Pharma exports : Trump హెచ్చరిక.. తలొగ్గిన భారత్.. మోదీ సర్కార్ కీలక నిర్ణయం! – modi govt frees exports of all apis, formulations except paracetamol


ప్రపంచంలోనే జనరిక్ డ్రగ్స్ కీలక సప్లయర్‌గా కొనసాగుతూ వస్తున్న భారత్ ఈరోజు అగ్రరాజ్యం అమెరికా హెచ్చరికకు తలొగ్గింది. 24 ఫార్మాస్యూటికల్ ఇన్‌గ్రీడియంట్స్, వీటి ద్వారా తయారు చేసే మెడిసిన్స్‌ ఎగుమతులపై ఆంక్షలను ఎత్తివేసింది. అయితే పారాసిట్మాల్‌పై మాత్రం ఆంక్షలు కొనసాగుతాయి. కేంద్ర ప్రభుత్వం గత నెలలో వీటి ఎగుమతులను నిషేధించింది. కరోనా వైరస్ వల్ల గ్లోబల్ సప్లై చెయిన్స్‌పై ప్రతికూల ప్రభావం పడటంతో మోదీ సర్కార్ ఈ నిర్ణయం తీసుకుంది.


భారత ప్రభుత్తం ఎందుకు ఈ మెడిషన్స్‌పై విధించిన ఆక్షంలను తొలగించిందో కచ్చితంగా తెలియదు. కానీ ప్రభుత్వ వర్గాలు మాత్రం అమెరికా ఒత్తిడి కారణంగానే ఎగుమతులపై ఆంక్షలను తొలగించిందని పేర్కొంటున్నాయి. భారత ప్రధాని నరేంద్ర మోదీ, అమెరికా ప్రెసిడెంట్ డొనాల్డ్ ట్రంప్ శనివారం ఫోన్ కాల్‌లో మాట్లాడుకున్న విషయం తెలిసిందే. ఈ నేపథ్యంలో ఇప్పుడు కేంద్రం ఈ నిర్ణయం తీసుకోవడం గమనార్హం.

Also Read: 6 ఏళ్ల కనిష్టానికి పతనమైన బంగారం.. లేటెస్ట్ రేట్లు ఇలా!

ప్రభుత్వం ఎగుమతి చేయకుండా నిషేధం విధించిన 26 ఇన్‌గ్రీడియంట్స్‌, ఔషధాల్లో పారాసిట్మాల్, దీని ఫార్ములేషన్స్‌కు చెందిన రెండు ఐటమ్స్ ఉన్నాయి. భారత్ ఫార్మా ఎగుమతుల్లో ఈ 26 ఇన్‌గ్రీడియంట్స్ 10 శాతం వాటాను కలిగి ఉన్నాయి. కేంద్రం అలాగే టెస్టింగ్ కిట్స్, వెంటిలేటర్లు, మాస్క్‌లు ఇతరత్రా వాటి ఎగుమతులపై కూడా నిషేధం విధించింది.

Also Read: SBI డెబిట్ కార్డు ఉపయోగిస్తున్నారా? ఈ చార్జీల గురించి తెలుసుకోండి!

కాగా మోదీ‌తో కాల్‌లో మాట్లాడేటప్పుడు ట్రంప్.. యాంటీ మలేరియా డ్రగ్ అయిన హైడ్రాక్సీక్లోరోక్విన్‌ను సరఫర చేయాలని కోరారు. కోవిడ్ 19ను ఎదర్కోవడానికి ప్రస్తుతం దీన్నే ఎక్కువగా ఉపయోగిస్తున్నారు. కాగా సోమవారం ట్రంప్ ఎగుమతులపై కీలక వ్యాఖ్యలు చేశారు. భారత్ హైడ్రాక్సీక్లోరోక్విన్‌ను ఎగుమతి చేయకపోతే ప్రతీకార చర్యను ఎదుర్కోవలసి వస్తుందని హెచ్చరించారు. ఇప్పుడు కేంద్రం దీన్ని ఎగుమతుల నిషేధ జాబితా నుంచి తొలగించింది.





Source link

Leave a Reply

Your email address will not be published. Required fields are marked *