంత్రి ధర్మేంద్రప్రధాన్‌ జాతికి అంకితం చేశారు. వీటిలో నూతనంగా ప్రారంభించిన 8 స్టేషన్లు కూడా ఉన్నాయి. తెలంగాణ సహా 11 రాష్ట్రాల్లో ఈ స్టేషన్లు ప్రభుత్వ, ప్రైవేట్‌ ఆధ్వర్యంలో ఉన్నట్లు మంత్రిత్వ శాఖ పేర్కొంది. ఈ సందర్భంగా కేంద్ర మంత్రి మాట్లాడుతూ.. లాక్‌డౌన్‌ నేపథ్యంలో ఈ స్టేషన్లను ప్రారంభించడం ఆలస్యమైందన్నారు. వీటి ద్వారా మరో 50 వేలకు పైగా వాహనాలకు సీఎన్‌జీ అందుబాటులోకి వస్తుందని చెప్పారు.



Source link

Leave a Reply

Your email address will not be published. Required fields are marked *