piglets in quarantine: పంది పిల్లలు క్వారంటైన్లో.. చైనా నుంచి భారత్‌లోకి మరో వైరస్! – african swine fever in northeast, piglets from uk quarantined in delhi


పంది పిల్లలను క్వారంటైన్లో ఉంచడం ఏంటి అనుకుంటున్నారా? బ్రిటన్ నుంచి నేషనల్ లైవ్ స్టాక్ మిషన్ దిగుమతి చేసుకున్న పంది పిల్లలను క్వారంటైన్లో ఉంచారు. ఈశాన్య రాష్ట్రాల కోసం వీటిని తెప్పించగా.. ఆఫ్రికన్ స్వైన్ ఫీవర్ కారణంగా అసోం, అరుణాచల్ ప్రదేశ్‌ల్లో పందులు చనిపోతున్నాయి. ఈ ఇన్ఫెక్షన్ వేగంగా వ్యాప్తి చెందుతుండటంతో.. వందలాది పందులు ప్రాణాలు వదులుతున్నాయి. దీంతో బ్రిటన్ నుంచి తెప్పించిన పంది పిల్లలను ఢిల్లీలో క్వారంటైన్లో ఉంచారు.

అగర్తలా, ఐజ్వాల్‌లోని అధికారులు వెల్లడించిన వివరాల ప్రకారం.. ఈశాన్య రాష్ట్రాల్లో పంపిణీ చేయడం కోసం యునైటెడ్ కింగ్‌డమ్ నుంచి మంచి నాణ్యమైన 262 పంది పిల్లలను దిగుమతి చేసుకున్నారు. కానీ అసోంలోని ఆరు జిల్లాలు, అరుణాచల్ ప్రదేశ్‌లోని 9 జిల్లాలో ఆఫ్రికన్ స్వైన్ ఫీవర్ ఇన్ఫెక్షన్ కారణంగా వందలాది పందులు చనిపోవడంతో.. యూకే నుంచి తెప్పించిన పంది పిల్లలను ఢిల్లీలో క్వారంటైన్లో ఉంచారు.

ఫిబ్రవరిలోనే పంది పిల్లలను యూకే నుంచి తెప్పించారు. కానీ వీటికి ఇన్ఫెక్షన్ సోకుతుందనే భయంతో ఢిల్లీలోని యానిమల్ క్వారంటైన్ అండ్ సర్టిఫికేషన్ సర్వీస్ సెంటర్లో క్వారంటైన్లో ఉంచారు. వైట్ యార్క్‌షైర్, ల్యాండ్‌రేస్ బ్రీడ్‌కు చెందిన ఈ పందులు అరుదైనవి, స్థానిక బ్రీడ్‌‌తో పోలిస్తే ఎన్నో విధాలుగా మెరుగైనవి. ఈశాన్య రాష్ట్రాల్లో పంది మాంసాన్ని ఎక్కువగా తింటారు.

ఇక ఆఫ్రికన్ స్వైన్ ఫీవర్ విషయానికి వస్తే.. అత్యంత ప్రమాదకరమైన ఈ ఇన్ఫెక్షన్ చైనాలోని టిబెట్ నుంచి అరుణాచల్ ప్రదేశ్‌లోకి వ్యాపించి ఉంటుందని అనుమానిస్తున్నారు. ఈ వైరస్ కారణంగా వేలాది పందులు చనిపోతుండటంతో.. వేరే రాష్ట్రాల నుంచి పందులను తీసుకురావొద్దని ఈశాన్య రాష్ట్రాలు ప్రజలకు సూచించాయి.

ఆఫ్రికన్ స్వైన్ ఫీవర్‌ను 1909లో తొలిసారి కెన్యాలో గుర్తించారు. 1960-80 మధ్య ఇది యూరప్, అమెరికా దేశాలకు విస్తరించింది. 2018లో చైనాలోని షెన్‌యాంగ్ ప్రాంతంలో ఈ వైరస్ వ్యాప్తి చెందింది. తర్వాత ఫిలిఫ్పిన్స్, వియత్నాం, ఈస్ట్ తైమూర్, దక్షిణ కొరియా దేశాలకు ఈ వైరస్ విస్తరించింది. జ్వరం, ఆయాసం, శ్వాసతీసుకోవడంలో ఇబ్బంది, చర్మం రంగు మారడం, రక్తం గడ్డ కట్టడం, డయేరియా, వాంతులు మొదలైనవి ఈ ఇన్ఫెక్షన్ లక్షణాలు. ఈ వైరస్ బారిన పడిన పందులు పది రోజుల్లోగా చనిపోతాయి.



Source link

Leave a Reply

Your email address will not be published. Required fields are marked *