PF News: ఉద్యోగులకు EPFO ఊరట.. వారికి రూ.10 లక్షలు! – epf news: big relief for epfo employees, organisation announces rs 10 lakh ex gratia on death due to covid 19


ప్రధానాంశాలు:

  • ఉద్యోగులకు ఈపీఎఫ్‌వో ఊరట
  • కరోనా ఎక్స్‌గ్రేషియా
  • కుటుంబ సభ్యులకు రూ.10 లక్షలు మొత్తం

ఉద్యోగుల భవిష్య నిధి సంస్థ ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) తాజా కీలక నిర్ణయం తీసుకుంది. కోవిడ్ 19 కారణంగా మరణించిన ఉద్యోగుల కుటుంబ సభ్యులకు రూన.10 లక్షల ఎక్స్‌గ్రేషియా అందిస్తామని ప్రకటించింది. దీంతో మరణించిన ఉద్యోగి కుటుంబాలకు ఆర్థికంగా ప్రయోజనం కలుగనుంది.

‘కరోనా వైరస్ కారణంగా మరణించిన సెంట్రల్ బోర్డు ఉద్యోగులకు కుటుంబ సభులకు (నామినీ లేదా చట్టపరమైన వారసులు) వెల్ఫేర్ ఫండ్ నుంచి రూ.10 లక్షల ఎక్స్‌గ్రేషియా డెత్ రిలీఫ్ ఫండ్‌ను అందిస్తాం’ అని ఈపీఎఫ్‌వో తెలిపింది. ప్రస్తుతం డెత్ రిలీఫ్ ఫండ్ నుంచి అందించే ఎక్స్‌గ్రేషియా మొత్తం రూ.3.9 లక్షలుగా ఉంది.

Also Read: గుడ్ న్యూస్.. భారీగా దిగొచ్చిన బంగారం ధర.. వెండి పతనం!

దేశంలో కరోనా కేసులు వేగంగా పెరుగుతూ వస్తున్న నేపథ్యంలో ఈపీఎఫ్‌వో ఈ నిర్ణయం తీసుకోవడం గమనార్హం. కాగా కేంద్ర ప్రభుత్వం కోవిడ్ 19ను జాతీయ విపత్తుగా ప్రకటించిన విషయం తెలిసిందే. కరోనా వైరస్ శరవేగంగా విస్తరిస్తున్న నేపథ్యంలో కూడా ఈపీఎఫ్‌వో సేవలు కొనసాగుతున్నాయి. పీఎఫ్ డబ్బులు విత్‌డ్రా చేసుకోవచ్చు.

Also Read: శుభవార్త: భారీగా తగ్గిన గ్యాస్ సిలిండర్ ధర.. కొత్త రేట్లు ఇలా!

ఇకపోతే రూ.10 లక్షల ఎక్స్‌గ్రేషియా మొత్తానికి ఒక ప్రక్రియ ఉంటుంది. ఈపీఎఫ్‌వో ఒక వెల్ఫేర్ ఆఫీసర్ నియమిస్తుంది. ఇతను కరోనా వైరస్ ద్వారా మరణించిన ఉద్యోగికి సంబంధించిన రిపోర్ట్‌ను ఆఫీ‌సర్ ఇన్ చార్జ్‌కు అందిస్తారు. తర్వాత స్క్రీనింగ్ కమిటీ వెల్ఫేర్ ఆఫీసర్ ఇచ్చిన రిపోర్ట్‌ను పరీక్షిస్తుంది. ఆఫీసర్ ఇన్ చార్జ్‌కు తన సూచనలు తెలియజేస్తుంది. తర్వాత ఆఫీసర్ ఇన్ చార్జ్ తన ప్రతిపాదనలతో సహా రిపోర్ట్‌ను రీజినల్ స్టాఫ్ వెల్ఫేర్ కమిటీ ప్రెసిడెంట్‌కు పంపిస్తారు. ఈయన ఒకే చేస్తే ఉద్యోగి కుటుంబ సభ్యలకు ఎక్స్‌గ్రేషియా అందుతుంది. ఈ మొత్తం ప్రాసెస్‌ 15 రోజుల్లో పూర్తి కావాలని ఈపీఎఫ్‌వో డెడ్‌లైన్ నిర్ణయించింది.

కాగా ఈపీఎఫ్‌వోకు 6 కోట్ల మందికి పైగా సబ్‌స్క్రైబర్లు ఉన్నారు. అలాగే 65 లక్షల మంది పెన్షనర్లు ఉన్నారు. పీఎఫ్ ఖాతాదారులు, పెన్షనర్లకు సంబంధించిన ఫిర్యాదులను పరిష్కరించడానికి గ్రీవెన్స్ వ్యవస్థ కూడా కలిగి ఉంది. కార్మిక శాఖ కింద ఈ ఈపీఎఫ్‌వో పనిచేస్తుంది. ఈపీఎఫ్‌వోకు 21 జోనల్ ఆఫీసులు, 138 రీజినల్ ఆఫీసులు, 117 డిస్ట్రిక్ ఆఫీస్‌లు ఉన్నాయి.



Source link

Leave a Reply

Your email address will not be published. Required fields are marked *