PF Withdrawal: ఈ తప్పులు సరిదిద్దుకుంటేనే పీఎఫ్ డబ్బులు తీసుకోగలం.. లేదంటే..



పీఎఫ్ అకౌంట్ కలిగిన వారికి అలర్ట్. ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్‌వో) తన కస్టమర్లకు ఎన్నో రకాల సేవలు అందిస్తోంది. వీటిల్లో పీఎఫ్ అకౌంట్ వివరాలను అప్‌డేట్ చేసుకోవడం కూడా భాగమే. పీఎఫ్ అకౌంట్‌లో వివరాలు తప్పుగా ఉంటే.. వాటిని ఆన్‌లైన్‌లోనే కరెక్ట్ చేసుకోవచ్చు. దీనికి పెద్దగా టైమ్ కూడా పట్టదు.

పీఎఫ్ అకౌంట్ వివరాలు కరెక్ట్‌గా ఉంటేనే ఆన్‌లైన్‌లో డబ్బులు విత్‌డ్రా చేసుకోగలం. అందువల్ల మీకు పీఎఫ్ డబ్బులు విత్‌డ్రా చేసుకోవాలని భావిస్తే.. ముందుగా పీఎఫ్ అకౌంట్ వివరాలు కరెక్ట్‌గా ఉండేలా చూసుకోండి. అప్పుడే పీఎఫ్ డబ్బులను సులభంగా విత్‌డ్రా చేసుకోవడం వీలవుతుంది. ఈపీఎఫ్‌వో ఏప్రిల్, మే నెలలో ఏకంగా 52.63 లక్షల మంది కస్టమర్ల కేవైసీ వివరాలను అప్‌డేట్ చేసింది.

Also Read:

పీఎఫ్ సబ్‌స్క్రైబర్లు ఆన్‌లైన్‌లోనే సులభంగానే పీఎఫ్ అకౌంట్ వివరాలను అప్‌డేట్ చేసుకోవచ్చు. దీని కోసం ఈపీఎఫ్‌వో పోర్టల్‌కు వెళ్లి లాగిన్ అవ్వాలి. దీనికి యూఏఎన్ నెంబర్, పాస్‌వర్డ్ కచ్చితంగా ఉండాల్సిందే. లాగిన్ అయిన తర్వాత మేనేజ్ ఆప్షన్‌లోకి వెళ్లాలి. అక్కడ మోడిఫై బేసిక్ డీటైల్స్ అని ఉంటుంది. దీనిపై క్లిక్ చేయాలి.

ఇప్పుడు మీరు ఇదివరకే ఆధార్ అప్‌డేట్ చేసుకొని ఉంటే పర్సనల్ డీటైల్స్‌ను మార్చుకోవడం కుదరదు. లేదంటే ఆధార్ నెంబర్ స్లాట్‌లో నెంబర్ వేసి.. తర్వాత పేరు, జెండర్, పుట్టిన తేదీ వంటి వివరాలను ఎంటర్ చేయాలి. తర్వాత సబ్‌మిట్ చేయాలి. మీ వివరాలు మీ కంపెనీకి వెళ్తాయి. కరెక్ట్‌గా ఉంటే అప్‌డేట్ అవుతాయి. యూఏఎన్ నెంబర్‌తో ఆధార్ లింక్ అయితేనే ఆన్‌లైన్‌లో పీఎఫ్ డబ్బులు తీసుకోగలం. లేదంటే తీసుకోలేం.



Source link

Leave a Reply

Your email address will not be published. Required fields are marked *